[سيرجيو راموس]

سلام

اخباركم

ونقول هارد لكم في التجمع اللي بالرياض والجايات اكثر

ع العموم ندخل بالموضوع :

الاسبوع الماضي كنت بالرياض

ياحبي للرياض . بس اكثر شي يرفع ضغطي بالرياض ويكرهني فيه المطبات

الظاهر انها تتكاثر عن طريق الولادة تجي مع الشارع مافيه مطبات ترجع مع نفس الشارع وبنفس اليوم تلقى عقم مو مطب .

المهم وانا جاي مع شارع قريب من الاستاذ الا وذاك المطب ... دردب

ويوم اكلت المطب <***** ليش شاورما

الا واسمع طقة تحت القير بالظبط واتوقع ان القير ضرب بالعقم قصدي المطب

من بعدها احس ان تبديل القير اختلف عنه قبل يعني كأنه صار ثقيل شوي

مايبدل بسرعة يعني يوصل الضغط الى الاربعة او اربعة ونص

هذا اذا كانت الدزه ماهي قويه يعني مو مثله قبل

اذا عندكم حل او فكرة او خبره بهالامور

لاتبخلون علينا

[نبضي الكامري]

الله يعينك والله كل مدن المملكة كيذا إن سلمت من أكلت المطب حكيت فيه يعني شر لا بد منه ..

نصيحتي رح الوكالة بأقرب وقت ..

[سيرجيو راموس]

نبضي الكامري حياك ربي ومرورك شرفني

وتسلم ع النصيحة

[عاشـــق اللاند]

والله ياخوك بدون تفكير طير فيها الوكاله وسو لها فحص على الضمان ولاتقول انك ماكل مطب قول السياره مدري شفيها وعطهم العين الحمرا

[كامـ دحوم ـري]

بس قبل لاتروح الوطالة شوف فيه اثر طقات بالسياره ولا لا

عشان مايكشفون انك ماااااااااااااااااكل مطب

[سيرجيو راموس]

عاشق & كامري دحوم

يعطيك العافية ومشكورين لكن بالنسبة للفحص اللي على الضمان كم اعطيهم لأني ساحب عليهم من العشرة الاف

والحين السيارة ماشية 40000

وبالنسبة للسيارة دحوم مافيها اثر طقات ولاشي

[عاشـــق اللاند]

انا مره كليت مطب كبير جدا والله ماكنت منتبه وكنت مسرع كنت ماشي اكثر من 80 وصراحه توقعت ان السياره يبي يصير فيها شي وعلى فكره يوم كليت المطب السياره طارت فيني شوي لكن ربكم ستر وسويت فحص بعد فتره وكل شي سليم

[ابوشامه]

مثل ماقالو الاخوان


رح للوكـألـه ولاتقول اتك اكلب مطـب

وربك يعينك يالغلا

[سيرجيو راموس]

اشكر الجميع على مرورهم ومشاركتهم

ولكن ماجاوبتوني انا ساحب على الوكالة هل يلتغي الضمان

[أبـوفـيـصـل]

يا خوي إذا كنت ماشي على الزيت واجد فهاذا يأثر على الدزه

[الــمــســافــر]

الضمان ماشي حتى 60 الف او 3 سنوات

مالهم دخل انت تسوي صيانه ولا لا

على فكره صيانه (الاكورد ) كل صيانه يركب جهاز كمبيوتر للتشييك على برمجه كمبييوتر المكينه والقير

يعني يشيك على تبديل النمر بالقير هل هي بالمستوى المطلوب ولا يعيد برمجتها

فمن الممكن ان تكون المشكله بالبرمجه فقط نتيجه المطب اللي انت اكلته ولا سميت

[سيرجيو راموس]

يمال العافية والله

والف شكر لكم

[وسام]

الله يعينك سوي صيانه والله يستر

[الغزال الجريح]

لا مايلتغي الضمان

اخوي في الاوريون سحب عليهم الين يوم شافني دخلت سيارتي الكامري على صيانه الـ 1000 كيلو

قام دخل سيارته على 10.000 كيلو

وسوا له الفحص بشكل طبيعي

ونصيحتي الوكآآآآآآآآآآآآآآله

تقبل تحيآتي ,,

[كـ ا قـ]

الله يجيب العواقب سليمه

[كمر اركب ياقمر]

هالطريقه كانت تصير معـــي
بس ماطـــولت ولله الحمـــد ..
كانت تعطي من نمره لنمره تحس ان السياره تبي تسابقني بطير منها ..
بس بعد ثلاث ايام او اربع ايام
ماصــرت أحس فيها ..

مدخل نصاب :-
لاني مركب جهاز يبرجم اي شي يخرب
وذا في شي خربان ويحتاج لقطع غيار
فيه صناعيه في الجهاز يجيب لك كل شي ويغيره
مخـــرج أكبر نصاب :
باي