السلام عليكم
اخواني سبق وقلت لكم راح اركب جنوط وبأذن راح اركب
لكن للاسف تجري الرياح بما لاتشتهي السفن
انا كلمت الاخ العزيز الغالي ملفت الانظار كنا ناوين ناخذ الجنوط من واحد بالمنتدى وكانت عباره عن طقم 5 جنوط مع كفرات بمبلغ الفين ريال
ولكن انا قلت خلني اشوف الجديده وطلعت 4 جنوط جدد بالكرتون ب1700 ريال قلت للاخ ملفت خلاص توكل واشتري والله ياجماعه كنا واصلين مرحله الشراء لكن الموظف قال لنا لازم تنتظرون يومين لين توصل الجنوط
وظهرت عندنا مشكله الشحن
كان سعر شركه الdhl لل10 كيلو ب800 ريال
وكان سعر الارمكس لكل نص كيلو 250 ريال
وكان سعر شركه النقل الجوي السعودي 45 كيلو ب300 ريال
ولكن انا فكرت فيها بيني وبين نفسي 1700 + 300 ريال تساوي 142 دينار كويتي وانا رابح والسعر ممتاز جدا
لكن انا مستعجل جدا ولا ابي اكلف الاخ ملفت والى الان مفكر اطلع الخفجي بكره الظهر او اللي بعده
لكن عندي سؤال للاخوان من الخفجي او من الممكله عامه فيه احد يقدر يتواصل لي مع شركه عبداللطيف بالخفجي ويتأكد لي هل الجنوط موجوده وبكم سعرها واكون شاكر له جزيل الشكر
وبأذن الله هاليومين راح اسافر واشتريها ولا ابي اكلف على الاخوان ملفت و الاخ اسير الذكرى
انا كلمت اسير الذكرى وقالي ماعرف شركات شحن واذا تبيها انا اجيبها ولكن وزن الجنوط ثقيل وراح يسبب له زحمه وبصراحه مابي اعنيه
واكرر مفكر اطلع للخفجي وابي احد يتأكدلي من الاسعار ومن الكميه وانا راح اشبك بكره الظهر قبل السفر واتمنى اجد الجواب الشافي والاكيد
اخوكم خالد
