مزايا الشاشة تركب على ( أغلب سيارات تويوتا تقريباً ) وأسمها Sonico Eastern وموديلها SE- 6003 وبالنسبة للشاشة أنا ركبتها لسيارتي الهايلوكس وركبت وبدون أي تخريم أو تقطيع أسلاك والشاشة وكيلها الحميدان مضمونة لمدة سنة وبعد السنة بتكون القطع عليك وأجور التصليح عليهم لكن الشاشة عليها بعض الملاحظات وهي : أنور الزراير برتقالي ولون مفاتيح المكيف والساعة في سيارتي أخضر يعني مافيه تناسق في الألوان الشاشة دائماً زرقاء ونورها قوي أي يجهر ويضايق السواق وإذا جاء لك أتصال وأنت مسوي أقتران جوالك بالشاشة صوت النغمة قوي لأن التحكم بصوت النغممة مرتبط بصوت نظام الشاشة . لكن الحق والحق يقال صوت الـ DVD و تسجيلات الـ CD والـ التلفون والمايك ( إرسال وأستقبال ) جيد جداً والذي يهم الجميع هو سعرها والذي يتراوح من بين 1480 إلى 1600 وأنا شاريها من الشارع الغرابي بـ 1480ريال سعودي وإذا بغيت تركب الخرايط قيمتها من 1400 إلى 1500 وتحتوي على الـ GPS وميموري سعته 1GB مخزن فيه خرايط الخليج وتقدر ركب اريل قيمتة من 80 إلى 100 ريال لتشغيل التلفزيون الأرضي وإذا حبيت تركب كاميرا خلفية تلقاها بأنواع كثيرة ويتراوح أسعارها من الـ 100 إلى 250 ريال وتركيب هالدنيا كلها يكلفك تقريباً 100 ريال وأحسب الجميع وشف كم بيطلع عليك وصورة الشاشة في المرفقات
أشكر لكم المرور بالنسبة الرد على أستفساراتكم أبو عزام : نعم البلوتوث ميزة من مميزات الشاشة ( يعني منها وفيها ) غير الناس : حياك الله الصاعق : ياتي معها مجموعة مخارج مشبوكة في فيش واحد وبها مجوعة من وصلات الصوت والفيديو وأيضاً مخرج يخص الكاميرا. والشاشة مزودة بمخرج خاص بـ GPS . وتقدر كما ذكرت في السابق تشغل التلفزيون الأرضي فقط تشتري الأنتل الخاص به وقيمتة 80 ريال . أما عن موقع المحل ... شارع الغرابي في الرياض وغالبية المحلات موجود لديهم ... والوكالة ( الحميدان ) موجود في آخر شارع الغرابي جهة الشمال بعد محل الأقصى . وقيمة الشاشة لديهم بـ 1700 ريال وفي المحلات الأخرى يتراوح من 1500 إلى 1600 ريال وكل هذا في الغرابي ويوجد ايضاً محلات خلف محل الحوشاني اللي في الزاوية عند الأشارة في أخر شارع الغرابي جهة الشمال وعسااااي وفقت في الإجابه على أسئلتكم
الشاشة دائماً زرقاء ونورها قوي أي يجهر ويضايق السواق وإذا جاء لك أتصال وأنت مسوي أقتران جوالك بالشاشة صوت النغمة قوي لأن التحكم بصوت النغممة مرتبط بصوت نظام الشاشة .
هلا اخوي الحل عندي,,, شوف الشاشه اجي معها رموت.....تحت في الرموت اجي كلمة كلوك يعني ساعه,,,خلك ضاقط عليه بتجاه الشاشه وخاصه في اليل ...راح اتصير الشاشه سوده ولارقام بيظه واي ستفسار انا حاضر
أبا فيصل حياك الله المنسق اسألهم ورد لك إنشاء الله عذاب قلبي في قطر ما أدري ... لكن الغرابي في الرياض برادو سدير السعر لا يشمل الـ GPS لكن فيه إمكانية لتركيبه ... وقيمته مع الخرائط بـ 1400 ريال تقريباً اليباني مشكور لعرضك طريقة أستبدال الشاشة السوداء بدل الزرقاء ... لكن الطريقة مؤقته يعني بمجرد أنتقالي من الراديو إلى أي ميزة أخرى فمثلاً لـ DVD والعودة لراديو ترجع الشاشة الزرقاء. إذا فيه طريقة نقدر نثبت فيها الشاشة السوداء نكون شاكرين لك لو تطرحها للجميع لتعم الفائدة . ولا أنسى بأن التقدم لك بالشكر على مرورك والإجابه على أسئلة الأخوان
السلام عليكم ورحمة الله وبركاته .. 1_اخواني بغيت اسالكم هذي الشاشه فيها تلفزيون ؟ لاني مريت اكثر من محل في الغرابي يقولون ان مافيها تلفزيون .. 2_ هل فيها مخارج للبلايستيشن ؟ 3_ وش احسن شاشه تركب على لاندكروزر 2006 ؟ ضروري بغيت ردودكم الله لا يهينكم .. وسلامتكم
شاشة Sonico Eastern 
هل يمكن تغير اللمبات فيها من اللون البرتقالي إلى الأخضر وخفض الإضاءة عند مهندس الألكترونيات وتقبل مروري