[كاسبرسكاي]

السلام عليكم

اختلفت الأراء حلو كمية الزيت المطلوب لتغير زيت المحرك وكليوم واحد يقولي كلام مره سته ليتر مره سبعه ونص مع الفلتر او بدون فلتر ومره يقولون ثمانيه ليتر كامل مع الفيلتر . ما عرفنا شو نسوي ؟؟؟


ايضا كم تبدلو الزيت كل خمسه الف كيلو ولا عشره الف ولا ثلاثه الف ؟؟


رجاء الي عنده خبره يفيدنا شكرا .

[أبوسعــد]

عندي الجيب 6 سلندر 4.5 ليتر

ابدل 8 علب مع السيفون ( الفلتر )


بالنسبه لعدد الكيلوات على حسب الجو

يعني في الطايف 5 الآف كيلو حلو

لكن مثل جو مكه افضل يكون على 3 الآف

[هاهاها]

سبعة ونصف لتر والافظل كل مرة اتغير الفلتر لانة حجمة اصغير

[كاسبرسكاي]

ابوسعد قلت : ثمانيه ليتر مع انه عندك ست سلندر . انا رأيي الشخصي اقول كيف يكون عدد ليترات الزيت اكثر من السلندرات ؟
هل تحس صوت المحرك هادي اكثر من اللازم ولا عادي ؟ .....

ايضا هذا ما قاله لي ميكانيكي تليندي عنده ورشة يقول سته ليتر سته سلندر مع الفيلتر . اي عدد السلندرات يجب ان يتوافق مع عدد الليترات مش اقل .


ها ها ها قلت :
سبعه ليتر مع الفيلتر .

اقول مع اقوال ميكانيكييين محترفين : عدد السلندرات عالاقل لازم يتوافق مع عدد الليترات والشي الاخر الفيلتر عندما يتم تركيبه يكون فاضي وعندما يمتلء المحرك بالزيت علاقل يدخل ليتر او نص ليتر داخل الفيلتر صح ؟ لانه فاضي يكون في البدايه !! ...

اكثر من عشرة اشخاص قالو : v8 ثمانيه ليتر مع الفلتر
شخصين فقط قالو : 7.5 ليتر زيت في v8 مع الفلتر


هل هناك احد يود طرح مشاركه او يعطيني تجربته الخاصه وشكرا للمرور .

[رجل غامض]

والله ياغالي احترنا مع مع الميكانيكيين والاعضاء والعمال في المحطات كل واح يفتي من عنده

لكن انا عندي جمس V8 / 5.3

اغيرله زيت مع السيفون ست علب ... وعلى الله والحمد لله ماشي زي الحلووه ماشاء الله تبارك الله..

[أبوسعــد]

لوغيرت للجيب ست علب عندي بيطلع ناقص كثير . .

[ولد هاشم]

7 علب مع السيفون وهذي تجربتي لمدة سنتين ولاشفت الا كل خير اما اذا قالك 7علب ونص فالنص عشان يدخل مكسبه في العلبه الثامنه وهذا يظر ولايفيد الزياده
نصيحتي لك 7 علب+ السيفون وتوكل على الله قبل كل شي هذا من ولقع تجربه مع vxr2000 لمدة سنتين

[رجل غامض]

المشاركة الأصلية كتبت بواسطة أبوسعــد

لوغيرت للجيب ست علب عندي بيطلع ناقص كثير . .

انا اغير ست علب مع السيفون ويطلع الزيت على الخط تمااام وما ادري ليش كذا بالرغم ن مكينة الجمس اكبر من الجيب

[كاسبرسكاي]

شكرا للجميع لاقتراحاتكم .

الصراحه ماعرف لول كم بالضبط كل واحد يقول شي . عالعموم مشكورين .

اظني لو حطيت سبعه ونص او ثمان ما تفرق عندي كله واحد .