[السياغي]

اصلا ايش فايده الاسبير العلاق ماله داعي ولا منظر

[السياغي]

الكروزر 2008 تصميمه بدون سبير علاق والاسبير اضافه جديده يعني اتوقع يتعدل بالسنوات القادمه

[احسااااس]

عادي جدا .. انا كان عندي لاند كروزر 1996 وكان في المسمار..

بالعكس أأمن .. ومش متعب أبدا

[عبدالعزيز السيد]

المشاركة الأصلية كتبت بواسطة سلطان الإمارات

والله عادي هذا الشي أمان لك والمسمار موجود في المديل السابق

الشيخ ما كان موجود في الموديل السابق

[عبدالعزيز السيد]

المشاركة الأصلية كتبت بواسطة محبوب نوره

اخونا عبدالعزيز انا افهم اللي تقصده جيدا..

وهذي السالفه لاحظتها اول يوم شفت الاند الجديد عندنا في الوكاله ..

فرق كبيييير عن الاول....

بشكل عام موديلات 2007 ونازل سيارات بمعنى الكلمه وهي الهيبه الحقيقيه للكروزر

اما موديل 2008 الظاهر انا اللي صممه كان توه متغدي وشارب لبن... وانواع الكسل والتناحه:d

صدقت اخوي
لا ومب بعد متغدي وشارب لبن
الا
ماكل بخاري ومندي

[عاشـــق اللاند]

والله عيب كبير جدا

الافضل يكون سبير تحت

[عبدالعزيز السيد]

المشاركة الأصلية كتبت بواسطة عاشـــق اللاند

والله عيب كبير جدا

الافضل يكون سبير تحت

وهذا اللي انقوله
عيب على الشركة يسوون علاق وما يضبطونه

[عبـــادي]

معليش اخوي بس العجز والكسل وصل فينا

اننا مانضع مسمار في المكان المحدد !!!


والعلاق خلاص موضتها قديمة ، واكبر دليل ان اليابانيين صنعوها بدون علاق بعدين توهم مسوينه

[عبدالعزيز السيد]

المشاركة الأصلية كتبت بواسطة عبـــادي

معليش اخوي بس العجز والكسل وصل فينا

اننا مانضع مسمار في المكان المحدد !!!


والعلاق خلاص موضتها قديمة ، واكبر دليل ان اليابانيين صنعوها بدون علاق بعدين توهم مسوينه

العلاق صار موضته قديمة

[راعي الاستاندر]

تبي الصج كروزر 2008 مب شي العلااااق

[عبدالعزيز السيد]

المشاركة الأصلية كتبت بواسطة راعي الاستاندر

تبي الصج كروزر 2008 مب شي العلااااق

صدقت اخوي العلاق ما يصلح

[راعي الاستاندر]

اي والله

مع احترامي لمالكي كروزر 2008

شكله ما منه فايده (عبيط) يثقل عالموتر

[عبدالعزيز السيد]

صدقت اخوي
بانتظار المززيد من المشاركات

[العتيد]

المشاركة الأصلية كتبت بواسطة عبدالعزيز السيد

الشيخ ما كان موجود في الموديل السابق

لا اخوي كان موجود بس بدل ما تحطه فوق تحطه تحت !!

يمكن انت تقصد الاستاندر الشكل السابق لانه فعلا ما يجي بمسمار بحكم طريقة فتح الباب

[العتيد]

المشاركة الأصلية كتبت بواسطة عبدالعزيز السيد

اي كسل يا أبو حمد
انت الظاهر يا أبو حمد المفروض يسمونك حمد مش أبو حمد
الاب لين راح الجمعية ويبغي يحط اغراض في الشنطة يحطها وبكل سهولة نفس الموديلات السابقة 2007 ونازل
الحين في هذا الموديل النحس اليك هذه الخطوات ::
1- افتح العلاق من مكانه
2- شيل المسمار من العلاق
3- ضع المسمار في الفتحة
4- افتح الدرج العلوي للشنطة
5- اغلق الدرج السفلي للشنطة
6- اغلق الدرج العلوي للشنطة
7- شيل المسمار من الفتحة
8- رجع المسمار من العلاق
9 - رجع العلاق الى مكانه

واحنا بس شغلتنا نحط مسمار ونشيل مسمار
نشتغل نجاريين احسن لنا
والا شقولك

والله اخوي كلامك صح في مثل هذه الحالة وكل شي وله جمهوره

وبيني وبينك انا ماعندي سبير علاق لكن تخيل لو بنشرت !!

1- تفتح الدرج العلوي للشنطة
2- تفتح الدرج السفلي للشنطة
3- تفتح مكان العدة بالدرج السفلي
4- توصل القطع الحديدية ببعضها
5- تدخل الحديدة في مكانها
6-تحاول انك تصيب الهدف عشان ينزل الاسبير
7- تبتدي تنزل الاسبير
8- بعد ماينزل تفك السلسلة وتسحب الاسبير لبرع
9- ترد التاير المبنشر مكانه وتركب السلسلة مرة ثانية
10- ترد تدخل الحديدة في مكانها
11-تبتدي عملية رفع التاير المبنشر
هذا بالنسبة لتبديل التاير وكل خطوة انا ذكرتها فيها شغل مب مثل خطواتك ركب مسمار وفك مسمار !!!
وبعدها كل واحد يشوف ثيابه وكيف تغير لونها للاسود بسبب الزحف اللي صار تحت السيارة
( اسأل مبنشر ولا تسأل طبيب )

---------------------------

وأخيرا وليس آخرا لو وصلت فينا المواصيل ان نتكيسل عن تركيب مسمار فأكيد بنعجز عن تصليح البنشر وعن شراء حاجيات البيت وعن وعن وعن .............. إلخ.

[طعس في بر جدة]