[مدمن لكزس اي اس]

سلآم عليكم ورحمة الله وبركاته ..آمآ بعد آعزآئي يشرفني اني انضم لمنتداكم المتواضع والي صراحه اعجبني كثير .. لانه يتكلم عن امنيتي الي انشالله راح اقتنيها عما قريب برمضان راح اشتري لكزس اي اس300 2009 انشالله ..بس ابي استفسر عن اشياء كثيره فيها وياليت تردون علي ,,:
آولآ:ششباب اسعار قطع الغيار والي هي اهم ششي بكم الهوبات والقماشات والفحمات وباقي قطع السياره هل هي مناسبه تقريبآ مثل الكامري والاريون ولا اغلىى وهل غليها اكيد اغلى بس يعني غاليه كثير ولا حول التويوتا تقريبآ
ثانيآ: السياره هل بيصحل فيها تغيير بالـ2009 ولا بتكون على الشكل لايني سبق وقريت منتديات كثيره حاطين صور وصراحه ماعجبتني شكلها مخيس مره مره الي حاليآ احلى منها بكثير
ثالثآ:انا لو فكرت اشتريها من البنك هل بياخذ علي فوائد كثيره ولابحد المعقول وعلى كم سنه (فقط لموظفين البنك) وللمعلوميه راتبي فوق سته الاف كم القصد وياليت تقولي الفوائد وشكرآ
رآبعآ: انا ملزوم كل شوي اروح اصينها ولالا وهل يضر الضمان ولا الصيانه زي مايقولون مجانيه بس شلون مجانيه وكل 5000 ياخذون منك 280 عشان زيت ومما جميعوه
خآمسآ:**** يحسسه طول فلها ههههههه اسفين على الاطاله ومشكورين يالغاليين وابي منكم النصايح الله الله بالنصايح تكفون

[حسينوو]

القماشات ب 500 الامامية والخلفية 500
الهوبات الامامية : اليسار 500 واليمين 500 يعني الف ريال

والخلفية وانا مادري

[إحساس غالي]

اكيد الاسعار تختلف عندنا وعندكم ،،

إن شاء الله الأخوان بيفيدونك ،،

وانضمامك ويانا يشرفنا ،،

[أسيــــــر]

السلام عليكم

اخوي القماشات سعرها مثل ما ذكر اخوي حسينو لكن انا صايرة لي مشكله كل خمس الاف تتغير او تتآكل ما ادري كل السيارات زي كذا او انا بس

التغيير ما بتتغير الا 2012 او 2013 ومن ناحية الصور اللي هنا فوتوشوب اغلبها

الصيانه ضروريه مثل هالسيارة وطبعا هي الف كيلو بعدها على خمس الاف افضل للسيارة انك توديها للوكالة وتكلفك كل خمس الاف 280 ريال

اعذرني من ناحية الأقصاد والله ما عندي علم

[مدمن لكزس اي اس]

مششششششششكورِين علىى مروركم وجزززاكم الله خيررر يـ(حسسينو،آحسسآس غآلي) واشكركم ثاني على ردودكم تسلمون والله بس يعني احس مناسبه انشالله وبالنسبه لاسعار ياخي احساس اكيد تختلف من دوله لدوله

[إحساس غالي]

بالتوفيق اخووي ،،

انا اشووف السيارة تستاهل ،، بصراحه السيارة هذي قمة ،،

اقتصاديه من ناحية الوقود ،، عملية ،، وسريعه ،،

وشبابيه ،،

توكل على الله ،،

[لكزس ناري]

هلا بك اخوي مدمن لكزس

ماعندي إضافة على الإخوان وخصوصا إنهم بالسعودية ويقدرون يفيدونك اكثر

أنا بس حبيت ارحب فيك كعضو جديد في عائلة آي اس فأهلا وسهلا بك معنا

إقبل مروري

[مدمن لكزس اي اس]

مشششكور على احلى مرور اخوي لكزس ناري اهم شي ان مريت على موضوعي وفخر اني انضم للمنتدى الرائع وفخر لي اني ارد عليك اخوي

[مدمن لكزس اي اس]

مشششكور على احلى مرورك اخوي لكزس ناري اهم شي ان مريت على موضوعي وفخر اني انضم للمنتدى الرائع

[ليكزي]

عليكم السلام و رحمة الله وبركاته

يا هلا وسهلا أخوي مدمن لكزس اي اس .. حياك الله ..
ان شاء الله تحقق حلمك بإقتناء الـ IS ..

بالننسبة للاسئلة الخاصة ، ساترك الاجابة لإخواني ملاك السيارة .. لكن بجاوبك على سؤال مهم انت طرحته

ثانيآ: السياره هل بيصحل فيها تغيير بالـ2009 ولا بتكون على الشكل لايني سبق وقريت منتديات كثيره حاطين صور وصراحه ماعجبتني شكلها مخيس مره مره الي حاليآ احلى منها بكثير

انا قريت خبر ان شكلها بتغير في موديل 2009 ، لكن ليس تغير جديد كلي All The New ، بل تغير جزئي أو ما يدعى بـ Facelift .. تماما كما حصل بين GS موديل 2007 و GS موديل 2008 الحالي ..
و هذا هو الخبر (اعمل على ترجمته وطرحه في المنتدى قريبا) :-
Lexus IS Facelift Caught at Nurburgring?

لكن ، لم ارى اي صور واضحة المعالم الى الآن .. انت اذا شفتها ، يا ليت تضعها في هذا الموضوع أو في القسم بشكل عام ..

رآبعآ: انا ملزوم كل شوي اروح اصينها ولالا وهل يضر الضمان ولا الصيانه زي مايقولون مجانيه بس شلون مجانيه وكل 5000 ياخذون منك 280 عشان زيت ومما جميعوه

مافي شيء اسمه انت ملزوم فيه في عالم السيارات اليابانية خاصة .. انت حر ..
ضع في الحسبان انك تملك سيارة يابانية ، واليابانين معروفين بعملانية و قوة تحمل سيارتهم .. لكن هذا لا يعني بان الصيانة غير مطلوبة ، بالعكس ، لكن وقت الحاجة وليس كل مرة واسوا مافي الأمر انك راح تتعطل عن سيارتك خلال فترة الصيانة، فاشوف انه ما له داعي هالتعطيل (راجع دليل المالك ، فيه كل ما تود معرفته عن الصيانة ومواعيد التبديل والتغير) ..

بخصوص الضمان ، طبعا الوكالة تبي تربح منك ، واذا جبت لهم هالسيرة ، اكيد بيقولون لك لا ، لازم كل 5 الاف تعمل الصيانة عندنا علشان ما يطيح الضمان ((اسلوب تهديد )) .. لكن ، لا تخاف يا رجال لانه معاك سيارة يابانية يعتمد عليها ان شاء الله .. انا اشوف ، انه يا اما تروح لهم كل فحص وبعدين يمكن يصلحون لك القير او المكينة - بالذات - على الضمان (مجانا لانك مربحهم من قبل ) اذا اختربوا (لا سمح الله)) أو انك تطنش لهم ، وبعدين يمكن نعم او يمكن لا يخترب عندك القير او المكينة (لا قدر الله) ويقولون لك ضمانك منتهي لانك ما جبت السيارة للصيانة لاجل كذا التصليح على حسابك ... وفي كلتا الحالتين هم المستفيدين (شايف كيف) (محكرين لنا) مثل ما نقول في الدوحة هع .. وانت حر طبعا ، اختار اللي يريحك ..

و مافي شيء مجاني يا شيخ ، واذا قالوا لك مجاني (مثلا صيانة الـ 1000) يعني ماخذين سعره مسبقا من حيث لا تعلم ..

.
.

أسيــــــر

انا صايرة لي مشكله كل خمس الاف تتغير او تتآكل ما ادري كل السيارات زي كذا او انا بس

اسمحلي اعقب على هذه النقطة ..
ياخي ، انتوا يا شباب احس انكم مبالغين كثير جدا في هالنقطة (وش دعوة 5 الآف) ..
والله ، انا سيارتي ماشية 11,000 وشوية الحين وما غيرت "الفحمات" ..
رحت وديتها الوكالة عالـ 10 الآف وطلبت من احد المهندسين المتخصصين في الوكالة فحصها (مجرد النظر) ، وقالي لي بالحرف الواحد انه تبقى منها الكثير و لا دعي للتبديل ..
قلت له: طيب متى ابدلها أو كيف اعرف ان الفحمات محتاجة تبديل .. هل تظهر علامة في الطبلون مثلا ؟!
قالي: نعم ، تظهر علامة بهذا الشكل ((!)) باللون الأصفر في الطبلون و ربما علامة ((ABS)) ايضا (طبعا بعد ما رويته الشعارات في الكتالوج) .. عدا ذلك السيارة تمام التمام و لا داعي للقلق ولا حاجة للتبديل .. ولتبديل الزيت ، تظهر كلمة Check Oil في الطبلون ..

و غير كذا ، مذكور في الكتالوج .. افحص أو بدل أو زلق كل 10 الآف وليس بدل كل 5 الآف كما قرأت من الكثير من الأعضاء هداهم الله ..

و هذه المسألة اولا و أخير تعتمد على كيفية استخدامك للفرامل .. كل ما كان ضغطك اقوى ، كل ما استهلكت الفحمات اسرع والعكس صحيح ..

اسمح لي على الإطالة ..

تحياتي
ليكزي

[مدمن لكزس اي اس]

ليكزس مششكور ويعطيك العافيه ياحلى مشرف على مرورك بموضوعي وصراحه كفيت ووفيت يالغالي ماخليت شي عن الي ابي اعرفها عن هالسياره

[ميدوٍوٍ]

ثالثآ:انا لو فكرت اشتريها من البنك هل بياخذ علي فوائد كثيره ولابحد المعقول وعلى كم سنه (فقط لموظفين البنك) وللمعلوميه راتبي فوق سته الاف كم القصد وياليت تقولي الفوائد وشكرآ

بالنسبه لهادي انا لما كونت حشتري ليكزس قالولي في خمسه سنوات السعر الاجمالي حقها مع الفوآئد = 197 الف ريال

يعني تكون الدفعه الاولى من 20 الف وانتا طالع على حسب امكانياتك
مع دفعه اخيره

هادا بنظام التأجير المنتهي بالتمليك

نظام الاقساط المبلغ يقل عنه شويه بس تكون الدفعه الاولى عاليه يعني من 40 الف وفووق وبدون دفعه اخيره

وانا افضل انك تاخدها بنظام التأجير المنتهي بالتمليك لانها افضل
حيكون مأمن عليها
وغير كدا لاسمح الله عملت حادث او صار شي في السياره البنك يشيلها عنك وهوا يكمل الاقساط الباقيه <***** وإن شالله مايقول ومايصير شي للسياره بس الواحد لازم ياخد احتياطاتو

لاكن الاقساط لو صار شي للسياره حتفضل تدفع لغاية ماتخلص الاقساط

زي واحد من اصحابي انحرقت سيارتو ودحين قاعد يدفع اقساطها لانو اخدها نظام اقساط موو تأجير

فآنصيحتي لك خدها نظآم تأجير منتهي بالتمليك

وآسف ع الاطآله واتمنى اكون افدتك ..!!

آخوك محمد

[الفايكينغ]

اذا تبغى الراي الصحيح وعلى القول المثل (اسال مجربا ولا تسال طبيبا) واحد من اصحابي كان كذا
يعني مثلك يا مدمن لكزس وكان عنده سياره (كامري) فحب يشتري الكزس فباعها
بحوالي ثلاثين الف وجمع حوالي خمس وعشرين الف من الراتب وحطها كلها دفعه في لكزس is
وصار عليه القسط حوالي 1600 ريال سعودي واضن انه راتبه ما يتجاوز 6000 الاف ريال
وانت بكيفك
وانا راي انك تصبر لين مايجيك قرشين حلوين او تسوي زي الطريقه هاذي الي قلتلك عليها .