[كامري أبيض]

السلام عليكــم

كيف الحال ياشباب .. ندخل في الموضوع على طول ..


قبل فترة تم طرح موضوع بخصوص التجمع الخاص بالكوامري الشكل الجديد ,,, بس

واللي يبي يحضر التجمع من الشكل القديم حياه الله .. بس ماراح نصورة معنى <*****< أمزح

وجميع الأعضاء أقترحوا أقتراحااات حلووه .. ولكــن الأغلبيــة أتفقوا على أنه يكون الموعد

فجر الخميس بعـد صلاة الفجــر مباشرة والمكان في مواقف غرناطــة ..

وصف المكان
لمن لايعرف الوصف ..(( على الدائري الشرقي .. بين مخرج 9 ومخرج 8 ))


بس فيه نقطــتين نبي نوضحها للجميع ..

الأولى : نبي شخص يتكفل .. بالتصوير ،، وتنزيلها في المنتدى .. ونكون له من الشاكرين ..

الثانية : أي شخص راح يحضر التجمع نبيه يبدي بالموافقـه في هــذا الموضوع .. ويذكر لون سيارته .. وموديلها وفئتها فقــط لحساب عدد السيارات المتواجدة بإذن الله ..

وأتمنى للجميع التوفيق إن شاء الله . وننتظركــم فجر الخميس .. أمام البوابه الرئيسية لغرناطـة ..

موديل السيارة :، 2007 اللون :، أبيض :، الفئـة :، GL بس تراني مركب كشافااات أصلية
وعقبال الجنوط إن شاء الله .. والمسجل بالطريق جاااي

[عاشـــق اللاند]

تم تثبيت الموضوع

والله يوفقكم بالتجمع ان شاء الله

ولاتنسونا بالصور

لكن عندي ملاحظه بسيطه خارجه عن الموضوع

الفئـة :، GL بس تراني مركب كشافااات أصلية

انا ابغى اركب كشافات اصليه كيف طريقه التركيب هل ركبته من السكن ولا بدقمه خاصه فيه وهل كان التركيب وكاله ولا خارج الوكاله وبكم طلع عليك وشكرا

[ماجد202]

اوكيه اجل على الوعد ان شاء الله يوم الخميس الفجر

موديل السيارة :، 2008 اللون :، أسود :، الفئـة :، GLX حروف اللوحه س ب ع والارقام مجهوله خخخخخخخ

[ولفي وريده]

براسك يالغالي معاكم

الاول

اللون :فضي الموديل 99<*****لا تجي هههههههه امزح 2007 اللوحه:ى ى ص 055

ما عليك التصوير علي

معي جوال n82 دقه عاليه بالتصوير

اذا بغيت

[عاشـــق اللاند]

معي جوال n82 دقه عاليه بالتصوير

اذا بغيت

اجل التصوير عليك

[الساعي للجنة]

إناشاء الله نحاوال
اللون : زيتوني فاتح
الموديل : 2008
الفئة : Glx فتحه

[بسوووم]

WOOOOOOOOOOOOOOW
اوكيـــــــــــــــــــــكـ
المهم سيارتي 000كـــامريـ 000الموديل 000O2OO8 اللونــ 000ابيضـ
اللوحهـ ااع6000
قطب لاخر ....

[ماي دريم التيما]

السياره كامري 2001

لون : ذهبي + فضي

جراندي <*****<*****<*****<*****<***** يمديني اجي


هههههههههههههههه


بس تصورون سيارتي

[كامري أبيض]

المشاركة الأصلية كتبت بواسطة عاشـــق اللاند

تم تثبيت الموضوع

والله يوفقكم بالتجمع ان شاء الله

ولاتنسونا بالصور

لكن عندي ملاحظه بسيطه خارجه عن الموضوع



انا ابغى اركب كشافات اصليه كيف طريقه التركيب هل ركبته من السكن ولا بدقمه خاصه فيه وهل كان التركيب وكاله ولا خارج الوكاله وبكم طلع عليك وشكرا

أولاً : مشكور أخوي عااشق على تثبيتك للموضوع .. وإن دل فيدل على عنايتك بالقسم ومتابعته أول بأول ..

ثانياً : مبروووك الجنوط الجديدة .. ونبغااالها صور

ثالثاً : بخصوص الكشافات .. ركبتها من محل مشهـور عندنا في الرياض .. يبيعه أصلي نفس حق الوكاله ،، ويجي معاه دقمه ( مفتاح تشغيل ) خاص به يكون بجانب مفتاح زر رفع الأنارة ..

وطريقة تركيبه ،، يشبكة مع سلك ( السكن ) يعني إذا ولعت السكن راح يشتغل معاااك ... بس بوجود الدقمه حقته تقدر تطفية .. بس المشكلة هي أنك ماتقدر تشغله بلحاله بدون ماتولع النور ..

ولكن تقدر تولع النور والكشافات تطفيها إذا حبيت ،، أتمنى أن الفكرة وصلتلك ..

(( وياليت ترد على رسالتي على الخاص ))

[كامري أبيض]

المشاركة الأصلية كتبت بواسطة ولفي وريده

براسك يالغالي معاكم

الاول

اللون :فضي الموديل 99<*****لا تجي هههههههه امزح 2007 اللوحه:ى ى ص 055

ما عليك التصوير علي

معي جوال n82 دقه عاليه بالتصوير

اذا بغيت

الله يحيك .. مادام التصوير عليك .. حلوووين .. لقينا أحــد يصور ..

شكلك من سكان حي الريان ولا لأ .. <*****<***** موقف السيارة في التوقيع عند الممشى اللي في الريان صح ولا لأ ...

[عاشـــق اللاند]

شكرا لك ولكن ماعلمتني كم سعره

[كامري أبيض]

المشاركة الأصلية كتبت بواسطة عاشـــق اللاند

شكرا لك ولكن ماعلمتني كم سعره

سعره يالغالي بـ 350 ريال و 100 ريال للتركيب

[كـ ا قـ]

صباااح الخير /مساء وانا بعد ثبتني جاااااااااايك يالمليون كامري موديل 2003 اللون ذهبي (كشميري) الفئه جي ال اي اللوحه ك ا ق 360 ((( فـــــــــــــــــــــــــــــــــــــــــــــــــ ــــــــــالي التـــــــــــــــــــــــــــــــــــــــــــــــ صوير )))

[ي ا ك]

ماشاء الله الله يوفقكم وان شاء الله اول واحد راح اكون في انتضاركم

موديل السيارة : 2007 اللون : أبيض : الفئـة : GLX

[ي ا ك]

المشاركة الأصلية كتبت بواسطة كامري أبيض

الله يحيك .. مادام التصوير عليك .. حلوووين .. لقينا أحــد يصور ..

شكلك من سكان حي الريان ولا لأ .. <*****<***** موقف السيارة في التوقيع عند الممشى اللي في الريان صح ولا لأ ...

إلى صح عليك

[كامري أبيض]

حتى الآن عدد الأشخاص اللي يبي يجون 6 أشخاص معاهــم الشكل الجديد ،،

2 معاهــم الشكل القديــم ،،