[عبدالله يوسف ا]

بسم الله الرحمن الرحيم

طبعا كلنا عارفين المشكله هذي ,,ومظهر السياره الخارجي يكون مشوه لابعد الحدود

واحد من الشباب عنده هالمشكله وكان عنده كامري مع ان لونها مو غامج مثل الاسود كان لونها اخضر

وسبحان الله ظهرت عنده هذه المشكله ولما اخوه شاف الغسال يغسل السياره بطريقه خاطئه

يعني بالعربي طريقه الغسال هي المشكله فقط لاغير لقى الاخ البنقالي يحط الخرجه وهي مبلوله على السيارة مباشره

ويغسلها طبعا السياره ماتخله من الغبار ويتم تدوير الخرجه على الغبار وهنا تتم تشكيل الدوائر

والطريقه الصحيحه تغسيل السيارة بماء حلو طبعا لما تتاكد ان الغبار حتى لو كان قليل يكون طاير

حتى لو قعد الغسال ربع ساعه وهو يرشها ماي ويشبعها وبعدين سنفجه السيارات اللي لونها اصفر

فقط لحد يستعمل خرج او فوط ويستحسن صابون اللي يعطونك الوكاله هديه مع السياره

عموما بغظ النظر عن الصابون او الشامبو اهم شي غسيلها بماء ثم السنفجه الصفره الناعمه

مثل اللي تستعمل حق الصحون طبعا بدون الطبقه الخشنه (الخضره) وهي موجوده حتى بالبقالات

والمرحله الاخير هي التنشيف (يمكن تستغربون)

تروح طال عمرك عند محل الملابس الشعبيه وتختار فنيله داخليه تكون قطن 100 % وخلها للتنشيف

عاد تبونها فنيله علاق ولا بكم كيفكم:d

هذي الطريقه جربها ولد عمي وهو ماخذ اوريون سوده وصارله كذا شهر والسيارة تبارك الرحمن كانها طالعه من وكاله وهو اللي خلاني اخذ السياره ونفس اللون

ان شاءالله استفدتوا من الموضوع ونسأل الله لنا ولكم العافيه

[هويتك]

ماقصرت اخوي معلومات روعه ومفيده


وربي في مغاسل مايستخدمون اسفنجه ولا شي ناعم

يستخدم زوليه اذا تعرفونها الزوليه اهي الارضيه للبيت

الله يعينا عليهم لاعنين خير سياراتنا

[عبدالله يوسف ا]

المشاركة الأصلية كتبت بواسطة هويتك

ماقصرت اخوي معلومات روعه ومفيده


وربي في مغاسل مايستخدمون اسفنجه ولا شي ناعم

يستخدم زوليه اذا تعرفونها الزوليه اهي الارضيه للبيت

الله يعينا عليهم لاعنين خير سياراتنا

شكرا لمرورك اخوي هويتك ,,لا حبيبي انحشش من المغاسل والله مافي احسن من غسال السياره بالبيت
سواء صاحب السيارة او غسال يخاف الله ,,,من عقب ما زلغوا سيارتي القديمه وانا ما اطب عندهم غير شر
مع انهم من المغاسل المشهورين وتنطر بالدور يالله يرفعون سيارتك

[دقات قلب]

يعطيك العافية عزيزي .. وننتظر تجارب الاخوة اصحاب الالوان القاتمة ..

[عبدالله يوسف ا]

مشكورين على الردود

وتمت التجربه مني شخصيا ولله الحمد ولادائره شفت وتبارك الرحمن كلما تنغسل بالطريقه اللي ذكرتها كأني مطلعها من الوكاله
واي استفسار انا حاضر مع انها مايبلها شي:d

[الوحش الأسود]

والله وأنا اخوك إني أول ما أشتريت السيارة رحت جري على زيبارت أسويلها تشميع للبودي واسويلها طبقه مانعه للخدوش والحاجتين دي من ضمن حاجاااااات كثير سوها لي طبعاً انا سويت عندهم ****************الخدمة الماسية بـ1300 ريال .... وعندي ضمان لمدة سنه على انه ما تطلع لا خدوش ولا دوائر .

[عاشـــق اللاند]

احسن مغسله بالكويت محطه صافي وانا كل يومين اروح اغسل عندهم وصراحه امان وتغسليهم ممتاز تخلي الموتر يلمع جنه توه طالع من الوكاله

[الوحش الأسود]

وفي كمان عندنا مغسلة بجدة يمكن أغلبية شباب جدة إلي يحب الشغل النظيف يعرفوها وهي مغسلة ( أرب ووش ) ورب النعمة مغسلة ماعليها اي كلااام يغسلوا بالبخار وبدوون اي صابون ويستخدموا مناشف مخصص للسيارات بحيث انا ما تترك اثر على السيارة وسعر الغسلة عندهم 40 ريال بس انت لما تجرب شغلهم لا ترجع لهم كل اسبوع زيي ....
ومكانهم المحطة المقابلة لمستشفى السعودي الألماني بجدة<*****<***** معروف المكان .

[طالب حرش]

المنار في جدة كان شغلهم اول ممتاز الحين ياتصيب ياتخيب

وعلى قول اخونا الوحش زيبارت وريح راسك

[ملك الغوص]

شغلك عدل اول شي ترش السياره بالماي وفي مرشات ضغط صينية حلو حق اللي يغسل بالبيت
وبعدها اسفنه كبيرة وصابون ( الاسفنجه تلقاها عند محلات تنجيد الاثاث قطعه كبير وقص منها للغسال)
واخر شي التنشيف بالقطن والحل بفنيلة مقاس كبيييييييييييير عطها الغسال وخل وحده لكل سياره وبعدها علقها لتنشف مع الشمس كل مره تستعملها.

تحياتي

[كامري_و ك ن]

يعطيك ألف ألف ألف ألف ألف ألف ألف عافية

[واحد من الناس و]

افضل طريقه تشتري عده تنظيف لسياره قطعه جلد ( شمليذر ) وسفنج وخلهم على طول بدبه الموتر وخل المغلسه يستخدمون عدتك بس

[عاشـــق اللاند]

افضل طريقه تشتري عده تنظيف لسياره قطعه جلد ( شمليذر ) وسفنج وخلهم على طول بدبه الموتر وخل المغلسه يستخدمون عدتك بس

كلامك صحيح وانا استعمل هالطريقه بكل صراحه بالمغسله وبالبيت

[عبدالله يوسف ا]

مشكورين على الردود وطرح الاراء

وانا الصراحه افضلها بالبيت احسن واامن والغسال باخه جم دينار زياده عشان يسوي اللي قلتله

الصراحه وهو يغسل احس انه مستانس طبعا على زياده راتبه)

وياعاشق اللاند انا اييدك على شامبوات المخصصه للسيارات لان الصراحه اللي استخدمه معطيني اياه الوكاله
واشوفه فرق على شامبوات العاديه بس اعتقد الحين بيخلص عنده باجر ان شاءالله بروح مركز سلطان واخذ اللي قلت عنه