[الحميمي]

بسم الله
السلام عليكم يا إخوان أنصدمت سيارتي وهي واقفه لكن الحمد لله جت سلامات راح عليه الصدام الخلفي أنكسر مع دقه في الرفرف الخلفي في الركن وعفط صغير بالشنطه.

قلت أستشيركم وين أوديها لأن لون السياره تفاحي لونين Ls400 99 ومش أي ورشه تضبط اللون والصراحه هذي أول صدمه للسياره وأبغى أوديها مكان جيد (في الرياض) قلت مالي إلا منتداكم العزيز.

حطيت في بالي أوديها البازعي على طريق خريص بس ما أدري إذا عندكم أقتراح ثاني تكفون أفيدوني؟؟

وبعدين هل يحتاج رش الشنطه بالكامل مع الرفرف الخلفي؟

[ابوعبدالعزيـز]

اولا اخوي الحمدالله على السلامه
وثانيا اذا تبي افضل ورشتين بنسبة لي انا بقولك ورشة الوفاء وماي كار

[نديم الطيف]

الحمد لله على السلامة يارجال وفي الحديد ولا في العبيد


وصور لنا صورة الصدمة عشان نشوف تحتاج رج كامل والا رش كوع <---- فسرها


تبي ورشة بالصناعية القديمة ممتازة لكن غالي شغلهم...

[الحميمي]

مشكور أخوي أبو عبدالعزيز ما قلتلي رأيك بالبازعي لأني وبكل صراحه مرتاح له مع العلم أني ما قد صلحت سياره عنده وللعلم رحت عندهم قالولي بتكلف أجرة يد 2500 (شامله السمكره ورش الرفرف كامل مع الشنطه) بدون قطع الغيار وسألت عن الصدام لقيته بـ 1600 ريال كامل .

وهذي الصوره بالمرفقات أخوي نديم الطيف وخوفي الشديد من أن البويه ما تظبط
وبيني وبنكم أنا أحب السياره هذي وما أبي أندم على السمكره والبويه.