[أبو زهيرة]

يا جماعة الخير ..

بالنسبة لعملية البيع ..

إذا صلحت لي السيارة في المعرض المعتمد التابع للوكالة (موزع) وبغيت اشتريها ، بس قالوا لي نجيبها لك من جدة بعد ثلاثة ايام عشان اللون اللي طلبت غير موجود

هل العادة يطلبون كامل المبلغ أو عربون حتى التسليم ؟؟

وش الطريقة والاجراءات المتبعة في ذلك ..

[الخل الوفي]

إذا كانت السيارة موجودة في السعودية لكن يطلبونها من جدة، يأخذون كامل المبلغ. لكن إذا كانت ما جات من بلدها إلى الآن، ما يأخذون أي شيء، ولا حتى عربون.

[أبو زهيرة]

جزاك الله خير ...

[أبـــو عـــزام]

ألف مبروك مقدماً

الله يعطيك من خيرها ويكفيك شرها

أسمع وأنا أخوك فيه شي اسمه أوراق ومستندات وإيصالات

للحجز: يأخذون عربون 500 أو 1000 ريال حسب ما تعطيهم أو يشرطون عليك وعند تغيير رأيك يروح عليك العربون

للشراء: وهي أن السيارة تكون موجودة لديهم ولم يشتريها أحد سواء في الرياض أو جده أو أي مكان في السعودية فعندها تعبأ الأوراق ويتم تصوير بطاقة الهوية وغيرها من الإجراءات وتستلم عند ذلك إيصال بالمبلغ المدفوع كاملاً

الله يوفقك والجميع

سلام

[أبـــو عـــزام]

على فكرة الشحن يكون عليهم ولا تدفع ولا ريال زياده

[أبو زهيرة]

جزاكم الله خير ..

وهذا ما حصل أخذوا مبلغ مقدم ..

والسيارة على الأربعاء غدا تصل إن شاء الله ..

وقد سلمتهم كامل المبلغ بعد العربون بيومين ..

[أبـــو عـــزام]

الله يطرح فيها البركه ويكفيك الشر والحسد

بالتوفيق لك وللجميع

سلام

[متفائل بن فال]

مبروك . الله يعطيك خيرها ويكفيك شرها

[يو أس بي]

ما شاء الله بكم أخذتها ...........

ووين .؟؟؟

ارتفعت الاسعار .......الله يكفينا شرها