[مزالي]

طبعا أنا أرى أن المقارنة هذه غير عادلة ، ليه ؟ لإن سيارتي الفورتشنر جيب شكلا ومضمونا بينما السيارة التي سأقارنها معها جيب شكلا بخلاف المضمون ، ولا يزعل علي ملاك تلك السيارة لإن المقارنة هي من جانب واحد فقط بينما هناك ميز وكثيرة تتميز بها تلك السيارة ..
السيارة هي فورد إكسبلورر2006فل . لا شك إنها سيارة مريحة وفيها ميز كثيرة جدا مثل الفتحة وأربع أكياس هوائية وباب أرقام وكنمبيوتر بجميع اللغات وعدد 9 فتحات للمكيف وووو

المهم رحت بسيارتي الأكسبلورر البر - الطعوس - والكفرات كان فيها 30 وأول ما قلت سلام يا رمل قالت السيارة هذا مكاني وللأسف كان في معية سيارتي لاند وسفاري وهايلكس يعني فشلني عندهم مع العلم إني حليو في البر يعني أعرف أسوق في الرمل ومشغل الدبل الخفيف نزلت من السيارة فورا ونسمت الكفرات إلى 15 ، ومشيت زي اللوز ولكن ربعي ما نسمو كفراتهم ، ومشيت أتندح على الطعوس ولسان حالي يقول مال السيارة أي عذر الكفرات فيها 15 لوها ميركوري كان يمشي ، ما أخفيكم سر أحبطت أيما إحباط . مع أن الطلعة كانت في الشتاء والرمل شاد .

راحت الأيام وبعت السيارة وأنا أقول ماني لها ولا هي لي ولا أدري وشلون شريتها ، وشريت النمر ورحت للطعوس والكفرات فيها 35 والجو حار يا جماعة الخير دخلت من غي دبل وما شغلته إلا يوم نزلت من طعس كبر العمارة . ولو إني خفت أتعلق كان ما شغلت الدبل .

أي نعم إني ضحيت بميز كثيرة وراحه و..... ، لكن أهم شي إن الواحد يشوف حاجته في السيارة ويش ويشتري السيارة اللي تتماشى وحاجاته .

وكلامي هذا ليس إستخفافا أو تنزيلا من قدر الإكسبلورر أبدا ، بل إنها سيارة حلوه ومنتشرة مع العالم وأنا سافرت فيها ولا أروع منها في السفر ، لكن في الطعوس القاسية والملمات الصعبة قد تخذلك .

وأنا أشوف الفورتشنر ما فيه ميز أبد ، بس فيه جوده ومكينة تبرد القلب وهذه حاجتي .


مجرد رأي خاص
مزالي

[نيازى]

و اللـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــة صدقت

[مزالي]

لا هنت،،،،

[قويدارد]

حبيت اشاركك اخوي في الموضوع لان سيارتي اللي قبل الفورشنر هي اكسبلورر 2002 فل اوبشن ماشاء الله تبارك عليها سياره ولا احلى في السفر كانك مسافر بطياره وواسعه ومكيفها ماشاء الله ولاتقارن نهائيا بالفورشنر سواء داخل المدينه او من ناحية الديكورات الداخليه وماجربتها في البر ابد

داخل المدينه الاكسبلورر افضل بكثيييييييييييييييييييييييييييير!
اما في الطعوس ماجربتها

ولكن مشكلتها بعد 5 سنين او لاقربت ال 200 الف كيلو الله يعينك كل شهرين في الوكاله وجهز الف ريال!!!!

[رنديفو]

بارك الله فيك اخوي مزالي على وقائع التجربة وذكرها للفائدة العامة

[مزالي]

شكرا جزيلاً على مروركم

[صاحب الفورتشنر]

طيب اخي الكريم ابقولك على منظر بصراحه تعجبت منه
ويمكن احد الأخوه شاهد المنظر
بطعوس الثمامة قبل جمعتين تقريباً شاهدت فورد كراون فكتوريا موديله تقريباً من 2000- 2005
يطعس في الثمامه طلوع ونزول ووالله يا جماعة الخير انه يعدي من محلات تغرز فيها الجيوب وانا وشباب معي ضحك على هذا المنظر واللي قاهرني أنه يمشي على اقل من مهله وصوت المسجله على الأخر .

[مزالي]

أي سيارة تنسم كفراتها يسوقها واحد طارة يعرف زين يتصرف مع الرمل ولا يدخل في دروب متعلفجة من الكفرات وقوي قلبه ، بيمشي بشرط ما يوقف إلا وهو متساوي ما عنده مشكله ، والعكس صحيح واحد عليمي معه ربع تويوتا ولا يعرف يسوق في الرمل ولايحسن التصرف يتورط ويتلخبط وتضيع علومه .

[متفائل بن فال]

صحيح هي تعتمد على السواق بالدرجة الأولى , حيث شاهدنا سيارات صغيرة كالكامري والكابريس تدخل الرمال رغم انها غير مرتفعة وليست ذات دفع رباعي وأنا سبق لي أن دخلت عدة مرات بسيارة صغيرة لأماكن تغرز فيها السيارات المرتفعة لكن عليك أن تتحمل العواقب من أعطال ميكانيكية وتآكل الكلتش و كسر و خدوش في الصدام فضلا عن العكوس إذا كانت دفع أمامي , وعلى العموم يعيب الفورد وزنه الثقيل ومحركه الضعيف مقارنة بوزن الفورتشنر ومحركه .

[عاشـــق اللاند]

ومحركه الضعيف مقارنة بوزن الفورتشنر ومحركه

عفوا اخوي متفائل محرك الفورد 4 لتر ومحرك الفور 4 لتر

ولكن الفرق بالوزن له دور وانا ارى ان الفور احلى من الاكسبلور

[متفائل بن فال]

هلا بأخي عاشق اللاند , ماشاء الله عشاق اللاند في هالمنتدى كثيرون
على ما اعتقد أن عدد الأحصنة أقل في الأكسبلورر . وبحكم تجربتي للسيارة الأمريكية واليابانية أنا أشوف أستجابة المحركات الأمريكية أبطأ من اليابانية وأكثر ضجيج عند الدعس عليها لأخذ عزم على عكس سرعة استجابة وهدوء المحركات اليابانية خاصة تويوتا وبخصوص الوزن , المعروف أن هيكل السيارات الأمريكية بشكل عام ثقيل وقوي على عكس السيارات اليابانية وبالخصوص الغير مصنعة في اليابان فتجدها أخف وزنا من اليابانية كالفورتشنر والهايلوكس فهيكلها (الشاص) أضعف والبودي كالابواب والرفارف أخف فهي من ناحية السلامة سيئة نسبيا على عكس السيارات الأمريكية والأوروبية والألمانية .

[لا تنسى ذكرالله]

مقارنه طيبه من وجه طيب

وجزاك الله خيراً على هذه المعلومات الطيبه

[الخاطوف]

صح لسانك والله ماقلت الى الصحيح
وبعد في الفورتشينر ميزززززززه انه تويوتا


دمت بود

[أبو عبدالرحمن خ]

تسلم وشكرا لك على المقارنة وجزاك الله خيرا

[متفائل بن فال]

على فكرة أنا زرت توكيلات الجزيرة وكيل فورد واطلعت على السيارة اكسبلورر فسعرها 95 الف وكسور ومواصفات تفوق الفورتشنر بمراحل عديدة من تحكم بالصوت من الدريكسون وفخامة الخامة الداخلية فضلا عن فخامة التصميم الخارجي يعني تشعر أن السيارة فاخرة وهي ممتازة لمن يريد سيارة عائلية داخل المدينة وفخمة وسعر مناسب وفي نفس الوقت سيارة دفع رباعي لكن ما أتوقع أنها تصلح للذي يتردد على البر كثيرا .

[مزالي]

وكالة فورد عمل عمل ينم عن خبث وإستغلال ،كان معي اكسبلورر 2006 وكانت الفحمات الأمامية ب 330 ريال ، السنه هذي رحت الوكالة قسم قطع الغيار : يا ولد بكم الفحمات الأمانية ؟

رد علي الزول وقال ب486 بعد الخصم ب436 ريال قلت وشلون كانت ب330 قال كانت وسئلته عن بعض القطع أذكر منها على سبيل امثال :
الكبوت ب1700
الشمعة الواحدة ب650
الشبك ب 640
الجنط ب2000
وهذي أسعار الوكالة ،، وأنا اللي سألتهم بنفسي ..
باختصار الرجاجيل رخصوا في سعر السيارة ورفعوا سعر قطع الغيار والمستهلك البسيط ما راح يسأل عن قطع الغيار إلا الحريص وهم نادر،
ببساطة يفرح بسعر السيارة جديدة ويتوهق بقطع الغيار
وهذا عن تجربة