[الوضع الصعب]

يالربع عندى صرير(صوت الكفرات) يطلع حتى فى السرعه المنخفضه وانا لاف او ابى اهدى وش السبب ؟

[الإستشاري]

هاذي يالحبيب نوعية الكفرات .
غير الكفرات بمشلان وبتشوف الفرق .

[الوضع الصعب]

شكرا على المرور يالاستشارى بس الكفرات دنلوب شد بلد غريبه تطلع صوت

[الإستشاري]

طيب شوف لك زميل أو صديق إستعر منه كفرات المشلان للتجربه قبل التغيير .
وبعدين الوكالة ترى يطلع فيها عيوب .

[فارس سدير]

الميشلان الجيد يأتي بصناعة فرنسية فقط


لكن الموجود وخصوصا ً جنط الـ 17 لا يأتي إلا بصناعة تايلندية


فالفرنسي لا يقارن بالتايلندي

[المنسق]

انا مجرب كفرات الدنلوب سنوات وسنوات


الصوت سببه ضغط الهوا سواء بالزيادة او النقصان

واهم شئ شيك ميزان الاذرعه

[عضو جديد جداً]

أنا من شريت السيارة وهو يطلع الصوت عند الدوران ( يو تيرن )

وسألت الوكالة قال عادي أكثر الجيوب يطلع صوت صرصرة أثناء الدوران ...

والله أعلم ..

[اسرجتها]

المشاركة الأصلية كتبت بواسطة الإستشاري

هاذي يالحبيب نوعية الكفرات .
غير الكفرات بمشلان وبتشوف الفرق .

نفس الاجابه وبتلاحظ الفرق في الصوت وفي المطبات اخف والين وعمليه اكثر من حقت الوكاله
اخوك / اسرجتها

[أبوحمد]

أنا عندي نفس الصوت

وصدقني القار ايضا يلعب دور

وضغط الهواء

والدنلووووووووب بعد ..

[حسونه]

اذا كان ضغط الاطار منخفض
+
اذا كانت السيارة دفع رباعي مستمر

[هبايب الشمال]

اول شي كفراتك دنلوب وهذا شي معروف فيها

ثاني شي زد الهواء بالكفرات ويروح الصوت معك بإستثناء وقت الظهريه اللي القار يكون حاااار من جد

[الوضع الصعب]

اليوم لقيت مسمار فى الكفر الامامى رقعته والصوت خف كثير عن قبل

[مدري..]

الكفرآت عندك هوآهـ نآقص ..

عآآآير الكفرآت كلهآ نفس الشي وشوف كيف ..

[الوضع الصعب]

اشكركم على التفاعل تمنياتى للجميع بالتوفيق والبركه

[لا تنسى ذكرالله]

وفقك الله

نفس المشكله عندي

معاي فور شنر ويطلع صوت ( جديد )

شكلي بقيس ضغط الهواء

بس ماهو أفضل ضغط هواء

[الوضع الصعب]

تلاقى على باب الراكب بيان بالضغط المفروض للهواء
بدون حموله 32 وبحموله 40