[المنفهق]

السيارة مشغلينها ومطلعينها من الورشه .. ركبتها وهي شغاله ومشيت فيها علطول
من الزحمة عندنا في الجبـيل حتى سلام ما رد علي .. يقول لي حرك يالله في سيارات تبي تطلع

الشمعة لو اوديها محل اكسسوارات مثل ماتقول .. ما يروح علي الضمان؟
وما جاوبتني

معقوله عشان يفكون الصطب الأمامي لازم ينزلون الصدام؟؟؟؟

[متعة الإحساس]

أخي الكريم المنفهق أنا حسب ما عرفت من كلامك أنه عندك الشمعه الصفرا الصغيره الي في طرف الشمعه محروقه أو ما تشتغل..

ياأخي الكريم هذي حصلتلي وشغلتها مره مره مره سهله وهي انك تدخل يدك من خلف الشمعه اي انك ترفع البطانه الي قدام الكفر الامامي البطانه السودا او انك تدخل يدك لين توصل الشمعه مره قريبه وتفر القاعده الي فيها المبه الصغيره وتغيرها بوحده جديده وانتهينا.. اتمنى اني افدتك..

[المنفهق]

اخوي عاشق .. ألف شكر لك
بحاول اطبق كلامك الليلة ان شاء الله .. :d

[المنفهق]

حاولت لكن يظهر ان الشغلة اصعب من مستوى مهارتي الميكانيكية
في كل الاحوال .. الشغلة صارت متساوية بالنسبة لي الحين
اضطريت انـقـل من الجبـيل للخبر لـ عدة ايام
والسيارة جاها كرف بس من هاليومين ( البارح واليوم )
مشاوير وتكسير في هالمطبات ..
حتى يوم نزلت من الشقة اليوم لقيت مخوش خفيفه في باب يمين ورا

بمشي حالي لين ربي يسهل علي وابيعها واشتري لي عراوي 85 على قولت واحد من الشباب
عشان لو اصدم جدار ماتحسفت فيها

قسم بالله اكرهـ شي بالدنيا اذا انقهرت وما بـ ايدك اي شي تسويه
افالون 2008 لؤلؤي .. ما كملت الـ 1000 كيلو للحين (( من يشتري ؟؟؟))
ملاحظة (( اللي يبي يشتريها بشرط يوصلني لمكان رفيع عشان انتحر ))

[ابو عزيو]

السسلام عليكم ,,
يالله حيهم ,,
والششهر عليكم مباارك ,,


بغيت اسأل ششاشة الافالون 2008 تطلع السرعه القصوى الي مشيتها ؟
كأني سمعت انها تطلع اسرع سرعه مشيتها فيها ,,


وبغيت اسأل اذا تعرفوون محل تركيب جلد افالون بس يالييت يكوون مضموون
وكووويس تركيبه
ويكوون في الريااض
وياليت لو تعطوني سسعر تقريبيه له ..


لا هنتوا

^_^

[ابو عزيو]

ياااارب احد يرد :d

^_^

[المــمـــيــز]

بغيت اسأل ششاشة الافالون 2008 تطلع السرعه القصوى الي مشيتها ؟
كأني سمعت انها تطلع اسرع سرعه مشيتها فيها ,,


لا ما تطلع السرعة القصوى تطلع فقط متوسط استهلاك البنزين -درجة الحرارة - وزمن الرحلة


وبغيت اسأل اذا تعرفوون محل تركيب جلد افالون بس يالييت يكوون مضموون
وكووويس تركيبه
ويكوون في الريااض
وياليت لو تعطوني سسعر تقريبيه له ..

موجود في شارع الغرابي وفيه محلات بالهبل يعني بتتعب وانت تلف من كثرها

والاسعار تبداء من 200 الى مادري والله يمكن توصل 600 ريال

[ابو عزيو]

يسلمك ربي حبيبي المميز

بس رحت للغراابي الي يقول ما عندي والي يقوول لازم تفصيل ويخلص بعد كم يووم

اذا تعرف محل معيين وكوويس ياليت تعطيني اسسمه
لاهنت

^_^

[المــمـــيــز]

اخوي لازم تفصيل ولا زم تجلس يوم كامل

هذا الي اعرفة لكل السيارات

وفيه محل اسمة الاقصى منتشر في الغرابي هم افضل ناس

هذا الي سمعتة بس ما جربت

[للفخامه عنوان]

الله يجزاكم خير
انا ظللت الي ورى من جووا لكن قالوا لي ناس لازم تشيله عشان الخطوط الي بالقزازه الخلفيه مايخربن فوش رايكم لازم اشيله اوما ياثر علما ان لي مركبه اربعه اشهر
بانتظار ردكم شاكرين لكم حسن تعاملكم

[المــمـــيــز]

لا زم اخوي كل فترة تغيرة يعني اربع شهور صراحة كثيرة

وانصحك تضللها من برا عشان ما تخرب خطوط الكهرباء

وحتى لو نسيتها من برا تقدر تشيلها وتضلل مرة ثانية وش بتكلفك 20 ريال ولا تخرب لك القزازة

[م.عمر]

بصراحه حرام دافع 120 الف ريال ومستخسر تدفع فيها 1500 ريال لتظليل عازل من فيكول او جونسون او غيره
وكفاية انه التظليل العازل يحافظ على الطبلون والمقاعد
جرب حط شريط على الطبلون في سياره فيها تظليل عادي ابو 15 ريال
وعلى سيارة فيها تظليل عازل من شركة محترمه مثل في كول
وعلى سياره بدون تظليل وشوف الفرق بين الثلاثه
الخطوط الخلفية هي لتسخين القزاز الخلفي وايضا لاستقبال الراديو حسب معلوماتي

[سلطان الهموم]

يامهندس عندي انا مشلكه في الحساسات ماعاد اسمع صوتها الي قدام والي وراء

[المــمـــيــز]

المشاركة الأصلية كتبت بواسطة سلطان الهموم

يامهندس عندي انا مشلكه في الحساسات ماعاد اسمع صوتها الي قدام والي وراء

طيب هل الشاشة الامامية تشتغل بس بدون صوت ؟ شاشة الحساسات

اذا كانت الاجابة بـ (لا)

باعتقادي انها فيوزات فقط لا غير


واذا لم تكن جرب تعيد برمجة السيارة افصل البطارية (فقط اذا كنت تعرف كيف تعيد البرمجة)

واذا ما عرفت يوجد طريقة اعادة برمجة السيارة بالمنتدى او اسألني هنا وانا اجاوبك

مكان الفيوزات في الكبوت والطبلون

اذا لم تكن من الفيوزات انصحك تروح للوكالة بدون لا تلف لا يمين ولا يسار

[افالون كلاسيك]

يا حبايبي عندي استفسار

بينما انا ماسك خط الجنوب انفقع علي الكفر

لما جيت اغيره لقيته منشق شق

معقوله كفر الوكاله بهالرداءه !!

مع ان السياره ما كملت 4 شهور معي ..؟

الحين وش الحل .. اراجع الوكاله يغيرونه ولا وش الدبره ؟

[المــمـــيــز]

اذا رجعت للوكالة بيفحصون الكفر اذا كان الخلل مصنعي يغيرونة على الضمان


من نفس وكيل الكفرات (تويو) واذا كان بسبب قطعة حديدة او من هذا القبيل


فتدفعها من جيبك وطبعا بالاغلب بيقولون انك انت ضارب شي جامد وانت الله يسلمك لا تسكت عن حقك


والحمد لله على سلامتك يالغالي ماتشوف شر واخر مصايبك ان شاء الله