[محمد بن عمر]

السلام عليكم ورحمة الله وبركاته
معليش اخواني كانت الفترة الماضية عبارة عن تصفح بسبب كثرة الأعمال في الدوام والمكتب وما شابه ذلك واعلم انني غائب عن المنتدى لكن
امس اللي هو يوم الثلاثاء غيرت كفرات الفورتشنر حقي إلى هانكوك 265/70/16 يعني نفس مقاس الوكالة وانطباعي عنها حتى الآن ممتازة من ناحية المطبات ومن ناحية المشي وكذلك الين من البرجستون اللي يكسر الظهر لكن سأوافيكم قريباً بتقرير ثاني إن شاء الله
وشكراً على قرائتكم للموضوع

[الصاعق]

ماشاء الله تبارك الله

الله يعطيك خيرها ويكفيك شرها
بأنتظار التقرير والأسعار

[الجفني]

الله يجزاك خير وفي انتظار تقريرك

[قويدارد]

حسب تجربتي السابقه مع كفرات هانكوك اعتقد اها جدا لينه في المطبات

[أبو عبدالرحمن خ]

الله يجزاك خير ومنتظرين تقريرك لأني محتار بين دنلوب وهنكوك بانتظارك

[يالله من فضلك]

ماشاء الله
مبروك وتبليهن بالعافيه
وتراها مريحة بالخطوط وبالرمل تطربك
بس بالحصى لا انتبه!! لأنها لينه جداً
وسهل ثقبها من الجوانب
والسبب أن التريد وير للهانكوك أقل من غيره
إذا كنت نازل نازل لحزوم وحصيان كبار وأرض وعر
إحرص أن الهوا ما يكون نازل بل بالعكس اترسها ترس
هذا فعل حقين الطرد وماشيه أمورهم

بالتوفيق مرة ثانية وتقبل تحياتي

[أبـــو عـــزام]

الله يطرح فيها البركه

فعلاً مطبها زين مره لكن انتبه من الفرامل المفاجئة والكفر حار عشان ما تروح السيارة على وجهها واتمنى وجود نظام ا بي اس في سيارتك

الله يوفقك والجميع

سلام

[أبو سرور]

المشاركة الأصلية كتبت بواسطة أبو عبدالرحمن خ

الله يجزاك خير ومنتظرين تقريرك لأني محتار بين دنلوب وهنكوك بانتظارك

الدنلوب أحسن بكثير .. لانها متعدده للاستخدام (حزوم , شعبان , نفود , خطوط ...)

والدنلوب سنتين تكفيك بالراااحه

اما الهنكوك ماتنبغى في الشعبان (مجربها) على طول ينبعج الكفر .. ولا ينشق ..!
وماتقعد سنه ونص الا وهو منصلخ


_______


اخوي محمد الله يعطيك من خير هالكفرات ويكفيك من شرها يالله ياكريم ..

[جنوبي وجنوني]

المشاركة الأصلية كتبت بواسطة محمد بن عمر

السلام عليكم ورحمة الله وبركاته
معليش اخواني كانت الفترة الماضية عبارة عن تصفح بسبب كثرة الأعمال في الدوام والمكتب وما شابه ذلك واعلم انني غائب عن المنتدى لكن
امس اللي هو يوم الثلاثاء غيرت كفرات الفورتشنر حقي إلى هانكوك 265/70/16 يعني نفس مقاس الوكالة وانطباعي عنها حتى الآن ممتازة من ناحية المطبات ومن ناحية المشي وكذلك الين من البرجستون اللي يكسر الظهر لكن سأوافيكم قريباً بتقرير ثاني إن شاء الله
وشكراً على قرائتكم للموضوع

هلا اخوي ابو عمر لاحظت غيابك اخي ولاكن الغايب عذرة معه واهلا وسهلا بك وانت ليس بضيف او زائر بل انت عضو مهم لدينا ونتطلع الى مشاركاتك وتواجدك لكي نستفيد منك وبانتظار كل ما هو بجعبتك .
وان شاء الله نركب نفس مواصفات الكفرات المذكورة من قبلك ويقول المثل اسال مجرب ولا تسال طبيب لاني بصراحه اعاني من كفرات تويو لانها عريضه وسببت في تقطيع العوازل المحيطه بالرفارف وقساوتها وصوتها على الازفلت وتسبب رجه خفيفه لا يمكن تفاديها وميزتها فقط انها قويه وجميله في البر والمرتفعات والطعوس جدا جميله ولا كن الاهم راحة السائق والركاب والسيارة

وشكرا لك وارجو بان لا يطول غيباتك ؟

[محمد بن عمر]

اشكر جميع من رد على موضوعي انا ركبتها يوم الاربعاء الماضي لا وبعد عبيتها امس نتروجين صارت لينه مره ومطبها زين بصراحة انا جربت الهانكوك على الهلي حقتي 2005 قعدت معي ثلاث سنوات وكشت عليها في الصمان من الواضح لي عن كفرات هانكوك ان جوانبها ضعيفة لكن الماطا زين ما به خلاف
السعر بحيث ان كفراتي يعني بداية سنة 2008 فسعرها 380 ريال للكفر الواحد واللي رغبني فيه خطها الأبيض حلو جداً بس فك الغطيان وغسلها وشف شكلها بصراحة جنان وبجيب لكم صور من موتري تشوفون كيف الشكل
اما بالنسبة للكفرات عام 2007 تحصلها على 360 ريال
هذا والله اعلم وصلى الله على نبينا محمد وعلى آله وصحبه أجمعين