[اخضر زيتوني]

انا مره ماشي 110 ومثبت السرعه
اوكي
المهم اخوي دف القير في N وانا ماشي والتثبيت مثبت
وش رايكم اعطوني الافاده يا شباب
بعدها فكيت التثبيت و ولعت الفلشر وقفت السياره
وثم مشيت ولاصار شي
الحمدلله

[دقات قلب]

صارت معاي . اول ما استلمت السيارة

اخوكم يحب يتربع .. وفجأة . . الوضع N

عادي توقف بجانب الخط حتى تقف تماما ثم توكل على الله

[طالب حرش]

انصحك تغير الموتر...

امزح عااااادي جدا ولا تشييييل هم

[اخضر زيتوني]

الحمدلله
ومشكووور على الردودد

[أمير الأميرة]

للإفادة.....
مرة طلع معي المهندس حق الوكالة عشان يشوف صوت
طلع معي في الكفرات .. وشفته وهو يحط القير في وضع N
ويرجعه لوضع D على سرعة 70 كيلو متر في الساعة
ولا صار أي شيء....

دمتم سالمين,,,,,,,,,,,

[عاشـــق اللاند]

عادي وهي تمشي ترجعه d مايضر

[المكيانيكي]

اهلا بالجميع
تصرفك بالوقوف تماما ومن ثم التعشيق بالدي هو التصرف الصحيح واي واحد يتفضى القير عنده لازم يوقف تماما ويعشق ويتوكل على الله اكبر خطاء تفضي السيارة وتعشقها من جديد وهي تمشي سواء قير اوتو او قير عادي والدليل القير العادي ما يمكن انك تفضيه وتعشقه والسيارة تمشي بدون كلتش لان تروس القير تدور من سرعة السيارة ولا تتوافق مع المكينة والسيارة تمشي الا بالضغط على الكلتش في القير العادي او الوقوف تماما بالقير الاتو

اخوي امير الاميرة فني الوكالة هذا مسوي نفسه فاهم وهو ما عنده سالفة لا تأخذون بتصرفاته

صح مرة مرتين ما يصير للسيارة شي بس مع التكرار والوقت يصدر القير العادي صوت اثناء التعشيق والقير الاوتو يصير فيه فضاوه يعني تعشق بدي ولا تستجيب السيارة الا بعد وقت وتحس انها عشقت

ومن لم يقتنع بكلامي يرجع لكتيب السيارة

[دقات قلب]

بارك الله فيك اخوي الميكانيكي . وغفر لوالديك


والله لايحرمنا من تواجدك الدائم

وهذا الحل الافضل في هذه الحالات ..

أجمل تحية مع باقة ورد

[اخضر زيتوني]

انا مره استئجرت تويوتا XA تعشق في D و N و R بدون فرامل
وش فيها شكل الجير بوكس رايح فيها بقوه
وانا خفت يصير في سيارتي زي كذا
والحمدلله مصار شي
مشكووور على الردود