[بوغزلان]

السلام عليكم
تكفون يا شباب ... انا مستني كامري برتقالي من الفطيم...
بس كثار قالولي اللون مب حلو عل كامري!!!

شو نصيحتكم ؟ و ايش احلى لون للكامري
واللي عنده كامري أسود .. يقوللي لو حلوة و ما يبين عليها الخدوش .. و لو حد فتح الباب عليها و خبطها يصير اللون أبيض ولا لأ.. أقصد اللون التحتي للهيكل أبيض !!

و مشكورين . واسف عل اطالة

[كـ ا قـ]

?افضل لون من وجهة نظري الابيض تقبل مروري

[عاشق الاند.]

اللون المفضل والمريح هو الابيض

[كامري أبيض]

مايبيلها .. ملك الألوان الأبيض .. ويأتي بعـده الأسود ثم اللون الجديد للكامري ..

[بوغزلان]

مشكورين يا الطيبين على الردود ...
الابيض حلو .. و لو انخدش يطلعلي تحته ابيض ولا اسود تحت الصبغ ؟

[كامري أبيض]

يطلع لونه أسود ..

[بوغزلان]

هذا اللي مو مشجعني .. ترى الزحمة هنا فكل مكان .. حتى باركن البيت زحمة !!1
و اكره الخدوش اللي لا مهرب منها .. الا باللون اللي ما يبين عليه

[ي س م]

نصيحه شوف لك اي لون غير الاسود

انا سيارتي سودا

الخدوش بسرعه تبين والغبار و الاوساخ

وغير هذا انت بالخليج يعني شمس

والله يكتب لك اللي فيه الخير

[نبضي الكامري]

الأبيض : الأفضل والأبيع

الأسود : رهيب وملكي بس بسرعه يتوسخ

الفضي : مناسب ومتامشي مع الإكسسوارات والزوائد في حالة التركيب

الزيتوني أو الذهبي : ابداع ويعطي أكثر من لون في أوقات مختلفة لأنه خليط بين الفضي والذهبي ( ميكا 4 ) بس إذا se ما ينفع وجهة نظر

باقي اللالوان برتقالي وبنفسجي وبحري نشاااااز وجهة نظر

[الكامري الؤلؤيه]

اخووووووووووووووووي الابيض وبس والله رسمي ومايتوسخ وبالنسبه للخدوووش لا يهمك والله انه كوووووووويس وتقبل مرووووري اخوك الكامري الؤلؤيه

[كامري الهتم]

اخوي عندك الالوان الجديده مره حلوه

ونصيحه لوجه الله أبعد عن الأسود صحيح أنه حلو فخم لكن والله معاناه

[عاشـــق اللاند]

والله لو تبي نصيحتي فيه لون بنفجسي عجيب ماشاء الله او الزيتوني

[شاكوماكو]

ابيض و انا اخوك و ارفع يدك

الابيض ملك الالوان

و خصوصا على se دلع

و الي يقول لك تكسي (( قول له الي ما يطول العنب حامض عنه يقول ))

وربي ان الابيض اطلق لون على الـ se


و بالنسبة للخدوش و الابيض يجيك فضي مو اسود (( اسود بس في الصدمات ))

اما الاسود على طول خدوش المفاتيح تبان و اي خدش يبان لونه فضي مو اسود



احترامي

شكشك

[ياسر الكاسر]

شوف الكامري الجديده كل الالوان حلوه بس الاسود غير يعطيك لمعه مو طبيعيه صح انه يتوسخ بسرعه بس يستاهل
لون فخم اقوى لون تبان عليه اللمعه واذا كنت ماتبي الاسودخذلك فضي لون ممتاز

[ولد المدينهـ]

والله يالحبيب انا عندي كامري 2008 لونها ابيض

والله الحمد لله مايبان عليها الوسخ ابدا

ويارب لك الحمد مره مريحتني والاوساخ ماتبان عليها ابدا

والاسود مره متعب وكل شي يبان فيه وغير كذه في الحراره يسحب حراره اللون الاسود زي مهو معرف عند الجميع

والله يبارلك ياعسل

[الكميم]

المشاركة الأصلية كتبت بواسطة نبضي الكامري

الأبيض : الأفضل والأبيع

الأسود : رهيب وملكي بس بسرعه يتوسخ

الفضي : مناسب ومتامشي مع الإكسسوارات والزوائد في حالة التركيب

الزيتوني أو الذهبي : ابداع ويعطي أكثر من لون في أوقات مختلفة لأنه خليط بين الفضي والذهبي ( ميكا 4 ) بس إذا se ما ينفع وجهة نظر

باقي اللالوان برتقالي وبنفسجي وبحري نشاااااز وجهة نظر

==
ما شاء الله عليك أخوي ( نبضي الكامري )

[كامـ دحوم ـري]

ابيض ولاتشاور