[أفالون خاص]

انت حطيت السؤال في منتدى ES أغلب الإجابات بتقول الـ ES أفضل

ولو حطيته في منتدى أفالون بيقولون لك الأفالون أفضل

أنا أقولك اقرأ مواصفات السيارتين وشف وش يهمك انت وقرر

توضيح بسيط بخصوص أحصنة الأفالون :

دليل المالك للأفالون اللي موجود في درج السيارة ومكتوب عليه مطبوع في اليابان ( Printed in Japan ) مذكور ضمن مواصفات المحرك أن عدد الأحصنة 280 حصان

بخصوص موقع toyota.com هذا موقع تويوتا أمريكا وأحصنة الأفالون في أمريكا أقل والسبب أتوقع بسبب استخدام وقود أقل من المستخدم عندنا لأن الأفالون في أمريكا تطلب وقود أوكتين 87 عادي وليس ممتاز ( حسب دليل المالك للأفالون الأمريكية ) وهذا الشئ معروف ليس فقط في تويوتا .. على سبيل المثال ادخل موقع شيفروليه الأمريكي وشف أحصنة تريل بليزر تحصلها 285 وادخل شيفروليه الشرق الأوسط تحصلها 294 حصان

الخلاصة لا تثق إلا بدليل المالك اللي جاي مع السيارة لمعرفة مواصفاتها لأن المواصفات تختلف من بلد لآخر

[*حمودي*]

اللكزس احسن حتى بدون البانوراما , يكفي جودة اللكزس و تصنيعه أفخم من التويوتا ,,

وبالنسبه لي اللكزس بيعطيك شعور بالرضى أكثر من الافلون ,, من ناحية الاداء و كل شي ,,

بختصار لو انك شريت افلون و سألت اي واحد تعرفه أنك كنت بتشتري بداله لكزس Es350

كان قالك : (( حرام علييييك اللكزس أحسسسن)))

[مبتكر]

ياخوي ماتحتاج لها مقارنة واضحة اللكزس أفضل بالمواصفات .

ولو اشتريت افالون بتروح تحاول تسوي اضافات على سيارتك شبيهه باللكزس زي اغلب الشباب في منتدى افالون ..

اخوي انا بكون منصف وواقعي مو لأني بقسم اللكزس ..

انا من محبي الأفالون قبل مااشتري اللكزس والى الان أحب الافالون وداخله قلبي قبل اللكزس والله للحين احب اشوف افالون بالشارع ولو شفتها ماتفارق عيني ..

بس وانا اخوك انا مااشتريتها , السبب لأن الافالون في الخليج مظلومة وناقصه نصف المواصفات وملفق فيها اشياء وسعرها اغلى من مواصفاتها ..

كل شباب الأفالون يقولون الافالون أفضل لأنهم يشوفون المواصفات الامريكية لكن هنا نحاكي الواقع اللي عندنا مو الافالون الامريكية فلذلك بمواصفاتها الحالية الخليجية ماتقارن أبداً باللكزس وطبعا اللكزس أفضل بكثير ..

والافالون واللكزس نفس الشي في قطع غيار المكينة وتراهم مو بعيدين عن بعضهم والفرق بين قطع غيار اللكزس والافالون الاستهلاكية ممكن فرق 50 الى 100 ريال زيادة ..

وأحب أزيدك الجودة في قطع الغيار وخاصة في الفرامل , الأفالون تعاني من مشاكل الفحمات تخلص بسرعة وسعرها ارخص من اللكزس .. واحد من الشباب زميل لي بالدوام معه لكزس 2007 Es 350 ماشاءالله مشت سيارة فوق 40 الف وحتى الان ماغير فحمات الله يستر عليه ويحميه من العين ..

أفضل لك تروح للواكالة وتشوف مواصفات السيارتين بنفسك ..

[سبايبرن]

باختصار لان شكل الافالون الخارجي يوحي بالغباء وعدم تناسق الشكل العام ( وجهة نظر )

الافالون عليها حجم كانها باخره

أوافقكم الرأي 100%

[خالد الجودي]

أكيد لكزس وبدون كلام أو نقاش

[مـوال]

با ابن الحلال بعيدا عن الاحصنه وقوة المحرك ، شف انت وش احتياجك وتوكل على الله
مع العلم اني اميل للأفالون من ناحية كبر المسافه بالمراتب الخلفيه
وبالنسبة الى ES350 فهي افخم وجمل ولا يختلف عليها اثنين وتبقى وجه نظر ..
لكن لو قلت لي انك بتجيب افالون مواصفاتها نفس الامريكية ..فأنا اول واحد يشتريها

[اخو سلطان]

وعليكم السلام ورحمة الله وبركاته
انا و الله كان معي es و صارلي حادث ( انقلاب )
اخوي السلطان صح 12 وسادة هوائية (بس ماطلع منها ولا وسادة
بس ولو اللكزس من وجهة نظري احسن يكفي انها لكزس
وبصراحه انا ادورلي افالون من باب التغيير < وش عندك انت

[طارق البدر]

بصراحه اضحك انا يوم اقرأ مقارنات مثل هالمقارنات
سياره اقل نوع فيها بــ145 الف والسياره الاخرى الفل اوبشن بـ 117 وتقارنون بينها ههههههههههههه شي يدعوني للضحك يعني حدث العاقل بما يعقل

ماهو تعصب للكزس انا كان معي افالون بصراحه فرق كبير لكزس هدوء ونعومه شي مو طبيعي بعكس الافالون ويكفي ان فيها عيب الرائحه الكريهه فيها ريحه شي مو طبيعي السياره مضروبه بسبب هالعيب في ناس يقول الريحه في كل السيارات والله غلطان انا ركبت يمكن اربع انواع 2008 مارأيت ولن أرى مثل رائحة الأفالون مدير مبيعات يحدثني والله يقول كنا نبيع عشر وترجع للشركه ثمان تسع بسبب هالمصيبه اللي تويوتا متستره عنها ممازالت تواصل غباءها في بيع السياره



لكزس شركة جباره قبل ان تكون سياره

[صاحب الأفالون]

المشاركة الأصلية كتبت بواسطة ظبياني اي اس

يا أخواني أنا الحين أريد الجواب الأكيد

الأفالون 268 ولا 280 حماااار!!!!!!

اللي أعتقده انه الأفالون الخليجي 268 والأمريكي 280 والله أعلم

وسلامتكم

يا اخوي انا عندي افالون 2007 وقررت اشتري لكزس بس قبل ما اشتري لكزس ES350 قررت استأجرها وياليتني ما استأجرتها وسأعطيك الفرق وانت احكم
الافالون السرعه 260
الكزس 240
الافالون الحصان 280
الكزس 272
الافالون المساحه اكبر من الكزس ES350

لكزس ES350 داخليتها ضيق بالحيل
الافالون اوسع منها بكثير
الافالون اطول منها ولو توقف افالون جنب لكزس ES350 تلاحظ الفرق في الطول لان الافالون اطول منها
خذ الكلام الي يجمد على الشارب
وانت احكم يا اخي وشكرأ

[مبتكر]

المشاركة الأصلية كتبت بواسطة صاحب الأفالون

يا اخوي انا عندي افالون 2007 وقررت اشتري لكزس بس قبل ما اشتري لكزس ES350 قررت استأجرها وياليتني ما استأجرتها وسأعطيك الفرق وانت احكم
الافالون السرعه 260
الكزس 240
الافالون الحصان 280
الكزس 272
الافالون المساحه اكبر من الكزس ES350

لكزس ES350 داخليتها ضيق بالحيل
الافالون اوسع منها بكثير
الافالون اطول منها ولو توقف افالون جنب لكزس ES350 تلاحظ الفرق في الطول لان الافالون اطول منها
خذ الكلام الي يجمد على الشارب
وانت احكم يا اخي وشكرأ

احب اقولك ان الأافالون حدها 235 كيلو والـ 260 مجرد صورة

واللكزس تجيب 240 كيلو كامله بالراحة .

[أبو ريان]

بحكم اني املك افلون واخوي عنده Es

تتميز الافلون بـ التالي:

1- المسافاة بين المرتبة الخلفية والأمامية واسعة اكثر من اللكزس
2- خاصية تعديل وضعية المرتبة الخلفية
3- طبلون الافلون 260 وتفصل عند 245 تقريبا ... اللكزس طبلونها 240 وما ادري على كم تفصل الحقيقه ...
4- الطبلون الامامي حق الاقلون اعرض من اللكزس ... اللكزس تحس القزازة الامامية قريبه مرره بعكس الافلون تحسه بعيده وهذا يعطي احساس بالرحابة


ما عدا ذلك .. فالتفوق للكزس بكل تاكيد

ولو خيرتني ... اكيد راح اختار اللكزس بلا منافس إلا إذا جبت المواصفات الكاملة للأفلون مع نافقيشن يدعم الخليج ...

تحياتي لك

[شكمان ابوكنداسه]

صل صلاه استخاره ثم توكل على الله لانه مايندرا وش الخيره واذا كنت بتحافظ على الموتر اشتر لكزس

[*حمودي*]

نصيحه لك .. شعاري .. (( أعشق اللكزس و خذها )) !!

خخخخخخخخخخخخ

[سلطعون]

اخوي

الصرآآحه انا ما اشوف فيها مقارنه ابد

اللكزس ما تقارن مع الأفالون

وانت خذ اللي في بالك وما عليك من احد..

تقبل مروري ..