[راعي الفتاك]

سلام عليكم

اليوم يايب لكم مقارنة بين النيسان فتك و اللاند كروزر (الاستيشن)


اول شي اللاند تحت موديل 2008 :

الثمانية سلندر :
عدد الاحصنة 271 حصان و عدد اللترات 4.7 لتر يعني 4700cc
الستة سلندر :
عدد الاحصنة 240 حصان و عدد اللترات 4.5 لتر يعني 4500cc

موديل 2008:

الثمانية سلندر:
عدد الاحصنة 381 حصان و عدد اللترات 5.7 لتر يعني 5700cc
الستة سلندر:
عدد الاحصنة 240 حصان و عدد اللترات 4.0 لتر يعني 4000cc بس هالمكينة اقوى من الجديمة لانها مضغوطة


و الحين دور الفتك:
في ثمانية سلندر و في ستة بس الي ايي عندنا في الامارات ستة سلندر
الستة عدد الاحصنة 280 حصان و عدد اللترات 4.8 لتر يعني 4800cc

يعني الفتك اقوى من اللاند الثمانية و الستة الي قبل موديل 2008 و اقوى من اللاند الستة موديل 2008

و عندي معلومات تقول ان الفتك الجيل اليديد بتكون مكينته اقوى من مكينة الارمادا ثمانية سلندر الـ 5,6 لتر

يعني ما بيسوي سالفة للاند .

[عنصر الفشل]

فدتيك يا راعي الفتاك .... ما عليك من الارقام ... انا مجرب مع استيشن من اليداد 8 سلندر 2008 ... و عنديه فتك موديل 2008 (( بعت الاستيشن بعد ما سمعت عن سالفة الحريق )) ... و حياتك ... خليتا تروح ذرا لين ما قالت بس ... ^_^

فديت خشمك النيسان عنده نفس مكينة 4000cc الي على الاستيشن .. و حاطنها على الباث اليديد ... تعرف كم قوة الاحصنة 290 حصان ... يعني اسمحلى مكاين التويوتا فاااااااااشله

[أبوحمد]

أخوي راعي الفتاك

عندك أخطاء بعدد الاحصنه خاصة لموديلات الكروزر اللي أقل من 2008

أما بخصوص مواضيع المقارنه أرى بأنها لا تفيد خاصة وأننا بين عشاق الكروزر ,,
وإذا أنت مقتنع بالفتك فهذا شي يرجع لك ولكل من جرب الفتك وأقتنع به

لكن الموجودين هنا أغلبهم من ملاك الكروزرات وماراح يستفيدون من المقارنه بين الفتك والكروزر , مع أني لا أنكر بقوة الفتك وأن له شعبية بين أوساط أبناء الخليج عامه ..

وبالتوفيق أخوي