[دمعة ألـــم]

السلام عليكم ورحمة الله وبركاته

قبل يومين واحد من الاهل يبي يبيع موتره GX-R V6 أسود 2008 لما سألته ليش بتبيعه قالي(( أن واحد في الشركه قاله أن ال2009 في تغيرات من ناحيت الوجه والدواسات وبعض الاشياء الخفيفه الداخليه)) ...

والمشكله أني أمس رحت الوكاله وكلمتهم بالموضوع وقالي واحد عطني أسم الريال اللي قالك أو أطلع فوق في البرج وعطهم أسم الريال
فحسيت أنهم بدخلونه في سين وجيم ويمكن يسوووله KICK OUT

فيا ليت من عنده معلومات عن هل الخبر يفيدنا .....



وهل صحيح أن الوكاله يفصلون الثلاجه عن المكيف ب2000 ريال ..


تحياتي (( ودمتم بود ))

[بنت الخران]

الله يعلم

ممكن جايز بس يتغير التخطيط فقط



فقط لا غيير

[الطلوحي]

الله يعطيك العافيه

واذا تغير فيه شي وين المشكله ؟؟

ليش يبيع موتره !!!!!!!!!!

مع تحياتي

[الكميم]

يقوم بعمل تعديل بسيط ( شوف الصور في هذا الموضوع )

{{{اهداء للأعضاء والزوار : صور جديده لسيارتي بعد التعديل البسيط }}}

==
وأضمن له تميز حتى 2012 ان شاء الله تعالى

بالتوفيق

[هامور للابد]

صراحه مشكله اذا غيرو شكله ، ذبحونا هاليابانيين بالتغييرات

[أبوحمد]

حقيقة أنا أعتب على اللي يصدق مثل هالخرافات

حتى لو كانت من موظف في الوكاله

هــــــــذا لاندكروزر ورزت الموتر معروفه
والمعروف أيضا أنه حق رجاجيل وشيووووووووخ والشركة المصنعه ما تضرب حساب الشباب اللي يمتلكوه

يعني هذا مو كامري والا هايلكس علشان كل سنه يضيفون لنا زرار أو أكسسوار !!!!

تعديل وجهية مستحيييييييييل

تعديلات على خفيف يعني إضافات أو تحسينات معقول
وممكن لأصحاب 2008 أن يطورا سياراتهم بسهولة إلى 2009 أما تغيير وجهية أو خلفية !!!! إنسى .

[ابو سلوم]

ما اتوقع وانا اخووك يتغير

الا يمكن بعض التعديلات البسيطه مثل الخط وغيرها ..

[حسونه]

اذا تغير فيه شي قبل 2010
تعال قابلني
إلا الخطوط الجانبية فقط
وإحتمال كبيييير إنها نفسها 2009

[اسـتـرجـاعـهـا]

السلام عليكم
قارنزا ١٩٩٨-١٩٩٩ ب٢٠٠٨-٢٠٠٩ خطوط الجي اكس ار والجي اكس ار ماتغيرت بس تغيرت خطوط الفي اكس ار!!
وخرابيط الطبلون البيج والمكينة٥٧٠٠ كلها اشاعات ٢٠١٠ قد يحصل تغيير بسيط و٢٠١٢ ممكن تنزل مكينة ٥٧٠٠
تحياتي

[الكونجرس]

مافيه امل يغيرون شي غير الخطوط وبس

يمكن بعد ثلاث سنين يحطون اضافات بسيطه اما السنه الجايه مافيه امل

[دمعة ألـــم]

يعطيك العافيه على المرور

وأنا الصراحه ما صدقت الكلام لأن مثل أخوي استرجاعها يمكن يصير في تعديلات بسيطه بس مب ألحين يمكن عقب كم من سنه

تحياتي لكم ...

[الصافي]

نعم يوجد تغييرات انا كلمت وكيل اليمن بازرعه قا ل بيكون الطبلون بيج في 2009 والي يريد يتاكد يتصله ويتاكد 100%

[سموك مان]

اول شي خلو الوكالات يسلمون لنا سياراتنا

بعدين يبدون يغيرون

واحب اقولكم فيه ناس حاجزين هذا الشهر والوكاله تقولهم انكم بتستلمون السياره موديل 2009

فما اعتقد ان الواحد يحجز شي معروف بالنسبه له وباللأخير تجيه سياره متغيره سواء متغير بوجهه السياره او الخلفيه
لذالك مافيه امل تتغير

مع خالص تحياتي

[السياغي]

مستحيل مستحيل

يارجال جلسوا يفكروا بهذا الشكل خمس سنوات وبعدين يغيروه

ماراح يتغير قبل 8 سنوات على الاقل