[طالب مطفوق]

بسم الله الرحمن الرحيم
ياشباب والله احترت ودخت وطلع لي قرون (ههههههه) من كثر وأنا أفكر حتى نص شعري راح فيها من كثر وأنا أحك راسي..
دوختوني والله ..
واحد يقول في طقه في القير وواحد يقول يحترق وواحد يقول مافي تانكي احتياط وواحد يقول ما يمسك فرامل..
ياشباب أنا والله بغيت أبطل وأشتري 2006 نفس إلي كان معاي..
لكن قلت أبي أستشير وعلى ما قالو ماخاب من استخار وماندم من استشار (هي كذا ولا لا هههههه)
فأبيكم يا شباب
تعطوني مواصفات لاندكروزر 2008 G + Gx-r
من ناحية
المميزات والعيوب والأسعار...
للمعلومية أنا مزاجي مزاج شايب ... يعني ماحب الزبرقة الزايدة...
تكفون ردو علي..

[بنت الخران]

مرحبا اخي الكريم


بتحصل جميع مواصفات الكروزر 2008 السعودي على هذا الرابط

طھظˆظٹظˆطھط§ ط§ظ„ظ…ظ…ظ„ظƒط© ط§ظ„ط¹ط±ط¨ظٹط© ط§ظ„ط³ط¹ظˆط¯ظٹط©ظ„ط§ظ†ط¯ ظƒط±ظˆط²ط± 200

[الكميم]

حياك الله بين اخوانك
==
بالنسبه لتخوفك من الكروزر الجديد 2008

هذا الموضوع أضمن لك انه يعمل ( FORMAT ) لتخوفك

الحمد لله المــوتـر ماشي الى الأن اكثــر مــن 160000كـم(تم تغير الجير)

الله يعينك

[السياغي]

عزيزي لاتخاف من ناحيه الموتر انا اضمنه لك واضمن انك بترتاح بعد شرائه وبتشكر فيه للصبح

[حسونه]

حبيب قلبي
لا تخاف ولا تحاتي
هذا طال عمرك السفير الياباني بشحمه ولحمه
وكل الكلام إلى أنت قلته صحيح عدا الاحتراق + مسكت الفرامل
هذى الله يسلمك قضاء وقدر
واذا عنك استطاعه خذ الجي أكس آر 8V

[عمر محمد]

توكل على الله وخذ v8 ممتاز جدا مشاء الله علية فرق كبير بينه و بين الموديل السابق من واقع تجربة

[شبعان]

نصيحة لوجه الله لا تاخذ اللي كأنه أيسوزو
خذ واحد 2007 وريح بالك

[اسرجتها]

هلا باخي طالب مطفوق. بغيت اسئل كم شعره باقي في راسك لان انا كل الشعر اللي في راسي راح حتى شعره وحده مافيه هاهاها
على العموم انا كنت في وضع زي وضعك محتار ما بين وبين وفي النهايه قررت استجار اثنين وجرب واشوف ايهم انسب لي وفي النهايه قررت اخذ لي 2007 ماهو ذم في 2008 بس انا ارتحت اكثر لل2007 فنصيحه مني لك استاجر لك واحد وجربه وبعدها الله يهديك لخير العمل.
اخوك/ اسرجتها