اقتباس:
المشاركة الأصلية كتبت بواسطة الشروق
 سلامات شكل السياره صار غلط وين رايح بابو الشباب بتحارب فيها |
الله يسلمك يا خوي. السيارة صحيح راحت نعومتها، وبالتأكيد لم تعد تصلح للمغازلة 
اقتباس:
المشاركة الأصلية كتبت بواسطة بدر المرقب
صارت سياره دفع رباعي حقيقيه بس ما بتصلح للعوائل . |
بالعكس، تصلح للعوائل لأنها ما زالت سبع مقاعد، ما فرطت في المقاعد لأني أحتاجها. وهي سيارتي التي أستخدمها للاستخدام اليومي وأحمل فيها عائلتي الكريمة.
لكن عيبها الوحيد أنها صارت عالية في الركوب، وهذا الشيء يزعج النساء وكبار السن نوعاً ما.
اقتباس:
المشاركة الأصلية كتبت بواسطة أبو عبدالرحمن خ
هلا والله با ابو الخل صراحة نور المنتدى بوجودك
لكن عندي سؤال الحديدة اللي في الخلف كيف جاية ممكن تصورها مع كامل السيارة وين تم تركيبها
وش صار ركبت مثبت |
الله يحيك، وأشكرك على الكلمات الدافئة الرائعة.
الحديدة تقصد الهوك؟ راكبة على الشاصيه مباشرة، ومصممة خصيصاً للفورتشنر، وهذه صورة لطريقة التركيب:
أخجلتني بترحيبك أخي، جزاك الله خيراً.
وبالفعل يوجد تجارب كثيرة عملتها وموجودة مواضيعها في منتدى آخر إسمه منتدى السيارات، والتجربة التي ذكرتها كانت هي أول التجارب.
اقتباس:
المشاركة الأصلية كتبت بواسطة @ابوابراهيم@
ماشاءالله عليك اخوي عندك حركات
يبدو انك تحب المغامرات
لكن بخصوص المساعدات على مااظن تقدر تضيف لها ثانية (كل كفر مساعدين وهكذا)وخلاص بدال ليايات
وانت ادرى |
أخي الكريم، مستحيل إنك تشيل اليايات نهائياً!! إذا شلتها السيارة ما فيه شيء يعلقها. المساعدات هي فقط لامتصاص الصدمات ويستخدم خاصية الانضغاط الشديدة لبعض أنواع الغازات، والغاز المستخدم في مساعداتي هو النيتروجين، ولا يمكنها رفع السيارة وتعليقها.
اقتباس:
المشاركة الأصلية كتبت بواسطة فارس القبيلـة
ماشاء الله ابو اسماعيل ووصل اخيراً ..
انور المنتدى بوجودك اخوي الخل الوفي ,,
بالنسبه للتعديلات سبق وان شاهدتها روعة جداً
وصلتك رسالتي بالاميل,,؟؟
دمتم بووود |
منور بأهله يا خوي.
اقتباس:
المشاركة الأصلية كتبت بواسطة رنديفو
الخل الوفي  الله يهنيك شكلك تعبت وخسرت واجد بس المهم حققت مبتغاك ما اقول الا لمساتك رائعة بمعنى الكلمة وتقبل تحياتي |
أشكرك على كلماتك. وإن شاء الله ما خسرت شيء، كلها استثمارات والحمد لله.
اقتباس:
المشاركة الأصلية كتبت بواسطة متفائل بن فال
ماشاء الله , إبداعات في السيارة . طبعا بهذه التعديلات ما اتوقع تستخدمها كسيارة أساسية لانك بتصير مميز ومعروف بهذه السيارة وأنا سبق لي وأن رأيت هذه السيارة قبل حوالي شهر في أحد الطرق وكنت مستغرب من إرتفاعها الغريب . |
أشكرك أخوي، وهذه هي بالفعل سيارتي الوحيدة والتي أستخدمها في إستخداماتي اليومية.
وللعلم هناك عدد من الأشخاص ممن ركبو نظام التعليق الذي ركبته أنا ورفعوا سياراتهم، لكن إللي يظهر سيارتي عالية هو إرتفاع صدامها الحديدي. قبل تركيب الصدام ما كنت تلاحظ إرتفاعه إلا إذا ركبته. والشهرة حتماً ليست جيدة، لكن صعبة إني أشتري سيارة ثانية فقط لهذا السبب، خصوصاً أن السيارة ما زالت مريحة قيادتها بالرغم من كل التعديلات.
اقتباس:
المشاركة الأصلية كتبت بواسطة غـيـر الـنـاس
بصراحه حلو بس في حركتين غلط انت مسويهن
هذي الاولى 
طالع شكل الصدام مو كويس
والثانيه 
وبصراحه فيه حركه انت مسويها اعجبتني وحلوه مررررررررررره وهي الي تنفخ الكفرات
لانها تريحك وتصير ماتشيل هم الروحه للبر
تقبل مروري |
هلا أخوي، الحقيقة الكثير يرى، ومنهم أنا، أن الصدام الجديد جميل جداً على السيارة. نعم، كما قلت لم تعد السيارة تصلح للمغازلات، ولن تناسب قيادة النساء، لكنها جميلة ومتناسقة في رأيي.
وبالفعل، عدة البر دائماً معي ما أشيل همها.
اقتباس:
المشاركة الأصلية كتبت بواسطة الجفني
هلا ومرحبا فيك يا ابو الخل بصراحه مكسب للمنتدى ابو الخل وانا من اشد المعجبين في كتباتك والله ثم والله ما خلاني اخذ الفوتشنر الا ابو الخل بعد ما شفت كلامه عن الجيب وبصراحه الله يجزاه خير
ابشروا والله يا اهل الفوتشنر جاكم من يحب يمزمز ويبدع في الفوتشنر ولاحظو بعد كم يوم وشوفى زوار منتدى الفوتشنر اذا ما لقيتو زواره اكثر من زوار اللاندكروزر
جيع اعضاء منتدى الفوتشنر فيهم اخير والبركه وجاهم من يزيد الخير خير ابو الخل يا هلا ومرحبا فيك يا ابو الخل
اخــــــــــــــــــــــــــــــــــــــــوك ( الجـــــــــــــــــــــــــــــــــــــــــــــــ ــــــــــــــفــن ) وليس الجفني |
أهلاً وسهلاً بك أخوي الجفن، والحقيقة ما تصورت شعبيتي وصلت لهذه الدرجة
وأشكرك على الكلمات المشجعة والرائعة. وإن شاء الله يتحرك القسم.
اقتباس:
المشاركة الأصلية كتبت بواسطة وليد المسعودي
السلام عليكم ورحمة الله وبركاته :::::
حياك الله اخوي الخل الوفي::::
انا عندي بعض الأسئلة :::::
الأول الصدام الأمامي وين ألقاه ؟؟؟
السوال الثاني بالنسبة لقفل الدفرنس هل معناه ان السيارة تصير دفع خلفي,, ومتى ما بغيت تشغل الدبل شغلته ؟؟؟
هذي أسئلتي ::::
والسيارة ما شاء الله تبارك الله لا يعلى عليها::::
سلام::: |
أهلاً وسهلاً أخوي
الصدام الأمامي إللي عندي تقليد، تم تفصيله في الإمارات وهو جاهز وتجده في محل في دبي إسمه دبي 4×4، بالقرب من مطار دبي، وسعره مع الكشافات 3400 ريال، والتركيب 300 ريال.
لكن إذا تبغى أسترالي أصلي، تجده في ARB أبو ظبي، في المنطقة الصناعية (نيست إسمها) وسعرها تقريباً 5000 ريال، غالي جداً، لكنه أجود بكثير، سواء من ناحية الدهان أو الحماية أو الأمان. والكشافات وحدها سعرها 1000 ريال (العملة في الواقع درهم لكل الإثنين لكن الدرهم والريال تقريباً متساويين).
بالنسبة لسؤالك الثاني، لا، أنت ملخبط بين الفرارات Hub Lock وقفل الدفرنس Diff Lock. قفل الدفرنس يقفل الكفرات المتقابلة بحيث تدور بنفس القوة. الفرارات هي التي تحول السيارة دفع خلفي، وتركب على هوبات الكفرات الأمامية لكني ما رأيت أي نوع مخصص للفورتشنر إلى الآن.
تعديلاتي على سيارتي الفورتشنر 
بس يكفينا حظورك وتواصلك معنا بالمنتدى والمنتدى بحاجة الا اشخاص ومبدعين مثلك اخي ..
