[عبدالله بن ناصر]

بصراحة و بدون مجاملة يا بنت الخران ... الموتر ابد مب شي استوى من داخل ..... قبل احلى بوايد ...
لان تلبيسة مب راكبة مع اللون السلفر اللي ع الطبلون
و الارضية ابد مب شي .. بس الناس ادواق يمكن انتي تشوفينه زين
تقبلي فائق احترامي و تقديري عبدالله بن ناصر

[ابوعقل]

مشكوره على الصور

[عاشـــق اللاند]

عجبني التلبيس ماشاء الله جميل ولكن اشوفه واسع جدا او انه مركبه على السريع

تعديلاتك جميله ولكن فيه ملاحظه لو مفصله القماش اللي على طبلون جلد بيج يطلع فله لكن اللون غير مانسب اوعلى الاحرى ترقيع

سامحيني على صراحتي

لكن الناس اذواق والسياره سيارتج وانتي حره فيها يابنت الخران

وبنهاية حديثي ماقول غير الله يعطيج خيره ويكافيج شره يارب

[اليباني]

المشاركة الأصلية كتبت بواسطة درب المحبه

عذرا على الصراحـه والسموحـــــــــه منك

والله يابنت الخران التلبيس هذا انتي حاطته مؤقت ولا دائم
لأني أشوف تركيبه غير متقن وشغل دون المستوى .......
وشكل العمال ماعندهم خبره طويله في التلبـيس
يعني مجرد حط الأكياس على الكراسي لاتثبيت صح ولا يحزنون
والله خساره حتى 150ريال في شغله
مادري هذا رأيي من خلال مشاهدتي للصور ...
المحل الخطير الي عندنا في قطر هو العبيدلي
وفيه محل في شارع سلوى أعتقد أسمه بانكوك
تبغين تشوفين التلبيس الي على أصوله وصح أسمه تلبيس كأنه وكاله
بحاول أصور موتر أخوي وشوفي وبعدين عطينا رأيك فيه

وعذرا على الأطاله

هذا الشغل العدل...واذا تبو..شغل عدل عندي محل لي خاص اسمه (شد وكاله) بعد العبيدلي...وانا حضر للجميع

[سلطان الإمارات]

حلو والله يعطج خير هذي السياره وكفيج شرها والمعذره

[فقط دبي]

حرام عليج يابنت الخزان والله !!!!

و الجو حاااااار عندنا و اتلبسين الارضيه جلد !!!!!!!!!!!!!

قبل كان وايد احلى .. الاستاندرد مايحتاج الى تعديل .. لانه الاستاندرد روعه شد وكالة !!

و السموحة على الصراحة

[بنت الخران]

ماشاء الله عليكم

جميييييييييييييييييييييييييييييييييييييييييييييييي ييعا


الله يعطيكم العافيه فى كل شي

ردودكم الجمييله الرائعه قى الموضوع افرحنى

وملاحظاتكم اكثر من رائعه


ولكن

السياره فى الطبيعه غيير وفى الصور غيير


مثلا الطبلوون لونه بني غامق واشوي فاتح


ولبس الارضيه بالجلد الابيض ليتضح عندى المكان الى فييه غبار او حاجه لزقه فييه من وسخ يتنظف على طوول

ولان لبس الوكاله فى الارضيه لونه رصاصي غامق بلاستييك ( ما الفائده منه )


واللبس الى على الكراسي

بس كرتووون


مثل القرطاس البلاستييك يوم تشتري السياره من الوكاله

اوتودي السياره التلميع يلبسوون الكراسي بلاستيك

وانا لبست الكراسي كرتون مثل اللبس

بس اشوي قوي من اللبس

فى اي وقت ابدله بكل بساطه

لان الصغاريه وسخو السياره باللبان والعلك و.....و....

مب كل يوم بركب لبس جديد


حق الاستعمال فقط وليس جمالي

ولان تركيبه سريع

وبعد رص القطع اللى فيه طلع احلى بكثيير

وهذا هو المغزى منه


والحمد لله انه جميييل جدا فى الطبييعه

الصور لا تحكم الواقع


لكم جزيل الشكر منى لكم


والله يعطيكم العافيه على ردودكم البنائه فى المنتدى

واشكركم على نصيحتى

الله يسر اموركم ان شاء الله

[بيست ون]

السلام عليكم
انا ودي ياأخوان اركب مثل بنت الخران للكراسي قماش كرتون
ممكن احد يدلني وين احصله عندنا هنا في الشرقية (الخبر \ الدمام\...) او البحرين
ولكم فائق الشكر

[واحد من الناس و]

يعطيج العافيه اختي انا مركب نفس التلبيسه على الكراسي لان موتري من داخل جلد ابيض بس الي على الطبلون ماعجبني مخرب شكل الموتر مع انه زين خصوصا بالصيف ويعطيج العافيه