[عبدالله بن شامر]

السلام عليكم ورحمة الله
الى الاخوان الاعزاء اهل الاختصاص بالكامري

عندي كامري على يدي من الوكاله 2003
وماشيه معي والحمد لله زي اللوز ماشيه الان 100000مية الف والحمد لله ماقد غيرة فيها شي الا البواجي
وابي الان افحصها واغير فيها اي شي تعبان قالوا لي الوكاله كلام مايدخل الراس
يقولون نغير لك موية الرديتر وزيت الفرامل وزيت الجرابكس معقوول ياجماع اللي اعرفه ان اللي قالولي كلها ماتتغير ابدا وش رايكم تكفون تكفون

[كامـ دحوم ـري]

ماشاء الله عليها الله يعطيك خيرها ويكفيك شرها

زيت الجرابكس عند الوكاله عدد كيلوات عندها لازم تغير الزيت مثل البواجي

اذا تحس في القير قساوه لما تعشق غير زيت الجرابكس ==== انا انصحك غيره مانت خسران شي لو ينقص كثير او ينتهي يصلب الجرابكس ثم غير جرابكس جديد

اما موية الرديتر اذا هي مليانه مويا احمر ليه تغيرها غير الاحمر لاتحط شي الجك بـ 45

اما زيت الفرامل مع زيت الكلتش اذا ناقص عن الحد زيده

[عاشـــق اللاند]

لاتنسى تغير زنجير المكينه لانه بعد الميه الف لازم يتغير

[كـ ا قـ]

الله يعطيك خيرها ويكفيك شرها ..... اقول ما ودك تبيع،،

[مبتكر]

المشاركة الأصلية كتبت بواسطة عاشـــق اللاند

لاتنسى تغير زنجير المكينه لانه بعد الميه الف لازم يتغير

ذكرتني يوم كان معي كامري كنت مسافر من الرياض للقصيم ويوم دخلت مدخل بريدة على الساعة 3 بالليل مافيه سياارات الا قلييل مره الا ويفصل علي الجنزير فجأة وكنت امشي بوقتها 160 كم وتوقف فيني السيارة احسب المكينة انفجرت ولعت كل انوار الطبلون ويوم جيت اشغل المكينة تسمع صوت طقه والحمدلله بوقتها اول ماانقطع الجنزير فضيت القير على طول بعدها قالوا لي الشباب ممتاز انك فضيت القير علطول لأن لو اني مافضيت القير بسرعة كان عدمت المكينة

فعلا تراه مهم لو تغيره لأني ماكنت اعرف انه فيه جنزير مكينة الا بعد ماانقطع معي ماغيرته ابدا من اشتريت السيارة وكالة .

[سلااام يالكامري]

في البداية ماشاء الله تبارك الله عليك وعلى سيارتك الله يعطيك من خيرها ويكفيك شرها

هلا بك أخوي عبدالله

بالنسبة لموية الرديتر لو غيرتها أحسن لك عشان مايحلي عندك الرديتر وإحتمال ينشق من الموية العادية

بالنسبة لزيت الفرامل اللي أعرفه إنه إذا نقص يزود مايغير

بالنسبة لزيت الجرابكس إذا القير عندك مافيه صعوبه معك بالتغيير فأنصح بعدم تغييره

هذا والله أعلم

تحياتي

[عبدالله بن شامر]

جزاكم الله خير يالحبايب