[$البرنس$]

السلام عليكم...

مساكم الله بالخير

عندي مشكلة بسيطة وأرجوا إني أجد حلها عندكم

المشكله وما فيها : .

إني إن شاء الله ناوي أشتري كامري 2008 قير أوتو

لكن محتار بين الجي إل إكس ولا إس إي

فأرجو منكم مساعدتي

أبي أعرف وش الفرق بينهم

المسجل , الطبلون , القير , الديكور , السماعات , المقاعد وغيرها

وهل يوجد بها مثبت سرعة و سي دي

وأسفين كثرنا الأسئلة لكن إتحملونا عاد ...

لاعدمناكم إن شاء الله

وشكرا مقدما...

[فارس الحجاز]

السلام عليكم مبرووووووووك مقدما اخوي والله معي اس اي 2007 بالنسبه للمسجل يشيل 6 سيديهات في نفس المسجل مو في الشنطه والجي ال اكس سيدي واحد فقط الطبلون الفرق مو زياده بس اس اي افضل القير نفس الشي
الديكور اس اي اسود داخلي جي ال اكس ؟ السماعات الـ اس اي ماشاء الله اماميه وخلفيه يعني قويه ماشاء الله بدون مضخم المقاعد ال اس اي تتحرك ب8 اتجاهات والـ جي ال اكس ممكن 4 والـ اس اي يوجد فيه مثبت سرعه
الـ اس اي مافيه كاسيت بس سيدي يشيل 6 والـ جي ال اكس اضن فيه كاسيت وسيدي يشيل سيدي1

[حربي اهلاوي]

السلام عليكم ورحمه الله وبركاته :
والله يا اخوي قللك الاخ فارس الحجاز الله يعطيه العافيه على الفرق
وانا عندي se2007, والله الحمدالله ميه ميه من كل شي ونصيحه اتوكل وخذ se
والف الف مبروك سوا على GLX او SE

[سباقات القطيف]

اخوي ,,

الـ SE الفئة الرياضية ,,
المسجل (6 سيديات مع امكانية تشغيل MP3 & WMA & DISC , الطبلون ( طبلون رياضي بالكامل مع شاشة بيانات )
, القير اوتوماتيك 5 سرعات , الديكور(كحلي مثل لون اللكزس الجديد مع كروم على الجوانب والمقود ) , السماعات ( 6سماعات موزعهـ مابين الأمام والخلف والصوت ماشاء الله ! ), المقاعد ( لون اسود وابيض يوحي بشكل رياضي بالكامل مع نقاط بالأبيض , ومواصفات أخرى فخمـمهـ ! بالاخير انصحك بالـ SE !

[غـيـر الـنـاس]

خذ Se احسن شكل ومواصفات

تقبل مروري

[عاشـــق اللاند]

أبي أعرف وش الفرق بينهم

المسجل ( طال عمرك مسجل الse عباره عن سيدي تشينجر يشيل 6 سيديات والglx نفس شكل السيدي ولكنه يشيل سيدي واحد)

, الطبلون (طبلون الse عباره عن طبلون رياضيه لونه اسود وطبلون الglx لونه رمادي في بيج )

, القير كلهم نفس القير سواء عادي او اوتوماتيك كلهم 5 تباديل

, الديكور الفرق ان ديكور الglx يجي مخشب ولكن الse يجي كروم رياضي

, السماعات كلهم يجون 6 سماعات

, المقاعد الse مقاعدها رياضيه بلون اسود بخطوط بيضا صغيره رياضيه والglx مقاعدها بيج عاديه



وهل يوجد بها مثبت سرعة نعم يجي فيهم كلهم مثبت سرعه

و سي دي كلهم يجي فيهم سيدي

وأسفين كثرنا الأسئلة لكن إتحملونا عاد ...

لا عادي وحياك الله

[شرقاوي ناوي]

انا بقولها بصراحة الزيادة لنوعse كبيرة وجي ال اكس ممتازة في المواصفات جميعها مثل بعض , وانا كنت سبق واحترت وش اخذ ولكن وجدت الجي ال اكس افضل واكثر مبيعا
وانا لست من عشاق الاشكال الرياضية وجي ال اكس ممتازة في الداخل والخارج ويكفيك الديكور الخشبي وزي ما قلت لك الزيادة كبيرة تقارب العشرة الاف ريال ولا فيه شي يستاهل

[$البرنس$]

شكراجزيلا لكل من رد

كفيتم ووفيتم

وعندي بعد سؤال واحد بس

هل فية إختلاف في اليايات أوالمساعدات ولا لا ؟؟؟

لأني ألاحظ الإس إي وهي ماشية تنزل وتطلع بسرعة على خفيف

مع فائق الإحترام والتقدير مرة أخري للأعضاء الذين ردوا ...

[عاشـــق اللاند]

شكراجزيلا لكل من رد

كفيتم ووفيتم

وعندي بعد سؤال واحد بس

هل فية إختلاف في اليايات أوالمساعدات ولا لا ؟؟؟

لأني ألاحظ الإس إي وهي ماشية تنزل وتطلع بسرعة على خفيف

مع فائق الإحترام والتقدير مرة أخري للأعضاء الذين ردوا ...

يايات الSE رياضيه لان فيها زوائد واليايات صلبه وناس واجد اشتكت منها

والGLX يايات عاديه

[ماجد202]

يااخوي الاخوان ما قصرووووا وعلموك الفرق

لكن انصحك بالجي ال اكس


شوف اذ تبي قوة وسرعه هائله خذ se
لكن اذ تبي فخامه ورساوة في الخط خذ glx

طبعا انا توني ماخذ جي ال اكس اسود

وروعه ما شاء الله معاي لا في الخط ولا في الفخامه

على فكرة المسجل ابو 6 سيديات اكثر خراب من ابو سيدي 1

على فكرة تراني قاومت كامري se بصراحه قويه طلع علي لكن بشي بسيط

[عاشـــق اللاند]

يااخوي الاخوان ما قصرووووا وعلموك الفرق

لكن انصحك بالجي ال اكس


شوف اذ تبي قوة وسرعه هائله خذ se
لكن اذ تبي فخامه ورساوة في الخط خذ glx

طبعا انا توني ماخذ جي ال اكس اسود

وروعه ما شاء الله معاي لا في الخط ولا في الفخامه

على فكرة المسجل ابو 6 سيديات اكثر خراب من ابو سيدي 1

ههه المكينه وحده وعلى فكره الGL يطوف الSE ويطوف الGLX

وبالنسبه للمسجل انا عندي الحمدلله مافيه خرابات

والرساوه كلهم راسيات

[$البرنس$]

شكرا لكم ...

صراحة أفدتوني كثييير

وأنا شكلي بأرسي عالجي إل إكس

ولكم فائق إحترامي وتقديري ...

[شرقاوي ناوي]

جميع المكائن واحده
ولا احد يطوف احد ابدا الا اذا كانت الحمولة اكثر في اي من السيارات فستكون الاقل سرعة تحياتي

[عاشـــق اللاند]

جميع المكائن واحده
ولا احد يطوف احد ابدا الا اذا كانت الحمولة اكثر في اي من السيارات فستكون الاقل سرعة تحياتي

كلام غير صحيح جرب وشوف

==============================

شكرا لكم ...

صراحة أفدتوني كثييير

وأنا شكلي بأرسي عالجي إل إكس

ولكم فائق إحترامي وتقديري ...

العفو وخير ماخترت