[كـ ا قـ]

السلام عليكم
مسيكم / صبحكم بالخير جميعا
الصراحه انا بمشي بسيارتي لمكه المكرمه يمكن بعد اسبوعين ومدري وش ابدى اشيك عليه قبل ما امسك الخط هل افحص السياره كمبيوتر مع العلم ما قد مشيت عليها اكثر من 400 كيلو متواصله او اني اتوكل بس وامسك الخط اتمنى ان تفيدوني يااا راعين الخطوط (السفريات )



* مع العلم ان مكه تبعد عننا تقريبا 950 كيلو وهناك يمكن امشيها 1000 كيلو متقطعه والرجعه 950 ك

[مصرقع الشرقية]

هلا اخوي اول شي تروح وترجع بالسلامة

وابدأ شيك الماء وتأكد انة مافي اي تهريب بالسيارة وشيك على الزيوت والسيور وعلى الكفرات

والسبير وما يحتاج ابد كمبيوتر وترى في ناس يطلعون الفين كيلو بدون ما يدخلونها فحص

الكمبيوتر انت شيك على الي قتلك وتوكل على اللة واذا في اي شي ناقص الأعضاء بيفيدونك

[سراب الكامري]

اخوي كـ ا ق

اهم شي بالسيارة شيك على زيوتها مثل زيت الجيربوكس والفرامل والدركسيون وغير زيت الماكينة مع الفلتر وشيك على الكفرات وجلد المساحات مع المياه .

وسلامتك

[عاشـــق اللاند]

هلا اخوي اول شي تروح وترجع بالسلامة

وابدأ شيك بالزيوت والماء وتأكد انة مافي اي تهريب بالسيارة وشيك على الزيوت وعلى الكفرات والسبير

وما يحتاج ابد كمبيوتر وترى في ناس يطلعون الفين كيلو بدون ما يدخلونها الفحص انت شيك على الي قتلك


وتوكل على اللة واذا في اي شي ناقص الأعضاء بيفيدونك

نفس كلامه شيك على الكفرات وعلى الزيوت وتوكل على ربك

[الشمااااالي]

ولاتنسى سير المكينة
وودها لميزان علشان يشوف لك السيارة من تحت من ناحية المقصات والأذرعة...الخ

[ملفت أنظار]

ركز على اربع اشياء

1- غير زيت المكينة مع السيفون وشيك على التهريبات ليكون فيه تهريب

2- شيك على سيور المكينة وتاكد من جودتها وخل معاك طقم سيور بالشنطة

3- شيك على ماء الرديتر والمساحات

4- شيك على الكفرات وجودتها و تاكد من الاسبير وعدة البنشر

ولا تنس دعاء السفر وتروح وتجي بالسلامة

ولا تنسانا من دعائك الصالح عند بيت الله الحرام

[كـ ا قـ]

شكرا لكم من الصميم على ما افدتوني فبه بس مدري يا الربع يقولون( الجنزيرحق المكينه ) مدري اهو اسمه كذا ولا انا غلطان او سير التيمن حق المكينه هذا مدري سمعت عنه يقولون لازم اشيك عليه شو رايكم ولا ما له دااعي ؟؟

[عاشـــق اللاند]

شكرا لكم من الصميم على ما افدتوني فبه بس مدري يا الربع يقولون( الجنزيرحق المكينه ) مدري اهو اسمه كذا ولا انا غلطان او سير التيمن حق المكينه هذا مدري سمعت عنه يقولون لازم اشيك عليه شو رايكم ولا ما له دااعي ؟؟

لازم تشيك عليه وهو يتبدل كل 100 الف كيلو انا مبدله على الكامري القديمه قبل سنتين وراح ابدله بعد فتره بسيطه كلها كم شهر وراح ابدله

وسعره ترا بحدود ال2500 ريال وشغل وكاله