[المغبون]

اول شئ ترا هذي مشاركتي احب اهني من يمتلك هذي السياره بانه يمتلك سياره ممتازه بكل المقاييس
الحمد لله سيارتي مشيت فيها 11الف وزي العسل
صيانة الألف كيلو ما كان فيها تغيير زيت تشييك فقط
صيانة الخمس الاف دخلتها وكانت الصيانة مجانية وغيروا الزيت فقط بدون السيفون
لما سألت صيانة العشر الاف بكم قال لي اظن 360ريال غير قيمة الزيت
وانا مالي نية امشي على الصيانة لانها لعب على الذقون وهذي قناعتي
المهم رحت لمحلات النهدي لقطع الغيار قال السيفون 35 ريال وطريقته غريبه وهي انك بعد ماتفك السيفون من السيارة تقوم وتفك السيفون وتغير القطعه اللي بداخله ثم تركبه للسياره
بصراحه هونت خاصه ان السيفون فكته شغله يعني لازم يفك تحت صاجه _مثل الباث فيندر بالنيسان اللي كنت من اول من شراه ولقيت معاناة في البدايه في تغيير السيفون قليل اللي يعرف له_
اتمنى من الاخوان اللي غير الزيت برا الوكالة يقول لنا كيف الطريقه هل هي شغله او اي واحد يغيرها
ولكم الشكر
واسف على الاطالة

[الأمازون]

مثل فلتر المرسيدس

[البروفسيور]

فعلا مثل فلتر المرسيدس وهذا هو يتغير برا عند مشاحم تغير الزيت انا ماجربت اغير زيت افالونتي برا ولكن ننتظر من غير زيت سيارته الافالون برا يفيدنا.
تحياتي لكم وشكرا لطرح هالموضوع

[الفهاد]

صح كلام الاخوان نفس فلتر المارسيدس
والتغير عادي نفس اي سياره ثانيه
ولاتلعب على نفسك وتحط زيت تويوتا
انتبه تراه ماي مو زيت

[احمد باطيب]

والله ما جربت......

[أبومصطفى]

ولكن هل صحيح ان تغيير الزيت لأول مرة يكون بعد ال5000 كلم أو قبل ذلك، أعتقد انه يجب تخفيض المسافة الى أقل من ذلك نظرا للأجواء الحارة و الغبار الذي يتميز به منطقتنا
فهل يا ترى 3000 كلم مناسب لتغيير الزيت؟؟؟

[لكزس عنابي]

المشاركة الأصلية كتبت بواسطة الفهاد

صح كلام الاخوان نفس فلتر المارسيدس
والتغير عادي نفس اي سياره ثانيه
ولاتلعب على نفسك وتحط زيت تويوتا
انتبه تراه ماي مو زيت

عيل وش أفضل زيت تحطه للسيارة أنا عندي لكزس ES300 أغيره زيت تويوتا كل 5000 كيلومتر

[المغبون]

ييعطيكم العافيةعلى تفاعلكم
وبالنسبة للزيوت عموما كل زيت له مواصفات مثلا سوبر شل له نوعين النوع اللي يناسب الأفالون-حسب الكاتلوج- 10w30 وهو شل الأبيض او اي زيت بها الرقم وهالنوع أفضل للسياره مع أنه أخف من العادي فكون الزيت خفيف مو دليل على أنه غير مناسب بالعكس هو أفضل للسيارة
وأنا شفت الوكالة يحطون زيت gtx
وبالنسبة للمسافة 5000 مع الفلتر مناسبة جدا ولو كان الجو حار ولو قريت الكتلوج يقول 5000بدون فلتر و10000بالفلتر فالاحتياط وللحفاظ على السياره غيره كل 5000 مع الفلتر ومناسبه جدا خاصة ان كمية الزيت 6لتر بالأفالون
أتمنى مره ثانيه اذا فيه احد من الاخوان جرب يغير الزيت باحدى المشاحم خارج الوكالة يفيدنا بمدى صعوبوتها
ولكم الشكر

[البروفسيور]

معقولة مااحد غير زيت افالونته برا يعني شكل الشغلة معقدة

[مشعل محمد]

السلام عليكم شباب انا عندي موقع حق شركة تويوتا يشرح طريقة تغيير الزيت حق الافلون
وانا مع الاخ مغبون على ان الوكالة حراميه.

http://www.toyotaownersonline.com/pd...lter_may06.pdf

[أفالون وبس]

انا اغير لسيارتي زيت موبيل ون الي يمشيك حتى عشرة الف

وكلفني بحوالي 210 ريال ست علب دون السيفون

[البروفسيور]

المشاركة الأصلية كتبت بواسطة أفالون وبس

انا اغير لسيارتي زيت موبيل ون الي يمشيك حتى عشرة الف

وكلفني بحوالي 210 ريال ست علب دون السيفون

حبيب البي وين غيرت زيت سيارتك في الوكالة والا برا عند مشاحم الزيت ياليت تفيدنا . وشكرا

[أفالون وبس]

اهلا اخوي

الحقيقة انا غيرت الزيت طبعا اول مرة عند الوكالة بزيت تويوتا مع السيفون

وبعد كذا ماعدت اغير عندهم

المرة الثانية عند احد الورش تغيير زيت دون السيفون

وكان نفس الزيت مال تويوتا

المرة الثالثة وعشان شغلاتي كثيرة والدعس الي مايرحم ماشاءلله

استشرت صديق لي عن زيت يكون مداه اكثر من خمسة الاف

وقالي افضل زيت موبيل ون

وانا عاد غيرته دون السيفون دام السيفون جديد

قالي السبب الاول عشان انك تطلع كثير بالسيارة مايحتاج تكلف نفسك كل اشوي تغير زيت

السبب الثاني هو انه يستخدم الزيت نفسه في اغلب سياراته كاديلاك وبيئم وليكزس

المهم هو نصحني فيه وانا عاد اخذت كلامه بحكمه هو مجرب الزيت


معليش على الاطالة

[البروفسيور]

تسلم يالغالي

[المغبون]

مشكور اخوي افالون وبس ويعطيك العافية على افادتك
بس تغيير الزيت لحالة ما اتوقعه بذيك الصعوبة يعني عادي كل اللي حبيت انا والاخوان نستفسر عنه السيفون لانه هو اللي فيه شوي غرابه مثل المرسدس مثل ما فادونا الاخوان
اشكرك مره ثانية واتنمنى انك تروح تغير السيفون علشان تفيدنا (طالعة سيارتك فار تجارب)
اتمنى من اللي غيره يفيدنا وله جزيل الشكر

[المغبون]

مشكور اخوي افالون وبس ويعطيك العافية على افادتك
بس تغيير الزيت لحالة ما اتوقعه بذيك الصعوبة يعني عادي كل اللي حبيت انا والاخوان نستفسر عنه السيفون لانه هو اللي فيه شوي غرابه مثل المرسدس مثل ما فادونا الاخوان
اشكرك مره ثانية واتنمنى انك تروح تغير السيفون علشان تفيدناhttp://toyota4arab.com/forum/images/smilies/smile.gif (طالعة سيارتك فار تجارب)
اتمنى من اللي غيره يفيدنا وله جزيل الشكر

[البروفسيور]

اليوم رحت مشحمة سيارات كبيرة في الرياض في حي السليمانية ملحقة بورشة مرسيدس كبيرة ومحطة معروفة وعليهم شغل بالهبل سيارات اشكال والوان وطلبت تغير الزيت والفلتر فشفت العامل وللعلم عمالهم قديمين وشاطرين كنت اتعامل معهم من سنوات قال افتح الكبوت اشوف نوع الفلتر فقلت له انه مثل حق المرسيدس مو زي التويوتا العادة فقال لي ماعندنا فلتر الافالون الجديد ولم يصل لنا الي الان ولم يسبق انه غيرنا فلترها فتوكلت على الله ومشيت يعني واضح من كلامة وعدم معرفته بالسيارة ونوع فلترها انه مالنا الا الوكالة الي ان يتعلمون عليها المشاحم ويعرفون لها