عندي 90 ألف و محتار بين الأوريون و الأكورد و التشارجر ،
و لا ادري ايهن تصلح لي ، فأطلب مشورتكم قياساً بالتالي .
الميزات المطلوبه
1- قوة العزم
2- الثبات و الرسأوه
3-
جودة صيانة الوكاله
4- موتر يعطي مآيطلب و يتقبّل الكرف
الميزات اللي ما أنظر لها
1- الشكل + الفخامه
2- أسعار قطع غيارها
نوعية مشآويري
1- أكـد في المطآر
ملحوظه : القادمين أحيانا يتشرطون يبون سيارات كشخه .. خاصه بعض ضعاف الشخصيه الله يشفيهم
2- بران و مُخيمآت و خطوط سفر < حدّه الرياض .
ملاحظة :
كنت محتار بين اللومينا و الأزيرا .. و اخترت الأزيرا .. بعدين .. انغرزت عاطفياً بالأوريون .. و احترت بينها و بين الأزيرا و رسيت على الأوريون .. الحين دخلت سيارتين على الخط الأكود و التشارجر .. شيّب شعر راسي وانا اهوجس و افكر .. فأتمنّى منكم تعطوني أرائكم الصريحه بعيداً عن التعصب الله لا يهينكم.. وانا ماحطيت الموضوع اهنا إلا اني حاط الأوريون في المقام الأول
الاكورد ما عليها كلااام .. بس معروف صياانة وقطع غيااار تهد حيلك
الاوريون .. تويوتا ومثل ما قلنا عن الاوريون غيرت اللعبة كليا
التشاارجر ما اعرفها ولا ابي اعرفها ههههههههههه
اخوي بصراااحة .. لا تتوقع انك تدش منتدى الاوريون ويقولون لك الشباااب اشتري اكورد
انا بالنسبة لي لو ماشريت الاوريون وعندي الفلوس الحين شريت الاكورد,,,,
الحقيقة الاكورد موتر وانا معروف اني صريح واقول الحق لاكني امتنع اني اقول الاكورد احسن من الاوريون لانها بتولد مشاكل فانا اكتفي بكتابة انطباعي عنها واخلي المستفسر يختار الي يشوفه افضل بالنسبة له فالله يهديك يابحر حديتني على هالشي
االاكورد..مميزاتها..الصبر..شكلها حلو..الشكل توهـ متغير..ياباني..مريحه نوعاً ما..راسيه في الخط
عيوبها..قطع غيار يهد الحـيل..صيانة تعبانه جداً..سعرها يطيح عند البيع مقارنه بـ تويوتا
وفيه اشياء كثيرهـ لاتحضرني..سواء مميزات او عيوب
الاوريون..مميزاتها..6 سلندر..الفخامه أكثر من الاكورد..قطع غيار رخيصه مقارنه بـ هوندا..راسيه نوعاً ما..تمسكـ سعرها عند البيع
عيوبها..الراحه اقل من الاكورد..العزل الخارجي قد يكون أقل بقليل من الهوندا..مشكله الديكور في بعضها..
والصراحه ماقدرت أجمع أكثر من كذا..لا مميزات ولا سلبيات..واكيد فيه أكثر من اللي ذكرت..
لكـن لو رجع الامر لي..أخذت اوريون..وانت فكر وشف اللي يناسبك
الاقمشة توه مغيرها ب 1000 ريال بينما الاوريون حول 300 ريال
عالعموم ... هذا رأي الشخصي و الحيادي
تحياااتي
بالنسبه للاقمشة ميزة الهوندا انك ماتغيرها الا بعد فترات طويله وهذي حال جميع قطع غيار هوندا الاستهلاكيه وهذي تحسب لها بالنسبه للتويوتا قطعها الاستهلاكيه لاتدوم طويلاً فتحتاج تغيرها بسرعه ويميزها رخصها مثلاً راعي الاكورد كل ما غير مره راعي الاوريون يغير مرتين الى ثلاث مرات هذا رأيي وماشاهدته ولمسته حيث اننا نملك هوندا اوديسي ..
مشاء الله عليك كنت واضح في احتياجك للسيارة وهذا هو المهم، ونصيحتي لك يا اخي الفاضل، ولا وحدة من السيارات اللي ذكرتها تنفعلك حاليا، من اولها الشارجر، إلى الاوريون.
انصحك بسيارة افضل لك وتلبي كل الاحتياجات اللي طلبتها، وخاصة أنك تتعامل مع مسافرين من المطار ولديك مشواير، السيارة هي فورد كروان فكتوريا، وخذ النوع الوسط للاسباب التالية:
1- سعرها اقل من 90 الف اعتقد إنها في 84 الف.
2- سيارة وسيعة ومقبولة الشكل وفخامتها مقبولة ايضا، وسعة التخزين في الشنط عالية.
3- اقتصادية جدا على المسافات الطويلة بشكل لا يصدق.
4- تتحمل المشاوير الطويلة، والطرق الوعرة بشكل افضل من السيارت اليابانية والكورية.
5- مكيفها جيد جدا، صيانة الوكيل للسيارة جيدة، لدى الوكيل الان برنامج ضمان وصيانة ممتد تم تطبيقه، وقطع غيار السيارة متوفرة بشكل جيد جدا ومعروفه لدى اغلب الميكانيكين والورش.
6- النوع الوسط اللي كلمتك عنه فيه الوان جميلة جدا، خذ لون واختار لون من الداخل للفرش فاتح سوف يعيطها طابع جميل واحساس بالفخامة.
اخي الفاضل اعطيتك راي بكل وضوح وصراحة لانك؛ كنت واضح في احتياجك للسيارة واعتقد أنه هذا هو المهم وليس المقارنة بين الشارجر والاكورد والاوريون.
مشاء الله عليك كنت واضح في احتياجك للسيارة وهذا هو المهم، ونصيحتي لك يا اخي الفاضل، ولا وحدة من السيارات اللي ذكرتها تنفعلك حاليا، من اولها الشارجر، إلى الاوريون.
انصحك بسيارة افضل لك وتلبي كل الاحتياجات اللي طلبتها، وخاصة أنك تتعامل مع مسافرين من المطار ولديك مشواير، السيارة هي فورد كروان فكتوريا، وخذ النوع الوسط للاسباب التالية:
1- سعرها اقل من 90 الف اعتقد إنها في 84 الف.
2- سيارة وسيعة ومقبولة الشكل وفخامتها مقبولة ايضا، وسعة التخزين في الشنط عالية.
3- اقتصادية جدا على المسافات الطويلة بشكل لا يصدق.
4- تتحمل المشاوير الطويلة، والطرق الوعرة بشكل افضل من السيارت اليابانية والكورية.
5- مكيفها جيد جدا، صيانة الوكيل للسيارة جيدة، لدى الوكيل الان برنامج ضمان وصيانة ممتد تم تطبيقه، وقطع غيار السيارة متوفرة بشكل جيد جدا ومعروفه لدى اغلب الميكانيكين والورش.
6- النوع الوسط اللي كلمتك عنه فيه الوان جميلة جدا، خذ لون واختار لون من الداخل للفرش فاتح سوف يعيطها طابع جميل واحساس بالفخامة.
اخي الفاضل اعطيتك راي بكل وضوح وصراحة لانك؛ كنت واضح في احتياجك للسيارة واعتقد أنه هذا هو المهم وليس المقارنة بين الشارجر والاكورد والاوريون.
