السلام عليكم ورحمة الله وبركاته
بعد المخازز اللي دار بيني وبين الديكور لا أنكر عليكم انه كانت نظراتنا فيها حقد انا مع هالديكور
اللي مزعجني ولله الحمد لقيت حل نفع معاي مليون بالميه واختفى الصوت نهاااائيا
اترككم مع العده مع ان صعبه شوي بس تحملوني اعتقد اسهل من فكه الديكور وتيب ومفك ومطرقه ومسامير
العده والله يعينكم
بـــــــــــــــس هذي العده(ههههه) لاااه وورقه امتحان لاخر سنه بالثانوي قبل 12 سنه تقريبا ماتشوفونها مغبره
لكن انا ما استعملتها استعمل ورقه الوصفه للمستشفى كانت عندي بالدرج من زمان ولكن هذي افضل
الخطوة الثانيه:
اللي عنده مفك ــــ او يقدر يشيله بظفره ويرفعه بدرجه بسيطه جدا (وبالصوره الجايه راح تشوفون المكان اللي ركبته فيه بالضبط. ((ملاحظه تشوفون الديكور مرتفع شوي لاني انا صورت هالصوره بعد نهايه المشكله بالمره
هنا هنا هنا كل واحد وتقديره كل واحد يحط الورقتين اللي راح يقصهم من الصوره الاولى مالت الامتاحات قطعه كبر الاصبع ويتم تصفيطه مرتين او ثلاث بحيث يرفع الديكور قلييييييييلا علشان
يبعد الاحتكاك بين ديكور الاحرف واللي البلاستيكه اللي تحتها وانا جربت ورقه وحده ونفعت وجربت ثنتين صارت احسن بالنسبه (علما اني انا اكثر واحد بالعالم اعاني من هالمشكله)
اخييييرا
هذي العمليه النهائيه وشغل سيارتك وان شاءالله مافي صوت وتمتع واعتقد ماختلف او تشوه الديكور
ملاحظه اللي يحط سفنجه( اعتقد من غير تجربه تكون افضل)
عاد وانتوا وابداعاتكم تحطون ورق امتحان شهاده كرتونه كلينكس المهم تكون سميكه شوي عشان ترفع الديكور شويه بس وماراح احد يلاحظها وانا عقب العمليه ركبت واحد من الشباب وقلتله مو ملاحظ تشويه شي بالسياره او شي قام يطالع السقف قلتله تحت قال لا والله ماكو شي !!
والحمدالله ماتبين الا الاوراق البسيط ويستحسن تصغرونها تكون افضل عشان المنظر الخارجي من اللي يحبون الانتيكه بس من اللي يشوف ناحيه الورق غيرك فتوكل على الله.(لانها من صوبك انت)
ومع ان سيارتي توني مطلعا اقل من عشر ايام بس سويت الحركه ولا تفكيك الديكور اللي فكك خلايا مخي معاه
ملاحظه هامه اذا لاسمح الله لقيت صوت خفيف (طبعا راح يكون خفيف باذن الله) غير امكنه الاوراق ومثل ماقلتلكم لازم تكون سميكه شوي عاشان تحس ان الديكور انرفع وحط ورقتين مثل الصور عشان
تضبط العمليه اكثر
اخر ملاحظه يرجرى رفع الديكور برفق لاتسحب الديكور كنك ساحب سايد وتفحط
ارجو الموضوع حاز على رضاكم ومنتظر صدقوني احر من الجمر بردودكم وتجربتكم (وطبعا مانسى اللي حاولوا يساعدوني خصوصا الاخ الفاضل عاشق اللاند بارك الله فيه وفيكم)
ونسأل الله العافيه بالدنيا والاخره
ومنتظر ردودكم وتجاربكم اخواني
المواضيع المتشابهه للموضوع: حل سهل لمشكله صوت ديكور القير واتمنى لكم الاستفاده ونجاح الحركه 
حل سهل لمشكله صوت ديكور القير واتمنى لكم الاستفاده ونجاح الحركه 
