[عبدالعزيز السيد]

صاحبي قرر ياخذ gxr موديل 2001
فبعد الفحص وجد هذه الاشياء
1- اذراعة تبديل امامية علوية عدد 2
2- تبديل دبة شكمان خلفية
3- تبديل اذراعة خلفية عدد 4
4- تبديل ربلة الصبابات
علما بان قوة المكينة 86 %
السؤال
لو ما غير صاحبنا هذه الاشياء شنو بيصير
وهل لازم يغير هذه الاشياء
ولماذا طلعت هذه الاشياء
وبكم تقريبا شغل اليد لهذه الاشياء
وفي وين كراج زين في قطر لتبديل هذه الاشياء
ارجو اليوم اتردون علي
ارجوكم لا تردوني

[عبدالعزيز بن]

احسب له من 5000 الى 8000

واذا مابدلت الاذرعه الموتر بينقز وميزانيته بتصير مش مضبوطه وماتقدر تسافر عليه

وربلة الصبابات اذا مابدلتها ممكن تتاكل عليك المكينه من داخل

[عبدالعزيز السيد]

مشكور يا عبدالعزيز بن
وبانتظار المزيد من المشاركات
ارجو من جميع الاعضاء يردون علينا
فلا تبخلون براييكم

[عاشق المطر]

ياخى استخر واشتر هايلكس ديزل غماره

[راعي الاستاندر]

هلا والله افا عليك وما اردك وشلوون ارد ولد بلادي
السؤال
لو ما غير صاحبنا هذه الاشياء شنو بيصير/ مع مرور الزمن بتخترب
وهل لازم يغير هذه الاشياء/ لازم
ولماذا طلعت هذه الاشياء/ لان الموديل قديم او شبه قديم لازم وانا توني مبدل نفس القطع تقريبا وفي قطع زياده والحساب كان 10000 ريال بعد الخصم
وبكم تقريبا شغل اليد لهذه الاشياء / على حسب الكراج او تقريباً 5000 الي 7000 ريال
وفي وين كراج زين في قطر لتبديل هذه الاشياء / Bosh انال وديت سيارتي خلصها في يومين

[أبوسعــد]

الأذرعه مهمه

وبالنسبه للربلات الي هي جلد البلوف هذي مالها اي علاقه بتلف المكينه ابداً ولكنها تسبب دخان فقط

حد علمي

شكراً

[(العجلان)]

اخوي اذا ماشريته دور بتحصل انظف منه
ونصيحتي اذا عندك احد تعرفه بلكويت اعتقد انه القطع القيار ارخص
لان انا رحت الوكاله الجميل بلدمام وسألت عن بعض القطع لقيتها ارخص
واذا صاحبك يقدر يجي الكويت يشتري القطع ويركب بلكويت افضل لان شقل المكانيك اللي عندنا تقريبا اكثرهم فنانين وشقلهم انظف
حسب مقارنتي بلي بدمام

وذا جيت الكويت انا اظبطك وهذا جوالي 009656515133

[راعي الاستاندر]

وينك يا عبدالعزيز ؟؟

اشدعوه ليكون بس شفت بدوون ما ترد
حاسب
هههههههههههه

[عبدالعزيز السيد]

المشاركة الأصلية كتبت بواسطة راعي الاستاندر

وينك يا عبدالعزيز ؟؟

اشدعوه ليكون بس شفت بدوون ما ترد
حاسب
هههههههههههه

معاك يا ولد بلادي
صاحبنا ما اخذ سيارة وهون في الشراء
ومشكور على الرد منك والمعلومات الوافية اللي خبرتني فيها
اشكرك جزيل الشكر