[أفالوني للأبد]

السلام عليكم يا أعضاء منتدى أفالون جميعاُ...
ركبت اليوم تظليل عازل حراري من عند DRIVE 7 ,, اللي موجود على طريق خريص بين مخرج الدائري الشرقي وبين مخرج شارع خالد بن الوليد.... المهم أني خلصت من عندهم وقلت لازم أوثق الزيارة والتركيب عشان يستفيدون أعضاء منتديات تويوتا عامة وأعضاء منتدى أفالون خاصة...عشان كذا حاولت أصور شغل التركيب من داخل الصالة الخاصة بالتركيب ولكن قال لي مشرف الفرع بأن التصوير ممنوع داخل الصالة وحاولت فيه لكن ما رضى .. قلت الشكوى لله خليني أصورها أذا طلعت برا وهذي هي الصور:-

هذي طبعاً صورة المحل من برا وتلاحظون اسم الماركة ظاهر في الصورة...



وهذي صورة سيارتي بعد ما خلصوا مركبين العازل...


وهذي الصورة عبارة عن لصقة يحطونها العمال للعميل على أزرار فتح الدرايش وهي تنبه الشخص بأنه ما يفتح الدرايش لمدة يومين على الأقل...وأعجبتني صراحة حركتهم هذي....


وهذا العامل قاعد يلصق الماركة على القزازة الخلفية....


وهذي اللصقة طلع شكلها حلو مع التظليل.....


وهذا العامل قاعد يشيك على السيارة التشييك النهائي.....


شوفوا التركيب,, صراحة تركيبهم حلو مرررة ولا فيه أي عيوب كأنك ما ركبت تظليل!!


وهذي شكل السيارة من بعيد بعد ما خلصوا كل شي .. والله صايرة أحلى من أول شوي...

ومن ناحية التكاليف فهم ركبوها لي بــ 1700 ريال نمرة zero1 للدرايش الجانبية والخلفية و zero0للقزازة الأمامية وهي تعزل الحرارة بنسبة 60% .. والتركيب طبعا في نفس يوم تسليم السيارة لهم بس عندهم زحمة,, اللي جايين من وكالة الجميح لأنهم متعاقدين معاهم في السيارات الجديدة,, و شركة DRIVE 7 أصلاً أمريكية ,,, وشغلهم حلو مررررة وأنصحكم تركبون من عندهم لأنه أرخص و أضمن واحد لقيته من بين الشركات الأخرى المنافسة... تخيل يضمنون لك العازل لمدة 10 سنوات ضد الخدوش والفقاعات ودخول الماء التقشر... والله حلوة!!

وأتمنى اني أفدتكم يا أخواني .. واللي عنده استفسار يتفضل واحنا جاهزين.. والسلام عليكم....

[عاشق الأميرة]

الله يعطيك خيرها ويكفيك شرها
بصراحة حلوة وباين فعلاً كأنك منت مركب تظليل
والشركة باين خدمتها ممتازة
وسعرهم طيب ومعقول
موفق

[عرباوي للابد]

ما شااء الله

مبرووك ع تركييب العاازل

بس باقي انت تشوف بالنهاار كيف عزل الحرااره زين ولالا
وان شاء الله يكوون زين

[أفالوني للأبد]

المشاركة الأصلية كتبت بواسطة عاشق الأميرة

الله يعطيك خيرها ويكفيك شرها
بصراحة حلوة وباين فعلاً كأنك منت مركب تظليل
والشركة باين خدمتها ممتازة
وسعرهم طيب ومعقول
موفق

يعطيك العافية اخوي ,,والله يجزاك خير
وأنا مستانس على شغلهم بصراحة ,,والله يوفق الجميع

[أفالوني للأبد]

المشاركة الأصلية كتبت بواسطة عرباوي للابد

ما شااء الله

مبرووك ع تركييب العاازل

بس باقي انت تشوف بالنهاار كيف عزل الحرااره زين ولالا
وان شاء الله يكوون زين

الله يبارك فيك أخوي ويجزاك خير,,
وصدقت ,,لازم الواحد يجربها في النهار في عز الحر عشان يحكم عليها,,,

تحياتي

[العلم]

الله يعطيك خيرها ويكفيك شره

يالله اعطينا تقرير عن فعليتها اشان نسلك طريقك

اقول ما عندهم غير التظليل مافي خدمات اخرى

[أفالوني للأبد]

المشاركة الأصلية كتبت بواسطة العلم

الله يعطيك خيرها ويكفيك شره

يالله اعطينا تقرير عن فعليتها اشان نسلك طريقك

اقول ما عندهم غير التظليل مافي خدمات اخرى

أولا:- الله يجزاك خير ويكتب لك أجرك ان شاء الله..

ثانيا:- ان شاء الله راح أنزل على الموضوع بعد ثلاثة أيام عن مدى فعالية التظليل وقوة عزله ودقة تركيبه وما إلى ذلك...

ثالثا:- يقدمون خدمات أخرى غير التظليل مثل(( تنجيد المراتب + تلبيس الأرضيات بالبلاستيك + تركيب شاشات عالية الجودة + تركيب طبقة عازلة على جسم السيارة + تركيب طبقة عازلة على الأنوار والكشافات للحماية من الترميل + تركيب أجهزة ريموت كنترول وانذار + تركيب شاشات نظام ملاحة ))

والكثير من الخدمات بس ما أتذكرها الحين... واتمنى أني أكون قد أفدتك..

[نواف البريكي]

مشألله مبروووك يعطيك خيرها ويكفيك حرراااه الصيف هههه
انا مركبها بل كويت 140 دينار وعليها ضمان 10 سنوات بس مو مثل اللي عندك انا شفاف طبعن الشفاف مو مخالف
انت اللي مركبه مخالف والله يعينك علي المخالفات
بس والله انا مجربه يعزل الحراره 60%100
مبرووك تقبل مروي ( نواف البريكي)

[أفالوني للأبد]

المشاركة الأصلية كتبت بواسطة نواف البريكي

مشألله مبروووك يعطيك خيرها ويكفيك حرراااه الصيف هههه
انا مركبها بل كويت 140 دينار وعليها ضمان 10 سنوات بس مو مثل اللي عندك انا شفاف طبعن الشفاف مو مخالف
انت اللي مركبه مخالف والله يعينك علي المخالفات
بس والله انا مجربه يعزل الحراره 60%100
مبرووك تقبل مروي ( نواف البريكي)

خياك أخوي نواف,,, والله يبارك فيك ويعطيك الصحة والعافية..

أنا سئلت الموظف المختص عن zero1 مخالف ولا لا؟؟
قال لي أن zero1 غير مخالف بالسعودية.. ما أدري هو مخالف عندكم بالكويت ولا لا؟؟
يعني ما فيه مخالفات ان شاء الله...
وجزاك الله خير أخوي ..ويا هلا بأهل الكويت كلهم....

[أفالوني للأبد]

نسيت أعلمكم انهم قالوا لي تعال لنا بعد 48 ساعة من التركيب عشان نشيك لك على التركيب
واصلاح العيوب ان كانت موجودة...

[المــمـــيــز]

يا سبحان الله قبل امس كنت عندهم


بس ما شفتك هههههههههه ليتني مصادفك يومها


وانا رحت لهم عشان االشاشات وعشان الحماية حقت الانوار


يحمون الانوار الامامية مع الكشافات بطبقة عازلة بقيمة300 ريال فقط

[الذويق]

مبروك والله يكفيك شر ملاقيف المرور ....... وين المحل الله لا يهينك

[نديم الطيف]

المشاركة الأصلية كتبت بواسطة أفالوني للأبد

خياك أخوي نواف,,, والله يبارك فيك ويعطيك الصحة والعافية..

أنا سئلت الموظف المختص عن zero1 مخالف ولا لا؟؟
قال لي أن zero1 غير مخالف بالسعودية.. ما أدري هو مخالف عندكم بالكويت ولا لا؟؟
يعني ما فيه مخالفات ان شاء الله...
وجزاك الله خير أخوي ..ويا هلا بأهل الكويت كلهم....

الا الله يهديك zero1 مخالف بالسعودية والله يعينك على المخالفات...انتبه بس اذا مسكوك خذ مخالفة ولاتقاشرهم عشان مايقشعون التظليلة ترا النظام يمنع zero1 للقزاز الامامي الجانبي

[الحـ(درب)ـب]

روووعه

بس لو انك ماخذ 10 % احلى من 0

وتقبل مروري

[أبو ريان]

مبروك عليك التظليله، وصدقني راح تستانس عليها وخاصة الظهر لما تطلع من الدوام وتوقف عند اشارة والشمس تصلخ خدك ... مع التظليله ما راح تحس بحرارة الشمس نهائيا

انا ركبت عند لومار السنة اللي راحت نفس تظليلتك تقريبا وبسعر 1100 ريال .... طبعا بعد تكسير الراس

والحمد لله للحين ما أخذت مخالفه بس حاس انه بيجي يوم وانصقع بمخالفة يحبها قلبك

بس فيه حركة اشوفها على سيارات كثيرة بعد ما يضللون ما تعجبني



ليش يقص التظليلة على حد البريك ... احس الحركة تخرب شكل السيارة ...