[الضايع]

السلام عليكم\\

شباب اخوكم يعيش ايام كئيبه ... صدمن واحد وهج اليوم .. وانا واقف


الصراحه مالي نفس اطول بالقصه لاني تعبت كثر ما تذكرته\\

ابي يا شباب اعدله بدون سمكره لان به طقه بسيطه بالكبوت وشلون ؟؟ قالولي الكبوت مجوف ما يجي تعديل لازم سمكره وبويه وخرابيط ... تكفون انصحون

[كلي مشاعر]

الله يعوضك خيرانشاءالله..

والحمدلله على السلامه يالغالي

تحيــــــــــاتي

[عبدالعزيز محمد]

أخي الكريم عوضك الله خير و الله يستر عليك من الحوادث و شرها و اتمنى أنك قدرت تاخذ لوحته لينال ما يستحقه ،،

بالنسبه للكبوت أذا كنت من الرياض أستطيع أن أدلك على ورشه و جربتها بنفسي أكثر من مره و يستطيع التعديل و أنصحك بالسمكره خصوصا أن الورشه أعتبرها أكثر من رائعه و لأقصى درجه ولكـــن سعرها أعلى من السوق لجوده عملها ،،



سمكرت سياره عندهم و صدقني لم يستطيع أي شخص أن يكتشف أن فيها عيب مع أن الصدمه كانت قويه قليلا ،،

فمان الله

[م.أنس]

خطاك السو عزيزي وبالحديد ولافيك طال عمرك


بالنسبة للكبوت اعتقد انه الوكالة أفضل من الكل .. فلا تبخل على سيارتك الجديدة بالوكالة عزيزي

ممكن تصلحها بورشة خارج الوكالة وبعد شهرين والا ثلاثه يتغير لون الكبوت ويصير غير لون السيارة والسمكرة واضحه فيه ...

وش بتكون ردة فعلك غير انك رح تتحسف كثير


عموماً الله يعوض عليك عزيزي وفكر بالموضوع ولاتبخل على أفالونتك


ودمتم

[شعباوي]

اول شي الحمد لله على السلامة و الشي الثاني روح الوكالة وفك عمرك من السيارة

[احمد باطيب]

الف سلامه والله يعوضك وما تشوف شر انشاء الله .....

اما الكبوت فأنا انصحك بشركة في جدة احسن من الوكالة 1000000000 مرة........

[البروفسيور]

انا سمكرت سيارة قبل في الوكالة وكان شغلهم دمار سي جدا عند المركز الشامل حق عبد اللطيف جميل ماادري يمكن علشان كانت على التامين بس ياليت الاخوان الي في الرياض يعطكونا اسم الورشة الممتازة الي يقولون عنها ونكون لهم من الشاكرين
تحياتي لكم

[الضايع]

مشكورين على ردودكم..

الطقه بصراحه ما تسوى سمكره يعني قهر ارشه بويه وخرابيط عشان طقه بسيطه ..

ما دري تتوقعون ممكن ينفع تنشفط بجهاز الشفط ..


اخوي انس
والله اني احس الضربه بقلبي مهب بشبك وكبوت السياره وسويت حداد 3 ايام بسبته ..

[المنار]

هلا اخوي الضايع

اولا الحمد لله على السلامة
وكل شئ اهون من اللي اعظم منه

اما من ناحية الصدمة اللي في السيارة
فانصحك جدا جدا بالتعديل ولا تقرب السمكرة ابدا مهما كان
وخاصة اذا كانت بوية (صبغ )السيارة لم تتأثر كثيرا

وانا صار لي بالافالون زي ماصار لك لكن بالرفرف الامامي وموتري كان وقتها توه ماله شهر
لكن الحمد لله ان البويه لم تتأثر الا بشئ بسيط في الصدام
فسويتها عند ورشة مشهوووووووووورة قد جربتها من قبل
والحمد لله رجعت الافالون زي ماكانت

فأنصحك لاتقرب من السمكرة لان الناس ماتقدر كيف كانت الصدمه قبل السمكرةوهي يمكن بسيطة

فلاتتعدى التعديل هو احسن شئ واسأل مجرب

لكن الورشة يمكن تكون بعيدة عنك
لكن بالنسبة لي انا لو مكانك اروح للورشة هذي في أي مكان مهما كانت بعيدة وخاصة ان الموتر يستاهل










مكان الورشة في عنيزة
اسمها : الورشة الدولية الحسـون
رقم التلفون
063620567
063623330
063621566

والله يحفظنا وياكم من كل مكروه


تحـــــــــــيــاتي

[الضايع]

مشكوررررر اخوي المنار

فعلا هذاا الي انا اقصده .. لانه اذا دخلت السمكره بالموضوع ما راح تفرق هل الصدمه قويه والا دقشه ..

وشلون هم يزينونه ...؟ لاني اخاف ما تضبط الشباب يقولون الرفرف اهون من الكبوت .. لان الكبوت ما ينشفط ..


عموما مشكور جدا جدا على اجتهادك .. وابروح للورشه الي قلته بكرى ان شا الله .

انا قاهرن شي واحد ... الي صدمن ليه هج ما صبر لين اطلع من المحل واسامحه ...!

[المنار]

هلا اخوي الضايع



احب اوضح لك شئ وهو شفط الصدمات ؟

انا زيك من قبل كنت اسمع عن جهاز لشفط الصدمات
حتى صار لي موقف معاه فعرفته على حقيقته

وهذا الموقف هو اني احتجت لتعديل سيارة من نوع فورد
فكنت اسأل عن هذا الجهاز في جدة
فدلوني على كذا محل عندهم الجهاز
لكن اول ماشفت الجهاز خيب ظني لانه بدائي
ولم يستطع ان يغير شئ في صدمة الفورد لانه ضعيف جدا

لكن اللي انا سويته للافالون عند الحسون تعديل وليس شفط
وتعديل الرفرف الامامي اصعب من الكبوت لانه في منحنيات بعكس الكبوت
ولو تشوف افالونتي ماتصدق انها معدله


واذا احتجت اي شئ انا في خدمتك
والله يوفقك

تحياتي