[مزالي]

السلام عليكم ورحمة الله وبركاته
ياجماعة الخير أرغب في تضليل السيارة - ذبحتننا الشمس - وش رايكم في الماركات اللي نشوفها على السيارات هل صحيح إنها تعزل زين ؟ وهل بينها فرق وبين الكوري أبو 70 ريال والمسألة مسألة ماركة وزبرقة بلا جوده ، أفيدونا يا من ضلل زيبارت أو في كوول أو جنسون أو ليمار .
الصراحة الفرق ما هو بسيط أبد أبد .

مزالي

[أبـــو عـــزام]

شف وانا أخوك بالنسبة للماركات الغالية هي تعزل مافيها كلام لكن صدقني الجو عندنا ماينفع فيه لا أصلي ولا تقليد بمعنى أن السيارة إذا كانت موقفه في الشمس فحط في بالك أن داخليتها حاره مافيها كلام

وعلى فكرة حتى الكوري يعزل من واقع تجربه

أنصحك تظلل عازل كوري مع الزجاج الخلفي (الشنط) بيكلفك 80 إلى 120 ريال

وأنصحك تركب اللون الجديد (بني زيرو ون على نيكل) كوري بيطلع رايق على السيارة لكن اللي داخل السيارة تشوفهم يعني مو مكتم لكنه مثل الماركه رايق

الله يوفقك بالتظليله الزينه

سلام

[جنوبي وجنوني]

المشاركة الأصلية كتبت بواسطة مزالي

السلام عليكم ورحمة الله وبركاته

المشاركة الأصلية كتبت بواسطة مزالي

ياجماعة الخير أرغب في تضليل السيارة - ذبحتننا الشمس - وش رايكم في الماركات اللي نشوفها على السيارات هل صحيح إنها تعزل زين ؟ وهل بينها فرق وبين الكوري أبو 70 ريال والمسألة مسألة ماركة وزبرقة بلا جوده ، أفيدونا يا من ضلل زيبارت أو في كوول أو جنسون أو ليمار .

الصراحة الفرق ما هو بسيط أبد أبد .

مزالي

وعليكم السلام ورحمة الله وبركاته

وشفيك مستعجل يا مزالي شوف وانا اخوك ياتي في المقدمة زيبارت ومن ثم في كوول اما ليمار والله او مرة اسمع فيه كثرت الشركات والماركات للعوازل وكلَ يقول انا الافضل شوف حوبي جنسون انا مركبه على الاكورد ميزته انه يغنيك عن النظارة الشمسيه بس الحراره والله ما شفت في فرق ماادي الظاهر لان المقاعد جلد بس مع الكيف تبرد السيارة ويخوك عندنا الاجواء ما ينفع الا نغطي القزاز بلوح خشب وذا مضمون كيف بس مو فكره حلوه .

اما التضليل ابو 70 ريال قسم الي يركبه ان ما عنده سالفه المحلات ذي جالسة تضحك علينا.
انا بقول لك سالفه برمضان وآخر ايام رمضان رحت لمحلات زينة السيارت وجاني صاحب المحل وش ثوب توه مكوية وش رزة ابد قبيلي الرجال ونعم المهم قال لي بـ 150 ريال قلت بس يالله ضلل كان معي خوي قال والله انك فغره وش تبي فيه خذ لك ابو 30 ريال قلت لا يا رجال ذا عازل قال طيب المهم قسم وهو جالس يضلل عرفت ان خويي صادق وسكت بقنع نفسي يوم خلص كل القزاز فقعات قال لا بكره مع الشمس تروح والله زعلت قلت القزاز الي بلخلف مو تمام وجاب فلبيني خبير وزبطه المهم وتركته 24 ساعة يوم فتحت القزاز كاني جالس انزل التضليل مو انزل القزاز كله راح افا والله وافطر واصلي الطراويح واركب عفشي بسافر ابها وهلي معي واروح للمحل وينه الي فيه وما فيه وهاتك وجاى خوينا السعودي ولا يهرج الا من راس خشمه قسم كاني اشحذ منه قال ذا الي عندي مو عاجبك اغيره لك قلت لا انقزها هلي معي انسى والله واتصل على خوي لي في الشرطه وكان مستلم بالدورية قال دقائق وانا عندك اجي ادور صاحب المحل ولا كانه خلق وينه يا الربع وجاك واحد ثاني قال انا صاحب المحل قلت لا حوبي وين الكشخه طلع اخونا فلسطيني مدري يمني ولا معه اقامه المهم مالك في الطويله بعد ما طولناها في الاخر عطاني فلوسي الـ 150 ريال وعليها بوسه وقال التضليل الباقي هديه والين يومك ذا وهو راكب بس مشي حالك وسلامتك ؟

[الخاطوف]

والله انا واخوك
ضللت با 45 رياال وماعندنا كراج سيارات
بس الصراحه فرق بينه وبين بدون تضليل
وتقبل تحياتي اخوك











الخاطوف

[متفائل بن فال]

وعليكم السلام ورحمة الله وبركاته
أنا مركب عازل حراري في سيارتي ولا أشعر بفرق سوى التظليله الأمامية تخفف وهج الشمس وكما قال أخونا جنوبي تغنيك عن النظارة الشمسية وأخيرا قمت بازالة تظليل الزجاج الأمامي لعدم وضوح الرؤية ليلا خصوصا مع أنوار الفورد الضعيفة أما مسأله أنها تعزل الحرارة فما فيه زود فرق يستاهل تدفع فيه قيمة العازل الحراري العالية سوى الشكل الجمالي للسيارة .

[ابافيصل]

طيب وش رايكم فى التضليل الى عند ابو جميل على ما اعتقد اسمها كوليين

[ديموقراطي]

وش رسيتو عليه يا جماعه والله حتى انا ابي اظلل ابي شي من واقع تجربة ويدلنا على المحل والسعر والنوع وهل هو زير ون او تو

[الجفني]

المشاركة الأصلية كتبت بواسطة أبـــو عـــزام

شف وانا أخوك بالنسبة للماركات الغالية هي تعزل مافيها كلام لكن صدقني الجو عندنا ماينفع فيه لا أصلي ولا تقليد بمعنى أن السيارة إذا كانت موقفه في الشمس فحط في بالك أن داخليتها حاره مافيها كلام

وعلى فكرة حتى الكوري يعزل من واقع تجربه

أنصحك تظلل عازل كوري مع الزجاج الخلفي (الشنط) بيكلفك 80 إلى 120 ريال

وأنصحك تركب اللون الجديد (بني زيرو ون على نيكل) كوري بيطلع رايق على السيارة لكن اللي داخل السيارة تشوفهم يعني مو مكتم لكنه مثل الماركه رايق

الله يوفقك بالتظليله الزينه

سلام

عز الله انك كفيت ووفيت هذا الي كنت ابغاء اقوله من واحد مجرب

[أبو عبدالرحمن خ]

شف الله يحفظك بالنسبة للتضليل العازل هذا يحمي ديكورات السيارة من اضرار اشعة الشمس (طبعا كما يقولون)
اما تبيه يعزل الحرارة فهذا مستحيل لأني ركبتها على سيارتي الكامري من شركة في كول بـ 1800 ريال والله اني تحسفت والله ما افدتني بشيء اذا ركبت السيارة كني راكب فرن
فنصيحة ركب الكوري ارخص وازين طع شوري لاتحسف مثلي

[مزالي]

الخاطوف ، متفائل بن فال ، الديمقراطي ، ابوعزام ، أبو عبد الرحمن خ ، الجفني ، الخاطوف ، جنوبي جنوني


أشكركم بشدة وفيتوا وكفيتوا

[جنوبي وجنوني]

المشاركة الأصلية كتبت بواسطة مزالي

الخاطوف ، متفائل بن فال ، الديمقراطي ، ابوعزام ، أبو عبد الرحمن خ ، الجفني ، الخاطوف ، جنوبي جنوني


أشكركم بشدة وفيتوا وكفيتوا

مزالي انا اخر واحد في الاسماء ها وثاني واحد يرد امزح امزح
اهم شي انك استفدة من الاخوان...؟

[رنديفو]

والله تضليلة ابو جميل الوكالة زيها زي الكوري خلك على كلام ابو عزام وبس
تراني مضلل وكالة وخلها على الله

[مزالي]

اخوي جنوبي جنوني ، أنا ألخبط في اسمك ، أعكس اسمك أسميك جنوني جنوبي علشان كذا خليت اسمك آخر واحد علشان أمخمخ عليه .


تم تركيب تضليلة skc الكوري وشكرا للجميع

مزالي

[ديموقراطي]

اخوووووووي الله لا يهينك مدام انك ركبت تظليلة skc جربها وعلمني اذا تمام ولا مو تمام وكم السعر ونوع التظليله (زيرو ون ولا تو) واللون ووين ركبتها.. بشغلك بس تحملني

[مزالي]

ديموقراطي تامر أمر ، على قول السوريين ولوووو
وأزيدك من الشعر بيت أنا اليوم ركبت ديفيدي و لبست الوطيات- مو الأرضيات كلها -بس الوطيات تكرم ووضعت لمبه في الكبوت 100 شمعه

وإن شاء الله أرد عليك في أقرب وقت

اخوك مزالي