[اف جي عودي]

السللام عليكم

كيف الحال ياشباب

بس ابغا كل الي عندهم اف جي يجاوبوني على اسئلتي

لاني عندي مشاكل في السياره وما ادري هي طبيعيه ولا عيب مصنعي!

وعشان اتطمن ابغا كل الي معاهم اف جي يشاركوا هنا

طبعا اول مشكله وحليتها في الوكاله وهي ان السياره تروح يمين لحالها لما اكون في خط
بس وديتها الوكاله وصلحوها عالضمان
قالي يبغالها ميزان ومدري ايش

المشكله الاولى
رجه في قير الدبل+اذا دعست بنزين يطلع صوت
مثل صوت هزاز الجوال يطلع من قير الدبل

المشكله الثانيه
السياره بعض الاحيان تشتغل بالقوه
يعني لازم اعلق على السويتش
واكثر شي لما تكون بارده

المشكله الثالثه
طقه في القير اذا وقفت عند اشاره مثلا
احس انه القير يطق+رجه خفيفه كانو احد دقني من ورا
<*****< كم مره يحسب احد دقه من ورا

المشكله الرابعه
صوت البوري غبي
ولما فتحت الكبوت بشوفه لقيت انه الي يخرج منه الصوت واحد بسسس
العاده اثنين كل السيارات الي مرت على اثنين

سعر الشاشه اخر مره سألت صار بـ 5000
والزنون بـ 3000
غطا الكفر الخلفي 490
الصاجه الاماميه الي تحت 1000

ياريت ياشباب تتفاعلو معايا
لاني كرهت السياره ويكفي اني مغصوب عليها
وياريت اصحاب الاف جي بس يردوا

[بدر المرقب]

الصراحه حسيت ان السياره اللي معاك مازدا ! الله يعينك لو كنت مكانك كنت ببكي عليها بس وين الشباب ولا واحد معبر ؟!

[اف جي دبي]

ماعندي هاي المشاكل عندي صوت من الجهة اليمين و القير مافيه شي و المتر ياخذ شوي يمين قبل و اونه حلو الوكاله بس ماحسبت سو شي بس هاي مشكلتي بس شباب ماتحسون انه البدي الخارجي قصدي الفيبر الاسود ينجرح بسرعه

[إف جي اليمن]

لايوجد عندي هذي المشاكل إلى الأن والحمدلله

أنت أخذت السياره وكاله ولا مستخدمه

إف جي دبي :

أنا كنت أعتقد ذلك

ولكن لما أغسل السيارة تختفي الخدوش التي كنت أعتقد أنها لن تذهب

[كروزر إف جي]

بالنسبة للتشغيل عادي لازم تطول شوي ,اعتقد زي باقي السيارات
أما غطى الكفر والصاحبة تنباع الآن بشارع الغرابي بالرياض بــ 400 ريال فقط السعر يشمل الاثنين

[مدري..]

المشكله الاولى
رجه في قير الدبل+اذا دعست بنزين يطلع صوت
مثل صوت هزاز الجوال يطلع من قير الدبل


طبيعـــي ميـه بالميـه وبآكثـر من سيـآرهـ عليها دبـل فيهآ هالهزهـ ..
لا تخـآف ..


المشكله الثانيه
السياره بعض الاحيان تشتغل بالقوه
يعني لازم اعلق على السويتش
واكثر شي لما تكون بارده

وانا عندي نفس الشي وآتوقع انه آمر طبيعي آغلب السيـآرآت كذآ ..



المشكله الثالثه
طقه في القير اذا وقفت عند اشاره مثلا
احس انه القير يطق+رجه خفيفه كانو احد دقني من ورا
<*****< كم مره يحسب احد دقه من ورا


حتى آنآ عندي نفس المشكله وآتوقع انها من الفرآمـل <- آتوقع مو آكيـد ..
ولمـآ رحت للوكآله آبي آقولهم عن المشكله قعدت ساعه افرفر بالمهندس والصوت ما طلع <- يقهر


المشكله الرابعه
صوت البوري غبي
ولما فتحت الكبوت بشوفه لقيت انه الي يخرج منه الصوت واحد بسسس
العاده اثنين كل السيارات الي مرت على اثنين


آحلى ما في السيـآرهـ البوري مميــز هههههههههههههههههههههههههههههـ
ويمكن انفصل السلك ولا يمكن حركه من نفس المصنع علشان اذا خرب الاول تشبك الثاني <- ينعن اوم التصريفـه
ههههههههههههههههههههههههههههههههههههههههههه


سعر الشاشه اخر مره سألت صار بـ 5000
والزنون بـ 3000
غطا الكفر الخلفي 490
الصاجه الاماميه الي تحت 1000


والله الشاشه مدري عنها
بس انا شريت التكايه والغطآ وازياج تجي تحت الباب و دعسات الارضيه كلها بـ 1900 ريآل ..


آمـآ بالنسبه للغرآبي مدري عنـه واذا كانت الصاجه بـ 400 بالله افيدوني عنهـآ ..




واتمنى اكوون افدتك اخووي

[اف جي عودي]

مشكورين عالردود

وخلاص
احسن حل اطنش كل شي
وما افكر فيها

واذا خربت لاسمح الله بطلع عين الوكاله

[كروزر ابيض]

كل الي دكرته عادي وطبيعي- لاتخاف عندي مثلك وطبيعي - تحياتي

[ابواسرار]

كل الاشياء اللي تكلمت عنا طبيعيه جدا