[عذاب قلبي]

بسم الله الرحمن الرحيم ,,,


عندي استفسار ,, لكم ,,,, الي موجودين بقطر والي خارج قطر ,,


اناا عندي لاندكروزر جي اكس 2001 ابي اركب فيه مثبت سرعه لاني مساافر شهر 7 فيه ,,,

ابي اعرف من وين اركب وكم سعره ,,, يااليت لو تجااوبووني واشكركم جزيل الشكر ,,,

[عذاب قلبي]

شدعووووه 30 واحد ولا حد رد علي ,, وين اهل الفزعه ,,,,

[العزيز]

لانه اكيد محد عرف يالغالي

في قطر ماخبر حد يركب

اذكر كان في موضوع لاحد الاخوه من السعوديه انهم يركبونه في الدمام او جده بمبلغ بسيط بس ناسي والله

بس تبي الصج اشوف مايسوى لانه فيها تقصص وايرات وكهرباء يمكن يخون بك المثبت لا سمح الله والسموحه علي القصور

[عذاب قلبي]

تسلم يااعزيز ,,, بس بالوكاله يركبووون ,,, وهل في بالحساء اذاا مافي بقطر عشاان اركب ,,

[العزيز]

دام وكالتنا يركبون عيل ركبه في وكالة التويوتا بالسعوديه اتوقع ارخص وانت اسأل عن سعر الدوحه ووقت التركيب واسأل بالسعوديه لتقارن بينهم

موفق اخوووي

[عذاب قلبي]

تسلم اخووي العزيز على المعلووماات وفكرتك حلووه ,, وبسووويهاا انشا الله ,,

[عبدالعزيز السيد]

نصيحتي لا تركب مثبت سرعة وخل موترك شد وكالة
لانه سستم بالكامل
وبعدين مستحيل تمشي طول الطريق وانت حاط مثبت السرعة لان هناك تريلات وشاحنات وسيارات اخرى

[عذاب قلبي]

تسلم ياعبدالعزيز بس المثبت السرعه اريح في السفر في طرق بالسعوديه ثلاث مسااراات لاكن طريق رايح جاي محد يشغله ,,, اناا ابوي عنده في اكس ار ,, رحت على طريق الخو فيه وشغلت مثبت السرعه والله ارتحت لما شغلته بس خليت يدي على السكان وبس ,,, يعني ماافيه اشيااء مضره وبعدين اذاا دست بريك يفصل المثبت ,,,

[راعي الاستاندر]

انا أعرف مكان في الدوحة

[عذاب قلبي]

وين ياارااعي الاستااندر اي مكاان ,, وشسمه ,,

[راعي الاستاندر]

اتعرف لما تطلع من طريق سلوى اللي على طول يوديك الدوحه صوب تقاطع رامادا

بس وانت رايح طريق سلوى او ماتدخله بتلاقي محطة التيسير

ووراها مغسله ومحلات وايد في من بينهم محل زينة السيارات هذا على ماظن عندة لاني رحت مع واحد من الشباب
وكان عنده مكسيما موديل 97 وركبله بس مادري بكم واذا اصلي او تجاري مادري بس للحين اللي عنده يشتغل وما اخترب

بس يمكن ما اضن عند حق كروزر بس يمكن ما في اختلاف

[عذاب قلبي]

اااي عرفت ياراعي الاستاندر المحل ,, تسلم ومااقصرت .... بشووف برووحلهم ,,,

[عبدالعزيز السيد]

المشاركة الأصلية كتبت بواسطة عذاب قلبي

تسلم ياعبدالعزيز بس المثبت السرعه اريح في السفر في طرق بالسعوديه ثلاث مسااراات لاكن طريق رايح جاي محد يشغله ,,, اناا ابوي عنده في اكس ار ,, رحت على طريق الخو فيه وشغلت مثبت السرعه والله ارتحت لما شغلته بس خليت يدي على السكان وبس ,,, يعني ماافيه اشيااء مضره وبعدين اذاا دست بريك يفصل المثبت ,,,

ما في وجه مقارنة
طريق الخور ممنوع دخول الشاحنات
اما
طريق السعودية
الله يكثر من الشاحنات

[عذاب قلبي]

صحيح كلام ياعبدالعزيز بس الواحد لازم يحااسب ...

[عبدالعزيز السيد]

يعني في بعض الناس مركب كروس كونترول
ولا يفصله من الطريق
ويظهر شجاعته في الطريق بالتجاوز في حصى او شارع ثاني ولا يضغط على البريك
والسبب انه مستعمل كروس كنترول على كلامه
هذا الخطر بعينه

[عذاب قلبي]

والله يااعبدالعزيز اناا مااعرف بسوالف المثبت بس اناا استعملته ولماا ادووس بريك يفصل لاكن الي يسووي كذاا ويسووي فيهاا انه يعرف يسووق هذاا لمصلحته ,.,,

[محمد عيسى]

انا معك اخوي المثبت مريح في الطرق الطويلة وجربته عن طريق الرياض وطريق المدينة المنورة بس اذا في الطريق زحمة سيارات لا انصح باستخدامه ، وللمعلومة اذا بتركب حاول انه يكون في الوكالة ومضمون مائة بالمائة لانه لا سمح الله ما فصل معاك وانت ماسك البريك راح يسبب لك حادث وثاني شغله له علاقة بكهرب السيارة راح يقطع اسلاك ويسبب لك مشاكل في كهرب السيارة