[ماجد نت]

المشاركة الأصلية كتبت بواسطة المــمـــيــز

هذا اخوي برمجه اول ما تفصل البطارية ترجع السيارة اصفار بدون اعدادات

وبعطيك الطريقة للبرمجة


1/شغل السيارة بس بدون تشغيل المكينة
2/اضغط الزرين للشباكين الاماميين مع بعض وخليك ضاغط الين تنفتح كل الشباكين بعدين ارجع وسكراهم مع بعض وخليك ضاغط بعد الي ن يتسكرون

سويها كم مرة

اذا نجحت الطريقة بتحصل اللمبة حقت الزر صارت مولعة طوال الوقت

طيب الحين طبق نفس الطريقة بالفتحة افتحها وخليك ضاغط وسكرها وخليك ضاغط وبرتجع برمجة السيارة الى

وضعها الطبيعي

يعطيك العافية يارب

بجربها لما نطلع من الدوام وبرد عليك بعد العصر

طيب ماعتطيتني رايك عن نوع البطارية الافضل و كم امبير البطارية

[أفالون للأبد]

المميز والمهندس الميكانيكي والأعضاء الكرام أسعد الله أوقاتكم بالخير والمسرات
أستفساري بخصوص الأشياء الأساسية التي لابد من تغيرها بعد صيانة 20.000 كيلو من الوكالة، بصراحة أنا ما رحت للوكالة مرة أخرى بس ما رأيت منهم من نصب في نصب ، أنا أغير الزيت والفلتر كل خمسة ألاف ، سؤال المهم أنا سياراتي ماشية تقريباً 55.000 كيلو. ما هي الأشياء ضرورية التي لابد من تغيرها غير الزيت والفلتر كل خمسة آلاف كيلو، إذا كان هناك شئ لا بد من تغيرة من فلتر أو ما شابة ذلك أرجو إفادتي ولكم خالص تحياتي وتقديري

[م.عمر]

مثل مااقترحت على الاخ المميز قبل كده موضوع مستقل بالصيانات المهمة وكل واحد يذكر الشركة ايش غيرت وكم كلفته اتمنى نشوف الموضوع هذا
======================

اخوي افالون للابد انا مثلك بطلت الصيانة بعد صيانة 80 الف كيلو دفعوني 2000 ريال على هبالات
منها وزن للكفرات مع انها كانت موزونه 100% واخذوا 160 ريال عليها

فلتر الهواء كل 20 الف كيلو يتغير ويتنظف طبعا كل 5000 كيلو مع تغيير الزيت والسيفون
فلتر المكيف مكتوب انه كل 30 الف كيلو وبصراحه انا مشيت عليه 90 الف كيلو وبعدها غيرته (غيره لما تحس هواء المكيف يضعف)
في ب21 ريال علبة زيت يحطوها في المكينه وهذه بصراحه نصب *نصب لانها غير مهمه وكمان يحطوا علبة ب21 ريال للمحافظة على البخاخات في تانكي البنزين ايضا غير مهمة بس ممكن تشتريها وتحطها بنفسك
المساحات الامامية يغيروها بدون مايقولوا (لقااااااااافه) بس ممكن تشتريها ب170 ريال الاثنين لو شفت انه المساحات بدات تتشقق
البواجي عند 100 الف كيلو
فلتر البنزين ب125 ريال اشتريته ولا ركبته ابغى اغيره عند 100 الف كيلو (مكانه تحت المقاعد الخلفية بس لازم تفك الطرمبة ب100 ريال شغل يد او اقل في الصناعية
طبعا الاقمشة الامامية تتغير كل 30-50 الف كيلو حسب استخدامك
الاقمشة الخلفية ايضا حسب استخدامك انا مشيت بيها 80 الف كيلو
زيت الجربكس عند 100 الف او 80 الف احتياطها علما بان الزيت ب80 والفلتر ب100 وشي لكن تغيير الفلتر اخذ 300 ريال في الشركة شغل يد بس(على كلامهم عشان يفكوا الكارتير)
هذه تقريبا الاشياء المهمة ومع التشحيم للابواب والمفصلات من فترة لفترة

[افالون ابيض]

انا مره سألت الموضف حق الصيانه قال انه يسوي في صيانه 25 او 2-الف

شي في القير نسيت وش قال لي بالضبط الظاهر تصفيه او زي كذا....

مدري هي مهمه او لا؟؟

ادري سؤالي مري وش يبي بس دااام كلامك في الصبانه قلت خلني اشوووف...

والله يعطيكم الف الف الف الف الف عاااااااااااافيه

[اوريون ماسي]

ياشباب الله لايهينكم طريقة تغيير القير من اوتو الى عادي والعكس..

لازم اوقف ولا وانا ماشي ..

[المــمـــيــز]

المشاركة الأصلية كتبت بواسطة اوريون ماسي

ياشباب الله لايهينكم طريقة تغيير القير من اوتو الى عادي والعكس..

لازم اوقف ولا وانا ماشي ..

لا وانت ماشي وانت بعد داعس عادي

الي يقولك لازم توقف عشان تغير القير هذا طبطب على ظهرة وقلة وشلونك يالطيب تمام

[المــمـــيــز]

المشاركة الأصلية كتبت بواسطة أفالون للأبد

المميز والمهندس الميكانيكي والأعضاء الكرام أسعد الله أوقاتكم بالخير والمسرات
أستفساري بخصوص الأشياء الأساسية التي لابد من تغيرها بعد صيانة 20.000 كيلو من الوكالة، بصراحة أنا ما رحت للوكالة مرة أخرى بس ما رأيت منهم من نصب في نصب ، أنا أغير الزيت والفلتر كل خمسة ألاف ، سؤال المهم أنا سياراتي ماشية تقريباً 55.000 كيلو. ما هي الأشياء ضرورية التي لابد من تغيرها غير الزيت والفلتر كل خمسة آلاف كيلو، إذا كان هناك شئ لا بد من تغيرة من فلتر أو ما شابة ذلك أرجو إفادتي ولكم خالص تحياتي وتقديري

غير الفرامل

وشيك على ماء الرديتر وماء البطارية (لازم تكون السيارة طافية لمدة طويلة 3ساعات)

وزيت الفرامل وزيت الدركسون وبس

مافيه اي شي يتغير ابدا غير ذولي

ابداً بداً ابداً

[المــمـــيــز]

المشاركة الأصلية كتبت بواسطة ماجد نت

يعطيك العافية يارب

بجربها لما نطلع من الدوام وبرد عليك بعد العصر

طيب ماعتطيتني رايك عن نوع البطارية الافضل و كم امبير البطارية

والله افضل شي اذا موجودة نفس البطارية في الوكالة تكون الافضل

لكن AC DELCO I هو الاشهر ولكن مشكلة انه ما تقدر تعيد شحنها وصيانتها

ولا هي ممتازة بعد والامبير هذا بحثت عنه طويل حتى في البطارية مو مكتوب



وانتبة تركب بطارية عدد امبراتها فوق 70 من راسك لان الامبير هو جهد عالي يمكن لو السيارة

ما تتحمل اكثر من 70 امبير تتضرر اسلاكها وتمديداتها الكهربائية

انا اقول الي اكثر من 70 لان اقل بطارية امبيرها 70 امبير للسيارات المتوسطة

[أفالون للأبد]

تسلمون يا شباب ما قصرتوا على النصيحة

ونشكر تفاعلكم الدائم كما عهدناكم ودمتم بخير

[ماجد نت]

بارك الله فيك يالمميز على ردك

ابشرك طريقة تنزيل الدريشة من باب السائق يعمل

ولله الحمد

هذا بفضل الله ثم فيك

جزاك الله خير


=========

توني كنت عند الوكالة عندي مشكلة في الشنطة وهي

في عامودين (حديد) طويلة تجي بالعرض انفكت وطاحت

وصارت الشنطه ماترتفع الا باليدين وتنزيلها لازم شوي شوي علشان ماتنزل بقوة

شيكت عليها اشوفها ليش طاحت العمودين لقيت هي مربوطة ب فتحتين من اليمين واليسار وخلفهم توجد حديدتين في السقف (انعفطت شوية) قالي يحتاج فقط تعديل العفطة وسعر شغل اليد 65 ريال

احد مرت عليه المشكلة


==============================

استفسار ثاني

سبق وكتبت موضوع من اربعه شهور عن جيراني في البيت صدم سيارتي فقط راحت جزء خفيف من البوية وظهر اللون الاسود

كلمت الموظف عن علبه بوية للون الؤلؤي قالي ماعندهم

وقريت في احد المواضيع انه علبة بوية سيارة البرادو مشابهه للافالون

هل هذا صحيح

[المــمـــيــز]

هلا ماجد نت الله يسلمك ان شاء الله يا رب ويجعلها اخر المشاكل ان شاء الله

وبالنسبة لمشكلة الحديدة للشنطة هذي اول مرة اسمع فيها واحد يتكلم

عنها بس شكلك مركب شنط كثير وسكرتها بالقوة هذا يمكن الي خلى الحديدة تنعفط

الحمد لله انها بسيطة

----------------------------------

وبخصوص البوية ما فيه كلام مؤكد حول البوة لكن المواضيع دارت حول

ان بوية الؤلؤية عبارة عن طبقتين ابيض ثم لؤلؤي يعني ما تجي للون واحد

وسمعت ان فيه بعض مناكير البنات يجي لونة لؤلؤي يمكن يكون حل

اذا مريت الوكالة واستفسرت حول لون البرادو ارجو انك تفيدنا بخبرتك

[مستشار العين]

عندي مشكلة عويصة في سيارتي الرجاء التواصل معي على الايميل او في الخاص او عن طريق الهاتف اذا ممكن

[للفخامه عنوان]

الله يجزاكم ويجعله في ميزان حسناتك يا المميز ولا يهونون الاخوان******************************** لا هنت
عندي استفسارين الاول ابي اركب زينون عالي لازم اركب كتاوت عشان الكهرب او مايحتاج

الثاني السياره(( احيانا))) اول ما اشغلها ترج رجه خفيفه لكنها ملاحظه للي يركب معي واحيانا يوصل الضغط الى نص او الى واحد لكن اذا مشيت تروح الرجه وش منه المشكله
بانتظار ردكم على احر من الجمر الله لا يحرمكم الاجر

[عااشق الدوراان]

الله يهديك مو هذا موقع موضوعك انقله لاي مكان ثاني لاي منتدى لاي ايميل

بس احذرك هذا اخر انذار لك

[المــمـــيــز]

المشاركة الأصلية كتبت بواسطة مستشار العين

عندي مشكلة عويصة في سيارتي الرجاء التواصل معي على الايميل او في الخاص او عن طريق الهاتف اذا ممكن

ايميلي موجود في الصورة الرمزية

[المــمـــيــز]