[ابراهيم سبعة]

السلام عليكم
ان شاء الله على بكرة وهو يوم الأحد الموافق 1 / 6 / 2008 سأستلم سيارة الاوريون فول ابشن من معرض الخليج للاستثمار في البحرين

هي فول ابشن لونها ابيض بدون جلد وبدون شاشة ..

عموما هذه أول مرة أشتري فيها سيارة جديدة لذا أتمنى الحصول على نصائحكم بخصوص استلام هذه السيارة ما الذي يتوجب علي فحصه والتأكد منه ...

علما بأني لاحظت أن صنع السيارة كان في شهر نوفمبر من العام الماضي وموديلها هو لسنة 2008 وبالتالي هل لهذا التأخير من تأثير على قطع السيارة ...

كذلك ما هي القطع الاحتياطية التي تأتي مع السيارة ( من عدة ومطفأةة حريق وخلافه ) لأكون حريصا على استلام كل ما يمكن .

أرجو افادتي وشكرا

[عبدالله ا]

اول شي مبروك على السيارة

ثانيا انا شريت فل اوبشن مع ملاحة وكامل ومشالله ولا اروع السيارة

فا اتوقع انك ماراح تغير عن الاوريون

بس تاكد اول شي اخوي من صوت القير والديكور اهم شي

لان اتوقع ان الشغل كامل ان شاء الله

ولاتسوي شي على السياره من ازاله السيفتي الا لما تتأكد ان كل شي اوكي علشان ماتطيح الكفاله

ثانيا اتوقع انك ماراح ترتاح من صوت حزام الامان لانه مزعججججج

شيله نفس ماشلته اانا اول يوم طلعتها من الوكاله

وخلهم يشيلون بعد السيفتي حق الديفيدي

وبعدها استمتع

ومبرووك

[بلحروووز]

وعليكم السلام و رحمة الله و بركاته

مبروووك و يعطيك ربي خيرها و يكفيك شرها ان شاء الله

بالنسبة للموضوع .. تأكد من التالي

شنطة الاكسسوارات .. الاستبنة .. العفريتة .. ايضا لا تنسى ان تتأكد من عبوة الطلاء الخاصة بلون السيارة و راح

تحصلها بالدرج الامامي .. عدد 2 ريموت كنترول .. هذا اللي ببالي حاليا

تحياااتي

[اوريون الشرقية]

زيادة على الي اضافوه الشباب ضلل القزازة الامامية 00 شفاف عشان ماتنعج وتحبب وركب حماية شفافة على اللمبات والكشافات واذا تبي تضلل ضلل 02,,,,,

[ولد التحليه]

إضافةً على ما ذكروه الأخوان

نفاخ الهوا للكفر ( التاير )

[عين بوظبي]

لا تنسي دعاااااااااااااااء ركوب السفر ولا تنسا شريط القران ولا تنسي بعد قراءة المعووووووووذات


والله يعطيك خيرها ويكفيك شرها وعقبالنا

[ياليل دان]

عالبركه اخوي ، الله يعطيك خيرها و يكفيك شرها

انا مُقبل على شراء أوريون .. لكن الحقيقه فكرت اذا كان السعر يختلف

بين مايوجد بوكآلة عبد اللطيف جميل .. و اسعارها في البحرين و الأمارات ..

إذا عندك خلفيه عن هالأمر ياليت يالغالي تزوّدنا على الأقل بالأسعار

في المعرض اللي بتشتري منه .. أو سعر السياره حقتك تحياتي لك

[مدلع الكامري]

مبــــــــــــــــروووووووووووووكـــــــــــ ربي يعطيك خيرهــــا ويكفيك شرها