[نزواني]

سلام عليكم
كيف الحال؟
صراحة انا محتار بين باجيرو وبرادو طبعا كلهم 2008
والباجيرو شد انتباهي بميزاته مثل الدف لوك ونظام تركشن وزينون وجنط18 وثلاجة ونظام ملاحة وحساسات وثمان ايرباجات وشاشة الدي في دي حسب الطلب اذا تريد فتحة او دي في دي وقوة المكينه 3.8 وصراحة اشوفها مكفيه وميزات احلى والباجيرو حصل على المركز السادس في الامان والباجيرو شكلة جديد
بس لما شفت البرادو الشكل كثير مرفوع لكن البعض شجعني فيه لانه قوته 4.0 ولانه طبعا تويوتا وعند البيع والصيانه لكن اشوفة البرادو السعر مايستاهلة والبرادو صح قوي لكن سمعت انه ينقلب بسبب
وشكل البرادو قديم يمكن من موديل 2004 ماتغير شكله الارتفاع ومافيه انظمة نظام وامن مثل الباجيرو
وانا خيروني بين الباجيرو والبرادو وقالوا لي ماعليك من ظعف قوة الباجيرو تراة قوة ومايغرك المظهر وخبروني في البر انه قوي
وفي البرادو بعد شجعوني لكن اشوفة مافية انظمة امان واللي اكثر خوفني قصة الانقلاب
والباجيرو على انظمته المميزة ارخص من البرادو والبرادو مبالغ في سعرة بكل صراحة
وعاد انتو شو تقولوا لي باجيرو او برادو
وشكل البرادو اعتقد كلكم تعرفونه
وانا بكل صراحة متشجع للباجيرو
واتمنى تفيدوني
وشكرا
وهذا شكل الباجيرو

[أبوحمد]

بالنسبة للباجيرو واجهته ممتازه

واللؤلؤي والفضي على الفل كامل ألوان رائعه جدا

اللي سائني فيه فقط الخلفية ماهي بذاك الزود !!
يعني حتى أصطبات ليد غير موفره ؟؟؟؟

والباجيرو مجرب وممتاز وإذا أخذته كمستخدم ماراح تندم إن شاء الله .

[مـجـنـون]

ياخوي اقولك خذلك باجيرو ارخص واحسن في واحد بمنطقتنا قلب على برادو 2003 نفس شكل 2008 وانا اقولك الباجيرو فيه وسائل راحه اكثر وبعدين سعر البرادو الفل ب 145000 الف غالي حيل

[مجنون بالكمر]

خذ لك باجيرو الوالد معه باجيرو مايشتكي منه ابد وبعدين البرادو رفيع مرره مو مثل الباجيرو

[الصاروخ]

البرادو لك والزمن

[حموووده]

المشاركة الأصلية كتبت بواسطة الصاروخ

البرادو لك والزمن

صــــــــــــــــح لســــــــــــــــــــــــــانكـ انه على كلاااااااااااااااااامكـ لك وللزمنalprado



وانــــــــــا سألت عن البــــــــــــاجيرووووووو لكن كثير قال ان البراااااااااادو



احسن بكثيــــــــــــــــــــــر


وانـــــــــــا اقول ان البراااادو يستاهل كل الثقة بعد الجيب اللاندكروزر




وبس TOYOTA

[نزواني]

مشكورين اخواني على طلتكم المميزة
ولكل واحد وجهة نظر
وانا نعم مفكر في اللون اللؤلؤي في الباجيرو لانه روعة يطلع عليها
وعلى سالفة التوفير احنا في سلطنة عمان الحمدلله الوكيل ممتاز
والباجيرو يعيش وانت لو تلاحظ انه تشوف سيارات الباجيرو من98 واقل وماشاء الله تشوفها بكل قوتها
وانا خبروني انه البرادو كثير يسرب هواء
بينما الباجيرو ممتاز قليل التسريب
والباجيرو يجي ناقل يدوي عادي وتوماتيك مع بعض
بينما البرادو جير عادي او توماتيك
وانا سالت واحد معه باجيرو 2005 قال انا لم اغير شي في الباجيرو غير التواير والزيت والحمدلله مرتاح معها
والتويوتا الحين مامثل اول راح زمانه
ونورتونا بمروركم

[الامـبـراطور]

اخوي الكريم
البرادو افضل بمراحل لكن الاخوان كفوو ووفوو اذا تبي رايي البرادو وبس وانت فكر وشوف الي يصلح لك

[عاشـــق اللاند]

السلام عليكم

انا بجاوك بعد تجربه والله ياخوي الباجيرو جيب يعتمد عليه وكان عندنا واحد للبيت موديل 99 فل اوبشن مابعناه الا بالصيف اللي طاف شهر 8 وكان ممتاز لوا فيه عيوب وبعطيك ميزه الباجيرو وبكل صراحه سياره تتحمل الكد ولا يقول اح يعني مهما تكسره يضل قوي ومتماسك وميزته ان قطع غياره رخيصه انا اللي عندي كنت لاعن والديه الوالدينه اسمحلي على الكلمه لكن بصراحه كنت ماشيك عليه بالوكاله الا كل 30 الف كيلو وكان يكلفني مبلغ 190 دينار وابدل كل شي يحتاج تبديل لكن بكل صراحه اقولك توكل على الله وخذ الباجيرو كانك تبي تكرف وكانك تبي تسخدم وتبيع خذ البرادو وانا عن نفسي ارشح الباجيرو افخم واقوى وصدقني كافي فحمات السفايف حقت الباجيرو تدوم مو نفس تيوتا كل 10 الاف لازم تبديل وانت حر

[فـوفـو]

أشوف الباجيرو افضل بمراااااااااحل كثيرهـ


بغض النظر عن (تويوتا او ميتسوبيشي)

انا اشوف من وجهت نظري انه الباجيرو افخم واقوى واجمل واحلا من الداخل والخارج

وشكل جديد
^_^

[نزواني]

يسلملي مشاركاتكم العطرة
والباجيرو فعلا روعة وعملاق وانا السيارة الوالد يريدها وابوي ماشغلة مال تبديل السيارة الا اذا كانت مستخدمه يبدلها لكن اذا فحص ماجاي يبدلها لانه ايكون عارف عيوبها وهو محافظ على السيارات
وخبروني الباجيرو افضل جيب في تسريب الهواء يعني التسريب متاز ماكثير يسرب هواء مثل السيارات الاخرى
وبالتوفيق

[بنت الخران]

البرادو له فئه

والباجيرو له فئه

والباجيرو يقارن بالكروزر


وبهذا الشيء

افضل الباجيرو

يستحمل كل شي

وقوى فى الرمل وفى الشارع

بس عيبه قطع الغيار

بس لو تقارنها مع البرادو

متشابه فى تسعيير قطع الغيار

[إبن بلد]

بصراحة نفس مشكلتي أنا محتار بين البرادو و الباجيرو لكل واحد منهم مميزات وعيوب لكن النفس وما تهوا والله يكتبلك إلأى فيه الخير

[الرحال]

السلام عليكم

أخوي "نزواني"...انت ومن خلال استفسارك ...يظهر انك ناوي على الباجيرو سلفا... لكن تبي من يشجعك


لذلك...اذا لك خاطر فيه...توكل على الله وان شاء الله ما راح تندم

والله يكتب اللي فيه الخير

[بدر المرقب]

سبحان الله ان صوت وعدلت الكفه ففتي ففتي , انا اشوف البرادو من ناحيه قطع الغيار والصيانه والسعر عندما تريد تبيعه واشوف الباجيرو من ناحيه المتانه وجوده القطع معى انها غاليه اما من ناحيه القوه صح انه 3.8 بس شوف كم عدد الاحصنه وهذا هو المهم .

[عضو جديد جداً]