[سلطان الدمام]

السلام عليكم ورحمه الله وبركاته



شباب انا عرضت مشكله طقه القير على المهندس في شركه عبد اللطيف

قال المشكله بسيطه انشاء الله

سألته عن الضمان علما بان السياره وارد اليحياء

قال لازم تجيب دفتر الضمان حق السياره ... (ولا بكون الشغل على حسابك)

:: بعدبن اتصلت على المعرض قال يمكن الضمان موجود يمكن لا

سؤالي : لو ماكان دفتر الضمان من المصدر غير موجود( هل فاتوره المعرض تؤدي بالغرض) ويش الحل
مع الوكاله

قبل فتره المهندس قال عبداللطيف جميل وكيل في الشرق الاوسط ونقبل السيارات الخليجيه

اما اذا كانت السياره على سبيل وارد عبداللطيف جميل لايقبلها اي موزع في الخليج

ولاكن استغربت من طلب دفتر الضمان ( الشغله هذه ماكانت في الحسبان )

افيدوني ويعطيكم العافيه

[قشمير]

والله غريبة ياحبيبي مجرد ما تجيبها لصيانة الألف تتسجل تلقائي

واذا تبغى الصدق شوية رفعة صوت مع عين حمراء والله يبوسون رجولك

جرب وتقول قالها قشمير.


حسبنا الله عليهم من موظفين كلن يفتي من راسه في الرياض كلامهم وأسعارهم غير جدة وجدة غير الدمام والدمام غير الجنوب والجنوب غير الشمال

[قاقوقه]

حبيبي حسب ما اعرف ان اليحيا ما يعطي ضمان على السيارة ولكن لو انا منك اشتكي على عبداللطيف جميل في شركة الام --- ويوجد مقر لها في دولة الامارات الحبيبة يمكن تكون في مدينة ابوظبي

[بنت الخران]

نعم الله يسلمك فاتوره السياره كافيه

وهذا من وكيلنا الفطيم

حيث نفس السؤال طرحته لمدير الورشه

وقال لى

بس الفاتوره او اي شي يثبت شراء السياره من وكيل فى الخليج

[هجراوي]

اسئل مجرب .. وكالة ابوجميل ماينفع معهم الا الصوت
كل شئ تاخذه بالصوت وخلك شديد وياهم .. خصبن عنهم الضمان عليهم ومو تكرم منهم

[سلطان الدمام]

هجراواي

مشكور على تفاعلك معاي

وعلى كل حال هذا اللي بصير الظاهر

الايام بيناا انشاء الله وبعطيكم انشاء الله كل شي اول بأول

بس الين الان مااحد رد عليه من اصحاب سيارات اليحياء على شان يعلمنا ويش صار معاه

ويعطيكم العاااااااااااااااافيه

[قاقوقه]

ان شاء الله ما تكون المشكله كبير
بس عندي لك سوال ---- انت متندم انك اشريت السيارة من اليحيا
وعلى فكره اي فئة سيارتك هي ستة او ثمانيه سرندل
بما انك تملك السياره كيف كانت تجربتك

[ظبي]

ابد ا انت رح دخلها تشييك بعدين جبها ثانيه ولا تقول شيء قل طلع عندي صوت
خلاص تصير مسجله في الكمبيوتر

[قشمير]

عزيزي انا سيارتي من اليحياء ورديت عليك سابقا


لم يطلبوا مني شئ ابدا سوى 137ريال لصيانة الألف الأولى


دمت بود

[خبّاب]

انا سيارتى من اليحياء
خذوا 147 ريال وسجلوها فى الكمبيوتر
اليحيى انت وحظك اذا كانت سيارتك وارد بازرعة فأنت الكسبان
بالنسبة لى جابها من البحرين (كانو)
عيوبها
مافيه لحية خلفيه
صوت تنسيم الهوا الخارجى قوى
واشياء اخرى
مافيه كتابة على الباب
يعنى هيك شغلات
سيارتى جيكسار 8 سلندر

[أبوحمد]

المشاركة الأصلية كتبت بواسطة خبّاب

انا سيارتى من اليحياء
خذوا 147 ريال وسجلوها فى الكمبيوتر
اليحيى انت وحظك اذا كانت سيارتك وارد بازرعة فأنت الكسبان
بالنسبة لى جابها من البحرين (كانو)
عيوبها
مافيه لحية خلفيه
صوت تنسيم الهوا الخارجى قوى
واشياء اخرى
مافيه كتابة على الباب
يعنى هيك شغلات
سيارتى جيكسار 8 سلندر

أخوي اللي أخبره أن اللحية الخلفية ماتجي الا على الفكسار أو الجكسار طراز 6 سلندر وبدون فتحة وونش ..

يعني موترك طبيعي يجي بدون لحية خلفية .

[سلطان الدمام]

يعطيكم العافيه

انا سيارتي Vxr مخمل

يوجد لحيه خلفيه

والصور سوف اعرضها انشاء الله خلال الايام القدمه

[ابوعقل]

الله يعينك

ارجع للمعرض وقل السالفه للمصري

تراه حبيب وبيدبرك

[السياغي]

جرب مثل ماقالوا لاخوان وقلب صوره

[دحوم2010]

موترك جديد لا يسوون في شئ ترا فكتـه تسبب لك بلاوي كبيره

[عاشق البعد]

المشاركة الأصلية كتبت بواسطة بنت الخران

نعم الله يسلمك فاتوره السياره كافيه

وهذا من وكيلنا الفطيم

حيث نفس السؤال طرحته لمدير الورشه

وقال لى

بس الفاتوره او اي شي يثبت شراء السياره من وكيل فى الخليج

بنت الخران

هل تقصدين بأنّ الفاتورة وحدها تكفي ؟

وفي موضوع ثاني : إذا اشتريت سيارة من بهوان في عمان طبعا صيانتها وتشييكاتها لازم عندهم في الوكالة أو في دينا تريد عندنا في الإمارات ، لكن إذا بغيت أسوي الصيانة عند الفطيم هل في إمكانية ؟