[صدى الحرمان]

السلام عليكم كيف حال الشباب ان شاء الله بخير
بصراحة حبيت اعرف من اصحاب الخبرة في البيع والشراء بخصوص سيارتي
عندي لكزس gs 430 موديل 2006 اللون ابيض من الداخل بيج
ماشية 76 الف كيلو متر وجميع الصيانات كلها في الوكالة
والسيارة الصدام الامامي والخلفي مرشوش بالاضافة الى الباب الخلفي الايسر كذلك مسمكر
ولكن الحمد لله الشغل مضبوط وغير كذا السيارة مافيها اي شي
لكن اللي مخوفني كل ماجاء احد عرضتها عليه قلت له فيها رش وسمكرة غير رايه
المهم اللي ابغا اعرفه في حدود الكم تجيب السيارة
ارجوا من الاخوان اللي لديه الخبرة يفيدنا ولهم جزيل الشكر

[بدر فهد]

حياك الله
شوف ياطويل العمر موترك توقعي في ال 140
وباين عليك كارفه
على العموم ان شاء الله تحصل لها شاري والله يوفقك

[النــــادر]

السعر اللي راح يقولوه في المنتدى مو زي ماتروح المعارض وشوفوها على الطبيعة
انصحك تروح المعارض افضل واذا تبغا حدود كم بالضبط انا اقولك اقل من 142الف تقريبا
لان عندي واحد من اقاربي معه نفس مواصفات سيارتك جي اس 430 لكن مابها اي رش
باعها تقريبا في 150 الف ريال

[النــــادر]

وكمان شعبية جي اس 430 اقل من
جي اس 300 هذا اللي انا اشوفه وبعدين سيارتك ماشية كثير
وان شاء الله تحصل لها شراي

[صدى الحرمان]

مشكورين والله يعافيكم

[حمدمحمدحمد]

السلام عليكم اخوي صدى الحرمان
1-سيارتك مشيها طبيعي جدا لاسيما انك ساكن بالرياض
2-اذا جيت تدخلها المعارض لاتقول الصدمات مرشوشه لانه اساس عند الشريطه ان الصدمات خارجيه مو زي البدي ويسمنها ربلة صدام يعني بالعربي سيارتك ما فيها الا باب واحد
وربي يوفقك ببيعه طيبه سيارتك تجيب من 142الى145باذن الله
وانا معي مثلها بس انا راعي خطوط ماشيه 100000 الف وزي الحلاوه بس انا 2007 ومسيومه مني 168
اتمنى لك التوفيق

[صااااااااااالح]

اخوي انا ادور لكزس جي اس 430 ..

ماقدرت ارسلك رسالة خاصة (( عدد مشاركاتي اقل من 100 مشاركة ))

المهم ياليت اخوي تعطيني كم حدك فيها ؟؟

[صدى الحرمان]

هلا اخوي صااالح
الحقيقة مسيومة مني بــ 148 الف ريال والى الان مابعتها انتظر لان مو هذا السعر اللي ببالي
وانا بصراحة ارغب في المبادلة بسيارة es350 فمن لديه الرغبة في المبادلة فانا حاضر ونستطيع المراسلة على الايميل اذا وجد احد عنده رغبة للمبادلة
وشكرا

[الحيمود]

أحد يفرط في جي اس علشان اي اس انا في الحقيقة ابحث عن لكزس اذا كانت ناوي ارسلي على الخاص
أو جوالي 0530747041

[ن ك م]

غريبة انك راح تشتري es فرق كبير بينهم والافضلية طبعاً للـ gs

على العموم اخوي والله مادري بالضبط ولكن ماراح تجيب السعر اللي تبي

اتوقع مابين 142 و 146 هذا والعلم عند الله