اقتباس:
المشاركة الأصلية كتبت بواسطة ولد الحاره
 كوكو مان طيب من جده في اي محل وماتأثر على السياره وكم سعرها آسف على اإطاله |
في جده في محلات كتيرة زي محل شباب التزويد - صاحب المحل محمد الهويدي - قل له انك مرسول من اشرف راعي الكورولا البيضة ال2004 
وهو يراعيك ومحله تلاقيه في شارع التحليه و انت متجه شرق - بعد البيك اللي قدام بنده العزيزية ب 200 متر تقريبا والفلتر الرياضي مرة ما يسوي شي للمكينة الا انه يدخل هوا بارد للمكينة فتنتعش المكينة و تعطي عزم اما البواجي الرياضيه - فما تسوي شي كبير في السيارة اللهم بس انو البنزين ينحرق اكتر من اول والحرارة ممكن تطلع على خفيف لان البواجي الرياضية وظيفتها انها تحرق اكتر من البواجي العادية في محلات تانية طبعا لكن محل شباب التزويد هو اكتر واحد انا اتعامل معاه واذا تبغى اسماء لاماكن تانية عندك السيارة الرياضية اللي في تقاطع التحلية مع المدينة في مركز الحفني عندك كمان كم محل في كيلو اتنين فيه في الاوتو مول كمان اللي في طريق الملك محل ناسي اسمه يبيع قطع تلغيم بس مو كبير لكن انصحك تروح لشباب التزويد عند محمد الهويدي حتى لو عندك اي قطعه هو ممكن يجيبها لك من برا المملكة واسعارو مرة حلوة اسعار الفلتر الرياضي على حسيب الشكل والطول لكن الاسعار راح تكون حوالي 250 الى 400 ريال تقريبا و لا تنسى انو في اغلى من كده في فلتر ب 700 ريال لكن ما يركب الا على السيارات الكبيرة زي الجمس و المرهم اسعار البواجي كمان مختلفه على حسب نوعية البوجي في بواجي ب 30 ريال للبوجي وفي بواجي ب90 ريال للبوجي طبعا راح تلاقي بواجي ب 70 ريال - هادي مرة ممتازة تقبل مروري
المواضيع المتشابهه للموضوع: وين احصله 
