ووووووو وبعض اللي قاله الموضف ماصار بدل زيت المكينه _وبدل فلتر الهوا و بس
ويقول انا بدلت كل الاشياء اللي ذكرتها لكم اول شي
قلت انتم تقولون قبل ان زيت القير انه مايتبدل ابد ليش تقول بدلته
قال لا انا نسيت صح زيت القير مايتبدل انا اسف
وقلت وكي وفلتر البانزين بدلته بعد
قال نعم بدلته قلت انا اللي اشوفه في الشنطه فلتر الهوا
قال يمكن العمال قطوه
وقلت انزين انت ذكرت انك مبدل فلتر المكيف صح وانا امس ضايع مفتاح الدرج وصارلنا ساعه ندور عليه ونا مقفل الدرج شلون بدلت الفلتر توقعو شنوقال عندنا مفتاح خاص يفتح السيارات وبدلناه عن طريق المفتاح المشكله انا مبدله قبل شهر
وقلت ازين انت صفيت السياره قال نعم قلت كيف صفيت السياره والمكينه علي غبرتها محد حط ايده علي السياره
قال حااااطين دوا في تانكي البانزين والحين اخلي الهندي يغسلك الماكينه
انا طفشت منه وش الحل فيهم ررااايكم يربع شسوي في الساير خذو مني 80 دينار بس زيت مكينه وفلتر هوا وبرا مايكلف 10دنانير ر((رااايكم يربع السيرفس الجاي شكلي ابي انام عندهم وشوف في عيني
تخيل انت الموظف (( ولاتنسى ان شركة التويوتا ماهي مثل باقي الشركات : عدد هائل من الزباين ))
وجاك صاحب السيارة يدقق معاك بالشغل اللي انت متعود عليه وماشي فيه على برنامج وصارلك اسنين عليه
ونوع التدقيق :
سويتو كذا : وانت ترد عليه نعم ، يرد وينه رويني إياه.
ويسألك مرة ثانيه وترد عليه
والثالثه وترد عليه
تخيل وقولو الجواب :: وش تتوقع بترد عليه
واتمنى ترد علي
الحين بقوولك شاللي يصييييييييير بالفحص التقليدي
1. يعلقون السيارة على الرافعه ويشيلون التواير
2. يشبكون الكمبيوتر الخاص بالسيارة ويشيكون عن طريق الكمبيوتر على مشاكل السيارة الكهربائية
( قوة الكويل ، عمل الصبابات ، مشاكل كهربائية تقليديه ) ومايشيكون عليها يدويا ، بس بالكمبيوتر
3. يشيكون على البريكات ، إذا محتاجه تغير يغيرونها وإلا لا مايغيرونها
4. يغيرون الزيت والفلتر
هذي الأشياء الأساسيية اللي يسونها
الحين الأشياء اللي تتغير على حسب جدول الخدمة:
1. فلاتر السيارة وكل فلتر بموعده:
(( فلتر زيت المحرك ، فلتر المكيف ، فلتر هواء المحرك ، فلاتر البترول ))
طبعا الفلاتر على جدول يمشون عليها ، ومايفتحونها قبل كذا إلا إذا في شكوى او مشكله
2.البلاكات (( البواجي ))
3. زيت الجير ( ولاتصدق اللي يقول مايتغير )
4. يقلبون التواير على شكل حرف X
5. اشياء ثانيه
الحين أجاء دووور العميل :
إذا بيقعد لهم قعده ويناحسهم بتستوي مشكله
يعني صفي النيه ( والسيارة على الضمان ) لاتحاول تخونهم
انصحك اخوي نواف البريكي
لاتشك ولاتخلي الوسواس يأثر على مصداقية الشركة
ادري انك بتقولي انهم مايعرفون شي ( بعضهم ) عاد بقولك مادام السيارة شريتها بالحلال ( الله يبوفق لك ولد الحلال )
وأنصحك النصيحة الأخيرة ( وقت ماتسلم السيارة : امزح مع المصري واحسسه بالأخوية وانه ببلده الثاني
وازيك ياباشا ومن هالأمور وقوول له وانت طالع ، الله الله بالسيارة دي سيارة اخوووك ) والله بتجي وبتلاقيها زي العسل وبتركبها وهي جديدة
قسم بالله صار لي موقف ( غير لي قطع ماأحلم اني اغيرها ولاتشمل الضمان ) وكله بسبب إبتسامه
عشان كذا وصانا الرسول عليه الصلاة والسلام:
الإبتسامة بوجه اخيك صدقه.
بس يا اخ نواف مثل ما قالو المفروض تشيك عليهم وهم يشتغلون بالسياره
وتسألهم شنو سويتم وشنو غيرتم ووين القطعه اللي غيرتوها (الحذر واجب) لان هذا حلالك ولازم تخاف عليه
واذا للحين فيك حره عليهم اخذ الفاتوره والقطع المغيره وكلم المسئول عندهم
وخله يشد عليهم لان اذا ينصبون على شخص اكيد بينصبون على 1000 شخص او اكثر
ولا تصير دقيق شوي ( الهون ابرك ما يكون)
وهالمره مرت على خير والحمد لله على السلامه ( شنو مسافر؟؟؟!!)
ونعم با الله وبرسول صلي الله عليه وسلم صحيح الابتسامه صدقه كلام صحيح
يادرب الحب واللحمدالله النيه صافيه
مشكورين علي المرور
بس انا اقول اخوي( درب الحب) الوكاله لليلحين وهم يقولن زيت القير مايتغير
انا مادري يمكن ماعندهم معلومات كافيه عن السيارات
حتا الفني اللي جا معنا قال زيت القير الافالون والوريون مايتبدل شرايك بل كلام
يعني اغير برا الوكاله علي كلامهم ماغيروزيت ولا افالون في الكويت
وعن التصفيه يقول نبدل البلاكات (البواجي) وهو مايدلهم ليش الكذب والفني يقول مايتبدلون هذول تمشي عليهم 100 الف واخر شي يقول حطينا في التانكي دوا حق البخخات
والله ماعرف منهم الا قبل لادخل السياره يقول ابدل وبدل وهم بس يجيكون بس وحاط عليك سعر مو طبيعي وذا قلتله ليش المبلغ هذا قال والله هاذي اسعارنا
واكي اخواني اذا فيه احد فيكم يبدخل سيارته سيرفس مولازم يسأل عن اللي يسونه في السياره
اخوي نواف بعد التحية اذا كان الموضوع مسبب لك مشكلة يخوي شف لك ورشة فاهمة في الافالون وانا اشدد على فاهمة عشان ما يخربون لك السيارة مو كل الورش تفهم وتكون اسعارهم معقولة وفك راسك اخوي نواف لازم تفهم هم ياخذون حقهم وياخذون حق الضمان في المستقبل في حال حدوث خلل في سيارتهم العملية للاسف عندنا سحب وافراغ جيب العميل على لاشي والشركة ربحانه من بيع السيارة والقطع والصيانة ايضا ياخي العملية تمشي بالبركة
انا عني اذا كنت رايح للوكالة اعرف باني راح ادفع زود عن اللي براه وبكثير عشان الضمان والضمان هو اللي مصبرني عليهم هم ياخذون حقهم وزيادة الزيادة وانا اعرف هذا الشي لكن خل السيارة تخرب وهي على ضمانهم وما يصلحونها وبشوفون وش اللي راح اسويه فيهم
وانا انصحك اخوي انك تناقشهم بالتي هي احسن وفي حدود العقل والمنطق ((حرص من صاحبك ولا تخونه))) واذا انت اخوي تقول انهم ما يغيرون القطع خذ طريقتي حط علامة على القطعة التي راح يبدلونها خصوصا انهم يعلمونك باللي راح يستغلونه وبعد الصيانة اذهب للقطعة المبدلة وشف علامتك اذا كانت موجودة فمعنها ان القطعة لم تبدل وهنا تفاهم معهم عن السبب وطلب المدير والمسئول الاول في الشركة هذا يسمي نصب واحتيال وخداع .
تحياتي للجميع
شباب الساير هبل فيني 
رد: شباب الساير هبل فيني 
