[مرســـال]

الأخوة مالكي ES350 ومن ينوي تغيير لوحاته ... تبين لي بعد التجربة عدم مناسبة تركيب اللوحات الطويلة ... وخصوصاً اللوحة الخلفية.

واليكم النتيجة...

وأنا من بعدها رجعت وغيرت اللوحة الى العادية ... وياشين الفلسفة !

ودمتم سالمين.

[بإختصار لكزس]

هلا اخوي مرســـال

صحيح اللوحة الطويلة ماتركب 100% .. بس في مساحة فاضية نفس الصورة بـ مستطيل الاحمر

في فكرة ما ادري تجي صح ولا لا ..
تروح عند الحداد و تقص المسافه اللي بـ اللون الاحمر اللي في صورة وبعدين توديها عند
الخطاط ويحددها بالخط الاسود عشان ما تكون اللوحة مقصوصة

ما ادري تجي صح ولا انا اتخيل كذا

[حميد العنزي]

التوقع القص ممنوع

[مبتكر]

أي تلاعب باللوحات أو تركيب لوحات غير رسمية ممنوعة ..

وبعدين واضحة وانا أخوك انها ماتركب وكان بإمكانك انك تقيس أي لوحة وتروح لسيارة وتشوف هل تركب والا لا ..

بالعكس انا عندي تعطي منظر أحلى باللوحة القصيرة من الخلف لأنه لو تلاحظ اللوحة ماتكون مزحومة من الخلف وعندها مساحه جمالية مو زي بعض السيارات اذا ماتركب عليها لوحة طويلة يكون مكان اللوحة مخصص فقط للوحة الصغير ويكون ضيق واللوحة الصغيره كانها مخنوقة .

[مستلكز]

وأنا أقول مثل قول اخوي ( مبتكر )

ان اللوحة الصغيرة على الجوهرة أحلى وأحلى بكثييييييييييييير من اللوحة الطويلة
سواءً كانت أرقام لوحتك حلوة أو عادية .. في كلا الحالتين ..

ولا تطري على بااااالك أبدا ( سالفة قدام لوحة طويلة وفي الخلف لوحة صغيرة ) لأنها بتخرب شكل السيارة
وجهة نظر

[مرســـال]

يا جماعة ... نظام المرور الجديد يمنع منعاً باتاً التلاعب بشكل اللوحة ... حتى اللوحة اللي بالصورة يعطي المرور عليها مخالفة ... وأي تعديل عليها حتى لو غطى أحد المسامير شكل الحروف أو الأرقام ... هذا ما أكده لي أحد العاملين بالمرور ...

لأن اللوحات الجديدة مبرمجة على كاميرات السرعة اللي راح تركب قريباً ... وحترصد وتسجل عليك المخالفة الكترونياً.

وأنا مع كلام الأخ مستلكز 100% لأنه ذوق.

[حبوب ابوظبي]

ما ادري لوحات ابوظبي الطويلة تركب او لا

[*حمودي*]

مب مشكله , ترا كلها لوحة يعني ما تودي ولا تجيب , تاخذ عاديه طويله وش يعني ؟ تغيرت الفخامة 180درجة ؟!!

صحيح احلى الطويله لكن ما يهم وحلو تجيك السيارة ما تقبل الا اللوجات العاديه علشان يصيرون كل سياراة لكزس

es 350 بمقاس واحد لا غير ..

علشان ما يصير تفرقه بين الاشقاء

[لكزس اماراتي]

مبروك ع السيارة والرقم ..
ويعطيك خيرها ويكفيك شرها ..

:

.. حبوب بوظبي ..

لا ماتركب أخويه .. وعلى حسب علمي .. قياسات لوحات السيارات على مستوى العالم
متشابه .. الا الاشكال مختلفة ..

[النويدري]

من الوضح أن اللوحة الطويلة ماتركب في الخلف (في الجوهرة)
أنا مركب اللوحة الطويلة قدام وورى اللوحة الصغيرة

يعطيك العافية

[مستلكز]

تسلم لي يا اخوي ( مرسال ) على الإطراء

والذوق تعلمناه منكم طال عمرك

عسى الله يحفظك لعينٍ ترجيك

[روح الوفــا]

انا مثل النويدري مركب ورى صغيره وقدام طويله

مع انها جات هديه من المرور الثنتين طوال مع اني مادفعت الا 50 ريال بس غلطوا

قالي العسكري تبيها قلت له لا ماتركب


وشفت بالكورنيش لكزس مركب طويله ورى وقااصها وضابطه صح

انا كان عندي هوندا ركبت بدي كت وصار الصدام الخلفي ماتركب عليه اللوحه العاديه

والورشه قصوها لي من فوق وتحت وليومك ماحد كلمني عليها

[ةشىشسث]

اخوي اللوحة الطويلة تكون في الامام احلى والقصيره في الخلف

[ابو ابراهيم]

انا من وجهة نظري اشوف ان العيب من لكزس بكبرها في التصميم لمكان اللوحه
يعني كل السيارات الفخمه تصميمها يكون ان اللوحه الخلفيه تكون طويله
لان مافيه اي مقارنه من الناحيه الجماليه بين اللوحه الطويله والقصيره
طبعا اللوحه الطويله احلى بكثييييييييييييييييييييييييييير خصوصا اللوح الجديده
لذااااا عن نفسي باخذ لوحه طويله وبقصها وبركبها وبتصير احلى بأذن الله
واذا على المرور خلهم يعرفون يقرون ويعرفون وش السياره عشان بس يثبت ان اللوحه مقصوصه

[عنيزاوي]

السلام عليكم
وسع صدرك ابو ابراهيم الدنيا ما تستاهل

[اكورد م و د]

السلام عليكم ورحمة الله وبركاته ،،،
مرحبا اخواني اعضاء المنتدى
عندي لكم اقتراح واتوقع انه راح ينجح 100% وهو انكم تركبون اللوحات الطويله وراء بس تركبون لها مسمار طويل بحيث انه يركب في القاعدة وتصير اللوحة بارزه .
مجرد اقتراح

[بن سراء]

ترى معطيتها شكل حلو يليتك مخليها