[دقات قلب]

السلام عليكم ورحمة الله وبركاته ..

اسعد الله اوقاتكم بكل خير

موضوعي اليوم عن التواير (الكفرات)
حقيقة سعدت جدا بمشاركة اخ لي غالي بالموضوع هذا
وهو عضو من اعضاء المنتدى الكرام والذي اكن له كل الاحترام والتقدير
ومجهوداته واضحة جدا .. ما شاء الله تبارك الله
حاب يبديء رأيه في موضوع التواير للسيارة ,,
وناقشني في الامر واستأذنته بنسخ الموضوع لكم .. لأني مقتنع بكل كلمة يقولها..

وهي تجربة شخضية له

,,,


التواير في منهم المخصص للسرعه
وفي منهم المخصص للدريفت ( تفحيط )
وفي منهم للحر وفي منهم للبرد ودواليك.....!

الحين ابي اعرف احنا وش نبي من التواير
اهم نقطة؟

هدوء السيارة وانت تمشي مع الأهل والهدوء وانت تمشي بالسفر
المرونه على على المطبات وعدم الشعور بشوارعنا اللي كلها حفر

صدقني البرجستون في مميزات كثيرة وهو من التوائر المميزة:
ثبات على السرعات العالية بالذات للشوارع المنحنيه
تاير ماينمسح بسرعه
بس صدقني وعر وعر وعر لأبعد حد

اليوكوهاما نفس المميزات وبرضوو وعر وقاسي

صدقني احنا المفروض ندور على التاير اللين والناعم
ومعروفين الين التواير هي :
1. بريلي ( هذا افضل واغلى كفر )
2. ميشيلان ( الأفضل من ناحية السرعه العالية والثبات وغالي كمان )
3. TOYO ( كفر لين ورخييييييييييييييص)



الملخص من كلامي :

ركبنا لسيارة ولد عمي ( اوريون ):
ركبنا لها التاير التويو
تصدق صارت انعم من ماتتخيل وهدوووووووووووء
وعلى المطبات كأنها أفالون ( ناعمه )
والسبب ان التويو مصنوع من الخيوط فقط
مافيه حديد واسلاك

وكلمنا ربعنا اللي عندهم لكزس
وقالو نفس الكلام
مافي بعد التويو ( التاير الرخيص )


واللي عنده فلوس يترك التويو ويركب بريلي او ميشيلان لأنهم افضل

وتقبل مروري

,,,,,
ختاما اتقدم بالشكر الجزيل لك اخي الغالي ..

وهذه هدية مقدمة منه لأخوانه بقسم الاوريون
بارك الله فيه ورحم الله والديه

[نقطة بداية]

مشكور اخوي دقات قلب انت وخويك

صحيح كلامه ان افضل شيء هو البيرلي ومع انه غالي شوي لكن اللي يبغى الراحه ياخذه بدون تردد ..
حاليا انا مركب تويو و زي العسل رخيص ويؤدي الغرض ..

بالنسبه لميشلان ما عندي احد اعرفه مركبه ولا جربته ..

البيرجستون جربناه لكن على سيارة ثانيه و ممتاز ونقشته حلوه

ويعطيك الف العافيه على الموضوع

[شادو لوور]

يعطيك الف الف عافيه على الموضوع
انا بصراحة التويو جربناه على مرسيدس موديل 1989 حلو ورخيص وناعم في المطبات وكأنه قطن في الضارع
الي ملاحظ عليه انه النقشة حقته تذوب بسرعه.
الميشلان الآن مركبه على يوكن 1999 والصراحة هاذي المرة الثانيه الي اركبه ولا عليه اي كلام لا في البر ولا في الشارع عيبه يطلع صوت في اللفات القويه او الu ترن بالأصح صوت مثل الصفير.
البريلي مركبينه على مرسيدس 1998 و لومينا 2004 من جد يجمع المواصفات الإيجابيه للإثنين الي فووق
بس عيبه انه غالي شوي وفي الخط هدووء
البريجستون للأسف ما عمري جربته .
اليوكوهاما اغلبكم جربه لانه كفر الوكاله الأصلي والكل عارف مميزاته وعيوبه

يعطيك العافيه اخوي دقات قلب
بس ما قلت لنا من ذا العضو صاحب هذا الرد الرائع!!

[شادي س س]

الله يعطيك العافية مشرفنا الغالي انت و العضو المجهول

بس ابغى اضيف تجربتي لأني عانيت من اليوكوهاما في الاوريون وسيارتي السابقة الكابريس

الزبدة ان كفرات اليوكوهاما حبلت في السياريتن بلإضافة الى ان الكابرس ضربت علي ثلاثة كفرات .

قبل ثلاثة اشهر تقريباُُ ركبت كفرات بيرجستون من نوع ادريانالين مقاس 235/45/r17 دعسة رياضية وناعمة في نفس الوقت لأن الدعسة مقسمة الى نصفين.

الصراحة لاحظت المميزات اللي ذكرتها وبشكل كبير لدرجة انه مافي مقارنة بين البيرجستون واليوكهاما.

وفي حاجة بالنسبة للتويو راح تلاحظ بعد شهر الى شهرين صوت تحبيل (دوي )وهذا الكلام من واقع تجربة

اتمنى انكم فهمتو شي من كلامي لأن احس كلامي ملخبط .

آسف على لاطالة و الله يعيكم العافية على الموضوع المهم

[ملك الغوص]

يعطيكم العافية نقاشكم مفيد جدااااا اتوقع كما ذكرتم البلرلي والميشلان والتويو هم الانسب لنا

[سبايبرن]

ميشلان أحسن

[فلاان]

السـلام عليكمــ


امـــمم يعطيكـ العافية حبيبي على موضوعكـ بالصدفة البـارحة اخوي كان ماخذ السيارة
وانشق عليه التاير الأمامي اليمينـ
والحمد لله مافيه شي والأميرة صادتها احتكاك صغير وخفيف عند الصدام اظنه داس على شي .. وصاير الشق من جهتين !!!

المهمـ اني ما تعجلت ووقلت اجي اشوف الشباب بشنو ينصحونا .. وراح اشوف اليوم على خير سعر البريلي والميشلانـ

.. والبرجستون شنو انطباعكم عنه شباب؟

[رااح الامل]

البريجستون حلو ومركبه على سفاري الوالد صارله يمكن سنه ونص او تكثر والوالد يطلع البر ... ومايشتكي من شي



+++

يعطيك العافيه دقات قلب

[اوريون الشرقية]

افضل شي البريلي لاكن الي لقيته على مقاس جنطي 16" كان سيء,,,

الميشلان هو الافضل بعد بريللي لاكن بعض انواعه كل ماتلف يطلع صوت تفحيط,,,,

البريجستون مشهورين بكفرهم بوتنزا ويجي انواع كثيرة ومقاسات مختلفة وغير البوتنزا من بريجستون ماينفع,,,

التويو ماجربته,,,,

[أوريون الطائف]

السلام عليكم

مساءالخير على الجميع

طبعا ياخوان عندي جيب ومانركبله الى يوكوهاما لماذا

لانه في البر في الحجار والجبال تكون ماسكه وماتنزلق وغير كذا

لينه وبصراحه انا لو افكر اركب للوريون جبوط ابركب اليكووهاما

ماعنها غاليه لاكن حلوه

مشكور على الموضوع الرائع اخوي دقات قلب

تحيــــــــــــــــــاتي

[ممنوع الدخول]

افضل شي الميشلان بعده بريجستون

السياره بالبريك تكون ممتازه ولا تسمع صوت ال اي بي اس نهائي

ولمن تدوس من الصفر ما تفحط كثير

الصراحه عن نفسي غير النوعين ما اركب

[اوريون_وبس]

ياشباب ابي احسن كفرات للخطوووووووووووط

[أبو ربعي]

مممممممكن سؤال؟؟

بالنسبة للجود يير ما جبتوا له طاري مع أني أحس أنه أنعم و أجود و يكفي ضمان 5 سنوات

[السلالم]

بصراحة البريجستون بوتنزا ممتاز لكن مزعج لدرجة ...
التويو ممتاز وما فيه اي صوت ورخيص