[أبو عابد]

السلام عليكم

مساء الخير أتمنى أن تكونوا بأفضل حال

أنا ناوي أركب زينون على سيارتي لكن قبل ما أركب قلت لازم أستفيد من خبرة أعضاء المنتدى وفقهم الله
*عندي بعض الاستفسارات حول الزينون محيــــرتني وشاغله بالي بــــــارك الله فيكم وهي :
1- هل تركيب الزينون يعتبر مخالفة مرورية؟ أهم سؤال لان اخوكم متورط بالقسايم الله يعين

2- هل تركيب الزينون يلغي الضمان ؟

3- هل تركيب الزينون فيه توليف ؟

4- وش أفضل نوع للزينون وأفضل لون ؟ و كمان وش أحسن محل يعرف يركب زينون في مكة ؟

5- هل تنصحوني أركب الزينون في جميع الأنوار أم بعضها ؟

6- أخيرا ودي أعرف كم تكلفة الزينون مع التركيب ؟

وآسف جدا على كثرة الأسئلة ، وأسال الله لكل من يجاوب على أسالتي أن يكتب له في كل إجابة حسنة وأن يوفقه في الدارين

[عاشـــق اللاند]

هلا ومرحبا بالحربي والله ياخوك انا مافهم بالزينون اي شي لكن على كلام الاخوان بوش هو افضل نوع

[أبو عابد]

هلا فيك يالغالي
الله يهديك يا عاشق ما لقيت الا بوش أكيد هذا النوع معفن ولا يسوى ريال مبين على اسمه
أشكرك على ردك أخي عاشق اللاند
وانتظر بقية الاخوة

[عاشـــق اللاند]

هلا فيك يالغالي
الله يهديك يا عاشق ما لقيت الا بوش أكيد هذا النوع معفن ولا يسوى ريال مبين على اسمه
أشكرك على ردك أخي عاشق اللاند
وانتظر بقية الاخوة

هلا فيك

لا والله انك مضيع هذا افضل نوع بالسوق معروف البوش الماني

وعلى فكره سعره بالكويت يطوف ال 200 دينار

[هــاوي لــكــزس]

وعليكـم السلام

مساء النـوور..


1- هل تركيب الزينون يعتبر مخالفة مرورية؟ أهم سؤال لان اخوكم
متورط بالقسايم الله يعين

تبي الصدق..أهـو يعتبر مخالفه مروريه..ويتم مصاردته..مش مجرد مخالفه فقط..

لكـن اذا اهـو كان في الواطـي..ومايعمي الناس..ماراح يقولون لكـ شي..
واذا كان في العالي لاتكـون مشغله دايم..يعني في الضرورهـ فقط..ومحد قايلكـ شي..



2- هل تركيب الزينون يلغي الضمان ؟

والله مادري عن هالنقطه..لكـن اللي سمعته انه لو خرب اي شي كهرب بالسيارهـ مايصلحونه لكـ..وبيقولون سبب المشكله الزينون




3- هل تركيب الزينون فيه توليف ؟

اذا هـو المـاني أصلي..الغالب يكـون توليف..ويكـون فيه قص أسلاكـ وغراء لشمعه الزينون مع قاعدهـ لهـا

واذا هـو كوري أو ياباني أو صيني..ممكـن يركب بدون توليف أو قص..

مجرد أسلاكـ كبس ويركب بعضهـا في بعـض..


4- وش أفضل نوع للزينون وأفضل لون ؟ و كمان وش أحسن محل يعرف يركب زينون في مكة ؟

أفضل نوع اللي هـو الالمـاني الاصلي..لكـن وجودهـ قليل جداً وسعرهـ مرتفع..(من 1500-ويصل لـ 3000 احياناً)
وبحـكم تجربتي للألماني ..فهـو أكثر من رائع ..قوي..ينتشر..يفرش الخط..أبيض ناصع..يشتغل بسرعه ومايحتاج تحميه..كأنه فلاش

واللي يجـي بعد الالمـاني في الافضيله ..الياباني!

لكـن يقولون مايوجد عندنا..يعني اذا تبيه تطلبه من النت..

واللي يجي بعد الياباني فـهو الكـوري..والصراحه ماشفت عليه شي..

وهو شبيه بـزينون الـVXr الالمـاني..سعرهـ في حدود 700 الى 1200 تقريباً..

وبعد الكـوري يجي الصيني !

الصراحه هالنـوع أبهـرني بشكـل عجـيب !!

على أنه رخيص جداً (سعرهـ يبدأ من 400 الى 600 ريال)لكـن انه حلو جداً مقارنه بسعـرهـ ومقارنه مع الانواع الثانيه..
ويجـي كبس..لاتقطيع اسلاكـ وشي..تركيبه مايتعدى 10 دقايق..

أفضل نوع للألماني..بوش
اما الكوري مـادري والله..
اما الصيني فـيجي مكتـوب انه بوش ولا هيلا ..وهو أصلا تقليد!
ومابينها فرق ابداً

أفضل لون..6000 كالفن..وهو أبيض على زراق خفيف أول مايشتغل..
وبعد الاحتماء يطلع أبيض ثلجـي..

وكـل مازاد الكالفن كل ماكان لون الزينون أزرق..وتقل جودهـ الاضاءهـ على الطـريق..

أفضل محـل في مكـه..مادري والله..اتمنى احد يفيـدكـ

تعليق بسيط(الزينون الصيني عيبه الوحيد أنه مايحتمـي بسرعه مقارنه بالالماني أو الكـوري..يعني يجلس 10 ثواني تقريباً عشان يشتغل بكـل قوته)

5- هل تنصحوني أركب الزينون في جميع الأنوار أم بعضها ؟

ركب في العـالي..منها عشان ماتستخدمه الا في وقت الحاجه..
ومنها عشان المرور مايسوون لكـ مشكله اذا كان في الواطي..
لأنه بيشوف النور شغال وهو زينون..
ااما العالي ماراح يشوفه الا لما تشغله..

وحلاهـ الزينون على العالي في خطوط السفر..لأنه يعطي مدى بعيد جداً في الاضاءهـ


6- أخيرا ودي أعرف كم تكلفة الزينون مع التركيب ؟

ذكرتهـا لكـ فوق..بالتـوفيق أخوي..
وأي سؤال لايردكـ غير الكـيبورد..ولو نسيت مارديت ع الموضوع..

بلغني برساله خاصه

تحيــتي

[الوحش الأسود]

يعطيك العافية اخوي هاوي لكزس وربي افدتنا كلنا بدي المعلومات الله يوفق يالغالي ...

بس حبيت اسأل اللون الثلجي إلي زي لون الزنون حق الأوريون إيش رقمه ؟؟؟؟؟؟؟

[هــاوي لــكــزس]

حياكـ الله عزيزي..
انا بالخدمــه يالغالي

رقمـه 4300 كالفـن على ما أعتقد..

ومثله يجـي في الكزز 460 ..

وهو يكـون ابيض على صفار خفيف..

بس ما تحصله الا بالوكاله او بالتشليح..وترااهـ غالي شوي..

[أبو عابد]

والله العظيم يا أخي هاااااااااااوي كلمة شكرا قليلة جدا في حقك لمجهودك الكبير في ردك على جميع أسألتي
كفيت ووفيت والله
ريحت بالي الله يريح بالك

[هــاوي لــكــزس]

8
8
العفـو يالغـالي..
وهـذا أقل شي أقدر افيدكـ فيه..

وإذا عنـدكـ اي استفسار آآخـر لايردكـ الا الكيبـورد..

وانأ بخدمتكـ اخوي..

بالتـوفيق..ومبروكـ الزينـون مقدماً..

[عازف الطاره]

والله ياخوي شوف إذا تبغى جوده واصلي 100% (ما انصح فيه) زنن الوكاله بس غالي قيمته 3000 تقريبا وانا اللي عندي الماني صراحه رووعه وقوي وعليه ضمان على الاجهزه سنه وعلى الشمعات 6شهور بس هو ما يضمن على الشمعات بس بعد المفاوضه ضمن لي هو انا مركب في العالي والواطي وأخذت طقمين بــ1000 والواحد بـ500 بس بعد المضاربه بس صراحه ما ندمت اما على سالفة القسايم مايعطيك قسيمه الى إذا رفت العالي وجالس تكشح على الخلق من دووون سبب فرااح يعطيك قسيمه

وشوف هذي صور للزنن اللي عندي في العالي



(أخووك علي الغامدي)

[صابر وراضي]

احترنا مع كل محل وكل مجرب

[كمورة القمورة]

احسن شي 4300 كلفن و 5000 كلفن وهو اللون ابيض على صفار مثل حق اللكزس والمرسدس وهذا الرقم ماتحصله لانه نادر او روح الوكاله واسأل عن سعر الشمعات حق الاوريون وخذها وركبها على اي محولات

[شرقاوي ناوي]

ما اعتقد المرور يخالف الان على الزينون الا اذا اتضح انه نوع السيارة لا ياتي بها زينون مثل كراسيدا والسيارات القديمة المعروفة ولكن السيارات الان تلقى كثير منها زينون من الوكالة ومرهم في الوكاله فلا اعتقد فيه مخالف .
لكن العضو هاوي اللكزس اعطاك الزبده وانا ركبت زينون vxr وكان فيه نوع من الترهيم ولكن نوره ما شاء الله مثل بالتمام اذا ما كان افضل من الكزس او الاوريون او الافالون وباين عليه اصلي من الوكالة وليس تركيب
وبالتوفيق

[هــاوي لــكــزس]

اخوي عازف..
الزينـون اللي عندكـ ماهـو الماني..

هذا صينـي ..والمشكله كل المحلات تقـول المـاني !

الغشيم بتمـشي عليه وبيصدق..والفاهم ماتمشي عليه وبيكشفهـا..

اذكر دخلت محل وسألت عن زينون..قالي صناعه الماني وضمان سنه على المحـول وسنه على الشمعات..وبـ 550 ريال!

قلت له اما ألماني وبـ 550..!!

دور غيرهـا..

يوم درى اني فاهم وكشفته..تدري شو قال..؟

قال اللي يوزعه ع المحلات يقول انه الماني..
خخخخخخخخخخخخخخخخخخخخخخخخخخخخخخخخخخخخخ

شف النصب بس..

ومثل ماقلت لكـ ..اللي عندكـ صيني..وانا مركبه..

والصراحه لايُعــلى عليه..أكثر من رائع وبضمـان سنه بعد..

وش تبي أكثر من كذا..

بالتوفيق أخوي

[هــاوي لــكــزس]

اخوي صابر وراضـي..اطرح مشكلتكـ ومالكـ الا بالكـلام اللي يجمـد ع الشـارب..

بالتوفيق..