[فورتشنري]

السلام يالربع

اليوم الصبح وانا مار بجنب الوكاله قلت يالله على الطريق ادخل وشيك الـ 8000
دخلت بسم الله وعلى بركة الله
قلت للمهندس ابغا تشييك الـ 10000 بس جيتكم قبل
قال تم
عطيته المفتاح وطلع كشفهااااا ودخلها عندهم وبعد ساعتين رحت له
قلت له وش سويت في حبيبتي عساكم مازعلتوها ؟
قال تفضل واجلس
جلست وجاب الفواتير قال عليك 679 قلت ليييييش يالحبيب
قال غيرنا لك الزيت والفلتر وقازقيت وشيكنا على المساعدات والبلاوي اللي تحت كلها وغسلناهاااا
شوي عصب عليه قلت له وليش تشيك على هالشغلات يبا السيارة جديده وحدها من البيت الى الكورنيش وماتروح مكان
قال هذا نظام الوكاله
المهم اخذت السيارة ورحت بيتنا واتغدا هذا السمج اللي يفج المخ علي بالعافيه تفضلوااااااااا
المهم ماعلينا حبايبي من اليوم وفي اي تشييك قادم راح اقول له بس تغيير زيت واذا رفضوا الله يخلي بويمن اهو بيغير لي الزيت وافتك منهم

وتحياتي ياعشاق فشفوشتي

[أبو عبدالرحمن خ]

هلا والله بفورتشنري

خذها نصيحة اذا دخلت السيارة للوكالة للتشييك قلهم ابي تشييك بس دون تغيير الزيت او اي شيء لأنهم حرامية ياكلونك حبة حبة ولا يوفرون لك شيء لو لقو شيء يحتاج تغيير بعد سنة قالوا غيره الحين اظمن لك

لكن الحمد لله جت على كذا والله يوفقك ويطعمك خيره ويكفيك شره

[يالله من فضلك]

وش لك وللوكالة
وألف مبروك السيارة الله يطعمك خيرها ويكفيك شرها
وانت كاتب على التوقيع فشفوشتي وحاط صورة
بس ما اعتقد سعودي
لأن المكيف لمس ومافيه مسجل وبدون دف لوك واللون اسود
أنواع التدقيق خخ
تقبل تحياتي وألف مبروك مرة ثانية

[أنا وبس]

نصيحتي ان تقوم بالكشف الدوري في الشركة وهي تجعل خمسة الاف مجانية وخمسة الاف تدفع قيمتها
وبالنسبة للمبلغ اظن انه كثير فهل جميع الاخوة يدفعون هذا المبلغ عند الكشف المعتاد ؟؟؟

[المتحير]

انا انصحك بالشركة

لانه واحد من الشباب عنده سيارته جديدة فالاخ غير الزيت والفلتر عند بنشر وبعد فترة شاف في تهريب زيت

ودها الوكالة قالوله: شد الفلتر بقوة بدون خبرة وكلفته في الوكالة على حسابه عشان غير الزيت والفلتر برى الوكالة.