[مسافِر]

لاحظت صوت في السيارة (( حنة )) بعد ما تتعدى سرعة 120 ******** وهو صوت خفيف لا يسمع الا اذا قفلت المسجل .

الصوت طبعا مصدرة من قدام بس مادري هو من المكينة او من شيئ آخر في السيارة

الصوت هذا ماطلع الا في الفترة الاخيرة بعد ماتعدت السيارة 27 الف كلم تقريبا

قبل كذا مالحظت الصوت ابدا ..

-توقعت يمكن السيارة ماغيرت من الـتعشيق الـ5 لـ 6 والصوت ناتج من ضغط الهوا في المكينة

-نقلت الوضع لسبورت و نقلت للتعشيق الـ6 وانا ماشي 120 والصوت نفسه طلع

-قلت يمكن يكون من المكيف,,, سكرت المكيف والصوت موجود ..!

-آخر شي قلت يمكن عشان قرب موعد الصيانة والصوت يكون نتيجة لعدم تغيير الزيت لمدة 8 الاف ,, على الرغم من ان الزيت يمشي 10 الاف

عموما باقيلي على صيانة 30 الف 2000 كلم في الشركة

لكن

هل لاحظ احدكم هذا الصوت من قبل وبالذات للي سياراتهم تعدت الـ 28 الف كلم؟

تهمني تعليقاتكم وارائكم

لانه من المحتمل انه يكون صوت عادي من زمان في كل سيارات es350 وانا توني لاحظته ..!

او انه فعلا هو صوت غريب و جديد عالسيارة ويستوجب اني اودي السيارة للوكالة قبل موعد الصيانة الدورية 30 كلم .؟

[الهزيم]

لاحظت نفس الصوت حقك.....سيارتي ماشيه 230000 يعني ما صارلها 3000 طالعه من الصيانه وهو تقريبا بعد ال120...

[النووي]

أنا الحقيقه أسمع صوت الحنه أول ماأمشي يعني في في السرعات المنخفضه من أول ماشريت السياره
وكل موعد صيانه أخليهم يفحصونها ويقولون شيء عادي وفعلا جربت سيارتين من الوكاله وطلع نفس
الحنه والله غريبه لكزس وجديده وفيها حنه شيء يقهر يعني الواحد يدفع 160000على سياره فيها هالمشكله
يحس أنه انغبن فيها لكن مواصفات السياره الثانيه تخلي الواحد يتغاضى عن هالمشكله والي موجوده في كل es350

[مسافِر]

الهزيم و النووي

شكرا لمشاركاتكم ,,

لكن والله انه شي يقهر ويغبن بالفعل ,,

انا ما لاحظت هالشي الا بعد مامشيت تقريبا 27 الف كلم

قبل كذا ماكان فيها هالصوت ,, ومجربها في طريق طويل ( مكة - الرياض ) وطول الخط ماكان فيه هالصوت ..

يعني الواحد في الصيانة يدخل السيارة وهو ساكت ,,

[النووي]

الوكالة مثل ما قالي واحد من المهندسين عندهم ماعندهم شيء أسمه تصليح بس يغيرون
وليس بالسهوله الا بعد ما يستقعد لهم الواحد ويصايح عليهم قدام العملاء ويسويلهم حفله في المركز ويوريهم العين الحمراء طبعا ماقالي الا بعد ما اشتكيت له صوت يجي أحيانا عند ما احط القير على R قالي ترا الوكاله ما يحطون ايدهم في شيء الا يزيدون المشكله زياده خاصة زي القير لأن تقنيته عالية وما عندهم مختصين عندهم خبره وخاصة انها تقنية جديدة ...............يعني ارضى بالواقع والا الله يعينك على الطلايب .

[الهزيم]

ربما الصوت كان من الاساس موجود او انه صوت السياره الطبيعي ..بس نصيحتي انا اللي جربتها ونفعت معي جب طبلون السياره مسافه لمدة 15 دقيقه من بعدها حسيت ان الصوت اختفا .....بس توقع وانت مسرع والله يستر عليكم

[مسافِر]

المشاركة الأصلية كتبت بواسطة الهزيم

ربما الصوت كان من الاساس موجود او انه صوت السياره الطبيعي ..بس نصيحتي انا اللي جربتها ونفعت معي جب طبلون السياره مسافه لمدة 15 دقيقه من بعدها حسيت ان الصوت اختفا .....بس توقع وانت مسرع والله يستر عليكم

اخوي مافهمت عليك الطريقة مو واضحة

[الهزيم]

المشاركة الأصلية كتبت بواسطة مسافِر

اخوي مافهمت عليك الطريقة مو واضحة

ههههه...ما عليش قصدي انك تسرع على سيارتك يعني تجيب اخر الطبلون في طريق طويل مدة يعني 10 الى 15 دقيقه ...وارجع واقول انتبه وانت مسرع

[النووي]

لا تعبون أنفسكم الحنه شيء طبيعي في الes 350 لكن تختلف الظروف الي تظهر فيه
مثلا أنا مره يطلع معي أول ما أمشي الصباح وأحيانا ما يطلع ومرات يطلع بعد ماأكون ماسك خط وأحيانا ماأسمع شيء
شيء يحير لكنه طبيعي ويعتبر عيب من عيوب السيارة