كيف حالك الشباب من اول ما شريت السيارة وانا افكر بتانكي للماء وكل مرة احاول اركبه لكن لم تاتي الفكرة المناسبة
فكيت المراتب الخلفية وركبت طبق (طاولة) وشراع على الارضية لكن لم اركب تانكي للماء وظل راكب في راسي وهي تركيب تانكي ماء طبعا قررت اني اركبه لكن المشكلة اللي حق الماء وزعبلته ونقله ومرة ينصك عليه الباب
فكان احد الشباب معه لاند كروزر حاط فكره صراحة رهيبه مرة وهي ما قررت فعلها
وفعلا تم تركيب تانكي ماء تقريبا75 لتر وسويت الطريقة الرهيبة لطريقة استخدام الماء وكيفية التغسيل منه تشاهدونها بالصور
والصراحة السيارة بدون تانكي ماء مشكلة لأنه كل ما جيت تطلع يمين ويسار او للبر او طلعه خفيفة تنقل معك جراكل الماء وبعض المرات تنسى مثل ما حصلي مرة يوم تواسينا بالجلسة واثر ما معنا ماء
واليكم صور التانكي وكيف يصب او يثعب ماء ً
صورة التانكي مع الطبق صورة كاملة تلاحظ متوافق مع الطبق
وهذه صورة كيفية استخدام الماء من التانكي
وهذا هو فورتشنر ابو عبدالرحمن وهو يثعب (يصب) ماء ً
بصراحه فكرة وطريقة في قمة الروعه واحد مثلك رايق هادي الطباع يجي منه اكثر بصراحة ذي الحركات محد يقدر عليها لوانا قسم موصل مشواري وفي قطره من الماء ما غير من ذا المهابدات والطيران هو صح انه يثقل على السيارة بس مثل الفورتشنر مشاء الله مكينة جبارة وسيارة مرتفعه ما ياثر فيه ويريحك وبعدين بصراحة مكان البزبوز مدير الطوازعلى قول واحد ورع ولد واحد من الربع 
مدري وش اتسموه الي يطلع منه الماء مكانة وطريقة تركيبه ابداع وانا ما اتوقع انها فكره الي ركبه اتوقع فكرتك والله انت كذا 
بس اعتقد مقاعد الصف الثاني تفقد ميزة التسفيط او الميلان للخلف يعني الي يركب بلخلف انسى انه يقدر يرجع مسند الظهر للخلف وانت عاد اكيد حاسب لها وعارف والله اعلم 
