[القلم الاحمر]

تحية طيبة الى كل اعضاء وزوار منتدانا الغالي وبعد

حبيت اخذ رايكم في شغلة وهي ان سيارتي كامري 2007 قير اوتو ماشية تقريبا 45000 وتقريبا بعد 10 ايام تكمل السنة معاي والحمدلله بدون اي مشاكل ومرتاح مع سيارتي والحمدلله

ولكن اللي ابغى اخذ رايكم فيه ان علمي بصيانة تويوتا هي صيانة ال 15000 وبعدها كل 5000 عند اقرب بنشري زيت وسيفون وبس

وبعد ماكملت سنة معاي قلت باوديها الوكالة واسوي لها صيانة شاملة
المهم رحت للوكالة وقابلت المهندس وشرحت له الموضوع قال لي جب سيارتك بكره الصباح ونسوي لها الصيانة مقابل 1650 ريال شاملة القطع وكل شي
ويقول القطع هي السيور والبواجي والزيت والسيفون واشياء ثانية

المهم اني تعجبت من السعر وطلعت وخليته

سؤالي لكم وش رايكم في اللي صار هل اودي سيارتي عندهم وادفع المبلغ

او اوديها برى عند اي محل ( في الدمام ) ويسوون لها الصيانة

او ممكن تقولوا لي وش الاشياء الضرورية اللي ممكن اغيرها في سيارتي بعد 45000


ومشكورين مقدما واااااااسف على الاطالة

[عاشـــق اللاند]

اخي لازم تبدل الدسكات والفحمات وتشيك على الكفرات وتربيط للسياره المفروض يكون كل 10 الاف كيلو الله يهداك انت مهمل الموتر وانصحك قطه بالوكاله لان برا راح يلعبون فيه ولاتطيع كلام احد يقولك وده بنشري صدقني هذا الشخص مو هامه لانك انت شاري السياره موديل السنه واذا تبيها تدوم اهتم فيها وقط كم درهم حتى تعيش معك وانت حر

[كامري الهتم]

اخوي 1650 والله مره كثير

يعني بعد كم شهر كم بيقولن 2000

وهلم جرا

[# الساحوت #]

والله يا حبيبي انا زيك حدي في الصيانه 20000
وكل 5000 اخر عندهم زيت وسيفون
ويوم وصلت سيارتي 35000 قلت خلني اوديها الصيانه
المهم وقالي سعر خيالي زيك بس طلع الرجال كفو وقالي يا اخي سوي لها تشيك بي 250 لاسمح الله
يطلع فيها شي بيقولك الفلبيني قلت طيب وقعدت عندهم قرابت الساعتين وطلعلي الفلبيني قالي ميه ميه والحمد لله

يعني بالعربي روح وسوي لها تشيك عندهم
ودامك تغر الزيت بره ايش افضل انواع الزيوت

[ولد المدينهـ]

والله ماادري ياشباب انتوا مره مهملين الموترات حقتكم

والله عني انا اودي موتري الوكاله كل خمسة الاف كيلو حق تغير الزيت

وسيارتي ماشاء الله ماشيه 17000 وموديها 2008

بي لما قالولي لما تدخلها صيانه الـ20000 راح تدفع حول الـ 650 ريال صح السعر هذا

[القلم الاحمر]

والله الظاهر زي ما قلت شكلها باوديها الوكالة وتشييك ب 250 ريال

بالنسبة للزيت والله اني ماشي على نفس زيت الوكالة وهو زيت تويوتا

وبالنسبة لصيانة ال 20000 تكلفك تقريبا 750 ريال

[وسام]

المشاركة الأصلية كتبت بواسطة ولد المدينهـ

والله ماادري ياشباب انتوا مره مهملين الموترات حقتكم

والله عني انا اودي موتري الوكاله كل خمسة الاف كيلو حق تغير الزيت

وسيارتي ماشاء الله ماشيه 17000 وموديها 2008

بي لما قالولي لما تدخلها صيانه الـ20000 راح تدفع حول الـ 650 ريال صح السعر هذا

ياخوي واحد من الزملاء مسوي لسيارته صيانه40.000الف كيلو متر
وشيك عليها في الوكاله 280ريال وغيرو له فحمات الفرامل على حسابه الخاص
ومسحو له الهوبات والتركيب على حساب الصيانه
هذولا بيسرقوا والا وشو سوي صيانه ولما يقول لك فيها شيئ صلح ولو مافيها شيئ لاتقط فلوس صيانه وفي الاخير مايسون فيها ولا شيئ واذا غيرو فيها شيئ قاموا غيروه وهو صالح والله جرام

[ابو اسماعيل]

السلام عليكم أخوي تبي نصيحة أخو أنا كان معي كامري وأكثر الناس اللي أعرفهم معهم كامري مستحيل تخرب الكامري حتى لو تكرفها ياخي شف اللموزينات موديلها 2003 ومشيها 700000 وزي العسل خلك على الزيت والفحمات وزيت القير وبعدين باين عليك سنة وماشي 45000 يعني شكلك مشاويرك قليلة أنا مشيت الكامري 110000 ألف في سنة ولا خرب فيها شي وابتعد من بن جميل صدقني إنك الرابح وبعدين ترى أنت معك كامري مهوب بانوراما ولا بي أم دبليو ولا لكزس والله أقول لك تابع مع الوكالة لأنها سيارات حساسة وإذا فتحت فمها الله يعينك تكب في بطنها ولا تشبع
وآسف على الإطالة