[كاسبرسكاي]

السيارة مستعملة اشتريتها

امشي فوق المطب فوق الثلاثين كيلو عادي مافي صوت

عشرين وتحت اسمع صوت من الجمبينات الخلفية كأنه شي يضرب ببعض مرات اسمع مرات لأ لكن اكثر الاحيان اسمع ,,, على طول اول نزلة المطب !! ارجوكم كرهت سيارتي محد يعرف شو المشكله ؟؟

وديته ورشة صيانة خبره في الاندكروزر ماحد عرف ليش الصوت يطلع . في شخص راعي بر وتطعيس قالي الربلات لازم تغير . ونا معرف شو يقصد ربلات وين مكانهم بالسيارة . نرجوا الافادة شكرا .

مهم: الصوت فقط عالمطب. ومش ضربه وحده يعني تكون ضربتين الضربه الثانيه تكون مثل ارتداد للصوت الاولي بس اخف.

[عجزت اسجل]

اخوي عندك اليايات تضرب بعضها ببعض
يعني الياي حق السياره لاين ويضرب بعضه ببعض وما فيه مجال وهذا بالاند عادي لان ياي الوكاله ع طول يلين بسرعه وخاصه اذاكان معه واحد او اثنين وتلقى موترك من ورا يطبطب ما ياخذ وياكل المطب عدل وهذا لان الحديد بالحديد
واذا بغيت تعرف رح مكيانيكي فاهم وخله يشوف الياي هل هو يضرب بعضه بعض وفيه احتكاك وبويته بدت تروح والا لا
ولاكن حد علمي مشكلتك يايات خلفيه فقط
والله اعلم

[غـيـر الـنـاس]

رح للوكاله وخلهم يفحصونه

تقبل مروري

[صابر وراضي]

ممكن تكون جلد اخوي

[كاسبرسكاي]

عجزت اسجل قلت :

اخوي عندك اليايات تضرب بعضها ببعض
يعني الياي حق السياره لاين ويضرب بعضه ببعض وما فيه مجال وهذا بالاند عادي لان ياي الوكاله ع طول يلين بسرعه وخاصه اذاكان معه واحد او اثنين وتلقى موترك من ورا يطبطب ما ياخذ وياكل المطب عدل وهذا لان الحديد بالحديد
واذا بغيت تعرف رح مكيانيكي فاهم وخله يشوف الياي هل هو يضرب بعضه بعض وفيه احتكاك وبويته بدت تروح والا لا
ولاكن حد علمي مشكلتك يايات خلفيه فقط
والله اعلم

بارك الله فيك لكن شو معنى يايات ؟ قصدك الربلات يعني القطع البلاستيكيه ؟
قلت بالاند : ممكن تشرحلي شو معناها اومكانها او شكلها مع صورة اذا ممكن لاني باخذ الصورة وبوديها للورشه او حتى الوكاله . بارك الله فيك شكرا .

صابر وراضي + غير الناس احسنتكم وبارك الله فيكم . شكرا

بس الوكالة تاخذ اعتقد خمسمئة درهم عالتشيييك فقط ! 500 غالي شوي .بس اعتقد لا مفر من ذلك .

[أبوحمد]

في شي مهم

تأكد من الاطار الاحتياطي هل هو مثبت بإحكااااااام ؟؟؟؟

صدقني ممكن أن الصوت منه ولا تحركة على خفيف بيدك حاول تحركه بقوة وتتأكد منه قبل تخسر أجور الفحص ..

[عجزت اسجل]

هلا اخوي الياي اللي هو السبنرج ياتي 2 بالخلف و2 بالامام
السبرنج فيه شد بلد السياره وفيه استرالي
الشد بلد مع الحمل ووقفه السياره يلين بسرعه
ثم يسوي الحركه اللي قلتلك ويطلع صوت
والمقصود..بالاند اختصار الاند كروزر
و انصحك تروح ميكانيكي مضبوط ويكشف على الياي"السبرنج" الخلفي.
والله اعلم

[(العجلان)]

اخوي انا اول ماشريت الموتر قبل شهر وكنت ادقق على اي صوت يطلع واقعد افكر لين احس ان راسي يعورني واكثر الامور طلعت موسوس بس تبي نصيحتي خلك عادي ولاتدقق على كل شي واذا في شي واضح روح شيك بتصليح او الكراج المكنيك

ومتشوووووف وحش انشالله

[رجججج]

باين ان صوت الضربه بعدما تاخذ مطب هو صوت الصليب وهو يكون في اطراف عمود كردان الخلفي والامامي

[بنت الخران]

على ما اعتقد مثل ما قال ابو حمد

شوف الاسبيير ممكن يتحرك

[كاسبرسكاي]

لا يا جماعة مو من الاحتياطي هههههههه مو موسوس متأكد ان الصوت من عندي الدفريشن الخلفي وحتى اني صورت فيديو بالتلفون واريد ارفعه للمنتدى بس ماعرف كيف . حتى تتاكدون من الصوت !!

اقدر احط ملف صوتي بالفيديو ؟ . شكرا . لكني لا اعرف الطريقة .

[المعلــــم]

اخوي .................

انا رحت الوكالة وسألت واحد من منهم عن هذا الموضوع وقال لي يمكن يكون السبب من الجلنط (hand break)
يكون مرتخي شوي ويبيلة شد وقال إذا حبيت تتأكد امشي فوق المطب وانت سحب الجلنط شوي (يعني طقة واحدة )
وشف النتيجة واذا كان المشكلة فية يفضل شدة من عند الكفر وليس من عند الجلنط نفسة حتى ما يخرب عليك

هذا كلام المهندس وما أدري هو صحيح ولا لأ.............
الي أشوفة انك تجرب الحلول
1- تفك السبير او تشدة شوي
2- شيك على الياي مثل ماقال اخوي عجزت اسجل
3-الحل الي قلتك