""" ضع اي مشكلة تواجهك في الافالون وسوف نجيبك بسرعة """(المميز-م.عمر-الكنج)

[المــمـــيــز]

كلهم اخوي كويسين اي نوع لكن النوع 20-50

هو الافضل في الصيف وذلك لتحملة درجات الحرارة العالية

[الـــقـــرنــي]

يعطيكم العافيه يا شباب
والله لا يهينك اخوي المميز والله يوفقك دنيا واخره ويسهل دربك

اخواني انا ابي اسوي صيانه 35000 بس ابي اعرف كم تكلف ولاشياء الي يغيرونها لاني احس انهم نصابين وهل عليها اجور صيانه اي شغل يد

[مهندس الأفالون]

الحمد لله على السلامة

والله حتى سيارتي افالون 2008 لطشها واحد لطشة على الباب الخلفي الايمن

ومادري ياشباب اسمكرها واصبغها بالوكالة بجدة
الضربة جات على الباب وماهي قوية بس البدي صار معووج شوي وحكات صغيرة
وما أعتقد انه يتغير

الأخوان

ابو فيصل
المميز
الكنج
مهنس ميكانيكي
درب الحب

ولا يهونون الشباب

اش الحل والدبرة

حسبي الله ونعم الوكيل

[وسـ افالون ـط 600]

الحمدلله على السلامة
وبالحديد ولا فيك اخوي

يالغالي حاول تشوف لك باب خلفي بالتشليح وشوف سعره مقارنة بشغل الوكالة لو طلبت منهم يصلحونه ويصبغونه
إذا كان الفرق كبير فأعتقد انك تتبع الأرخص خصوصاً إذا كان الفرق مبالغ فيه ، لأن بكل الحالات بيكون الوضع طيب ان شاء الله ( شغل الوكالة أو باب جديد من التشليح )

هذا رأيي ،، ولو كانت الصدمة خفيفة خفيفة فأعتقد لو انك ممكن تمشي حالك بدون ماتسوي بها شي فهذا الأفضل في كل الحالات خصوصاً لو فكرت تبيع فيما بعد وبنفس الوقت دفع عن العين ، لو تورينا الصورة يكون أفضل اخوي ..

[وسـ افالون ـط 600]

عندي استفسار يا اخوان بخصوص البطارية

أنا سويت اشتراك لسيارة ثانية لأن بطاريتها كانت فاضية

لكن فيه واحد من الشباب حذرني وقال انها تأثر على الكمبيوتر حق السيارة وبرمجته

وممكن له أضرار تظهر مع الوقت ، هل الكلام هذا صحيح؟

[المــمـــيــز]

اخوي القرني اذا مني غلطان الاجور وشغل اليد عليهم في 35000كلم بس لا تاخذ بكلام افضلك انك تدق عليهم

وتعطيهم رقم لوحة السيارة ويقولك الموظف سيارتك وش عليها ووش لها

------------------------------------------------------------------------------

مهندس الافالون الي اعرفة ان الوكالة ما تسويلك سمكرة بس اذا يسوونها افضل لك عند الوكالة لان لون سيارتك

حساس جدا وصعب

بس بياخذون شغل يد حاول تاخذ منهم تقييم مبدأي على شغل اليد واقعد لهم على الخصم لانهم يسوون لك خصم على

شغل اليد اذا ما تغير الباب

وبعدين اسأل عن سعر الباب بدون الديكور الداخلي وسألهم بكم يركبونة وقارن بين سعر السمكرة وتركيب الباب جديد

اذا الفرق بسيط انصحك اخوي تركب جديد لان الباب كبير ويمكن تبين علية السمكرة اذا كانت الحكات كبيرة

------------------------------------------------------------------------

وسط افالون هذا الكلام صحيح

تورطو فيها كثير من الناس واغلبهم معهم ليكزس وافالون والسيارات الجديد فيها نظام مانع تشغيل المحرك

لو سويت اشتراك وشاف الكمبيوتر ان فيه تهريب كهرباء كثير يبدا يسحب كهرب من الدينمو للمكينة ويرجه للقطع

الالكترونية الي نسميها الضفيرة وبعدين تتحمل الضفيرة فوق طاقتها وتحترق

[أفالون للأبد]

المشاركة الأصلية كتبت بواسطة أفالون للأبد [عزيزي الزائر يتوجب عليك التسجيل للمشاهدة الرابطللتسجيل اضغط هنا]

السلام عليكم

أستفاسري أخواني الأفالونيون بخصوص القطعة التي تضاف للسيارة
لكي تجعل من الستارة ترتفع وتنزل تلقائياً مع تغير للرجوع للخلف

أجدد أستفساري وأتمنى أن أجد الإجابة

[المــمـــيــز]

اخوي افالون للابد هذي لازم تراجع فيها الوكالة من قسم قطع الغيار

تروح لمهم وتشرح لهم القطعة هذي وهم بيجاوبونك برقم القطعة لان القطع كثيرة فمين بيحفظ الرقم

قلهم الحساس الي يرفع الستارة في موديل 2008 يركب للموديل 2007 وبس واذا ما تبي تروح لهم

ترا لهم رقم مجاني

[المــمـــيــز]

اخوي افالون للابد هذي لازم تراجع فيها الوكالة من قسم قطع الغيار

تروح لمهم وتشرح لهم القطعة هذي وهم بيجاوبونك برقم القطعة لان القطع كثيرة فمين بيحفظ الرقم

قلهم الحساس الي يرفع الستارة في موديل 2008 يركب للموديل 2007 وبس واذا ما تبي تروح لهم

ترا لهم رقم مجاني

[عاشق الذكريات]

افالون للأبد


انا رحتلهم وقلت للفني اللي عندهم كان فلبيني وسألته بخصووص هالقطعة وقالي ماتركب على الافالون حقتي

طبعا حقتي 2006 قلتله ليه


قال بتصير مشكلة بالاسلاك

صراحة انا ماهضمت اللي قاله وش دخل الاسلاك في الموضوع؟؟؟


الا اذا كان اخونا المميز عنده وجهة نظر ثانية فياليت يخبرنا

[المــمـــيــز]

والله يا ابو خالد يمكن هو صادق يمكن القطعة القديمة مدخلها سلكين ومخرجها سلكين

اما الجديدة يمكن مدخلها اكثر من سلكين لان لها ربط بحساسات قياس السرعة اذا وصلت السرعة الى 30 ترتفع

بس يمكن انك تسأل واحد ثاني وتشوف لان كل شي له حل

[كنانو]

الاخ المميز,

شكرا لك على المعلومة قطعة steering shift لاني احب احرف الصوت مو وين ظاهر حتى اتجنب فلسفة مهندسي صيانة تويوتا والسؤال الاضافي هل يستدعي مكوث السيارة اكثر من نصف يوم او يوم بمعنى هل تركيب القطعة يستغرق وقت كثير.

ودمت بحفظ الله ورعايته,

[المــمـــيــز]

المشاركة الأصلية كتبت بواسطة كنانو [عزيزي الزائر يتوجب عليك التسجيل للمشاهدة الرابطللتسجيل اضغط هنا]

الاخ المميز,

شكرا لك على المعلومة قطعة steering shift لاني احب احرف الصوت مو وين ظاهر حتى اتجنب فلسفة مهندسي صيانة تويوتا والسؤال الاضافي هل يستدعي مكوث السيارة اكثر من نصف يوم او يوم بمعنى هل تركيب القطعة يستغرق وقت كثير.

ودمت بحفظ الله ورعايته,

هي المفروض ما تاخذ اكثر من ساعة بس هم يتفلسفون ويقولون عندنا ضغط

عشان ياخذون راحتهم

[مهندس الأفالون]

السلام عليكم

سؤالي يا شاب حول السمكر والبوية

عندي حكة بسيطة في الباب الخلفي الايمن
وتحتاج سمكرة وبوية

وتعرفون مركز الشامل لصيانة السيارات بجدة التابع لأبو جميل

السؤال : ايهما أفضل الوكالة او مركز الشامل ؟؟

كلها تعطي ضمان سنة

[المــمـــيــز]

اذا كان لون سيارتك لؤلؤي انصحك تروح للوكالة

واذا كان غيرة روح للشامل

لان اللون الؤلؤي جدا صعب

ولا تحصل نفس الطبقة الا عند الوكالة اتمنى لك التوفيق اتكل على الله ورح للوكالة واذا ما ضبطت لك سنة ضمان

على الاقل هم الي يعرفون نوعية وللون السيارة

[مهندس الأفالون]

السلام عليكم

اليوم رحت للوكالة ورحت للمركز الشامل

ولقيت واحد كان يشتغل بالوكالة يشتغل الأن في الشامل

والضمان واحد (ستة أشهر أو 15000 كلم)

المهم

سألت موظف الإستقبال
عن الأفضل؟
قالي ان مافي فرق وكلهم يستخدمون نفس المواد
ونفس الشغل.

والسعر مافيه فرق

اللي طمني أكثر ان لقيت السمكري اللي كان بالوكالة
لقيته بالشامل

[المــمـــيــز]

اجل سويها في الشامل احسن لك دامك لقيت واحد تعرفة بالتوفيق اخوي

[الـــقـــرنــي]

ياشباب با النسبة للقطعه حقت الستارة

انا مكلم المهندس في الوكاله الي على طريق خريص قلتله ابي اركب القطعه حقت الستارة زي الي في 2008 وقالي ما تركب

[المــمـــيــز]

تسلم اخوي القرني على ابداعاتك المتواصله الف شكر على التغطية المتواصلة بالمعلومات


سمعتو ياشباب قال القطعة حقت الستارة ما تركب

[نسسأي]

^^

السلام عليكم ورحمة الله وبركاته ..


ياشباب عندي مشكلة في سيارتي 2006

المشكلة الاولى .. ان فيه صووت حنه في السياره من يوم تمشي ولا ادري وشو منه .. اتوقع صوت المكينه ؟! بس الصوت ما كان فيها من اول ..


المشكلة الثاني ... اذا مسكت فرامل يطلع صوووت وغيرت الفحمات وخرطت الهوبات والمشكله الصوت ما راح ..؟

فزعتكم يا شباب .. ترا هذي اول مشاركه ..

تحيآتوو..نسسآي